Antón García

De Wikipedia
Saltar a navegación Saltar a la gueta
Antón GarcíaPicto infobox auteur.png
Antón garcía.JPG
Vida
Nacimientu

Tuña1960

(58/59 años)
Nacionalidá Bandera d'España España
Estudios
Llingües castellanu
asturianu
Oficiu
Oficiu escritor
Cambiar los datos en Wikidata
Antón García

Antón García (1960Tuña) ye un escritor, traductor y críticu de la Segunda Xeneración del Surdimientu. Fundó les editoriales Tsibros de Frou, Ediciones Trabe y Saltadera. Ye autor d'una obra lliteraria importante que lu convierte nún de los grandes nomes de les lletres asturianes del Surdimientu. Na so obra destaquen los títulos de narrativa El viaxe (1987), Díes de muncho (1998) y Xente tan cerca (2009); y los poemarios Estoiru (1984), Los díes repetíos (1989), Venti poemes (1998) y La mirada aliella (2007). Tamién tradució poemarios como 'Memoria d'outru ríu (1985) y `'Contra la oscuridá', d'Eugenio de Andrade (1988), y colecciones de cuentos como Los otros feriantes, d'Álvaro Cunqueiro (1999). Otra faceta mui importante de la so trayeutoria ye la d'investigador na lliteratura asturiana, con obres y ediciones como La Xudit, de Xuan González Villar (1990); 'El cuentu asturianu (1860–1936)' (1992); 'El cuentu asturianu tres la guerra' (1998); 'Lliteratura asturiana nel tiempu' (1993); 'Poesía asturiana y traducciones', de Fernán Coronas (1993); 'Cartes a la catedral d'Uviéu y otros poemes', d'Ángeles López Cuesta (1994); 'Obra Poética', de Xuan María Acebal (1995); y 'Obra Asturiana', de Marcos del Torniello (1996). Los artículos y conferencies que foi iguando nestes tres últimes décades sobre lliteratura asturiana axuntólos en dos volúmenes, publicaos nel 2007 y 2011, que tituló 'Xeneraciones y dexeneraciones'. Dirixe amás la revista cultural Campu de los Patos. Amás, ye'l críticu más importante de lliteratura n'asturianu al traviés de les páxines de La Nueva España.

Antón García fue responsable de la Oficina de Política Llingüística del Principáu varios años col últimu gobiernu de Pedro de Silva y dende'l cargu puxó por dalgunos de los más importantes proyeutos en materia de promoción llingüística de la hestoria autonómica d'Asturies: cursos p'adultos, ayudes a la edición, beques de traducción y investigación, campañes públiques de normalización, encuestes sociollingüístiques (como l'informe Llera Ramo) etc. Cuasi dos décades depués, va ser la so muyer Consuelo Vega la que s'ocupe de la política llingüística, anque yá como direutora xeneral.


Obres[editar | editar la fonte]

Narrativa[editar | editar la fonte]

Poesía[editar | editar la fonte]

  • Estoríu (1984)
  • Los díes repetíos (1989)
  • Venti poemes (1998)
  • La mirada aliella (2007)

Traducciones[editar | editar la fonte]

Estudios y ediciones[editar | editar la fonte]

  • La Xudit. Xuan González Villar (1990)
  • El cuentu asturianu. (1860 - 1936). (1992)
  • El cuentu asturianu tres la guerra. (1998)
  • Del centru a la periferia. (1993) (autor xunto a Consuelo Vega)
  • Lliteratura asturiana nel tiempu. (1993)
  • Poesía asturiana y traducciones. Fernán Coronas. (1993)
  • Cartes a la catedral d'Uviéu y otros poemes. Ángeles López Cuesta (1994)
  • Obra Poética. Xuan María Acebal. (1995)
  • Obra Asturiana. Marcos del Torniello. (1996)

Referencies[editar | editar la fonte]

  1. [1] saltadera.com Consultao'l 16.05.2017