Antòniu Garríu Correas

Antòniu Garríu Correas
Vida
Nacimientu	Peraleda de la Mata, 17 de mayu de 1964 (62 años)
Nacionalidá	España
Estudios
Llingües falaes	castellanu Estremeñu
Oficiu
Oficiu	traductor, poeta

Antòniu Garríu Correas (17 de mayu de 1964, Peraleda de la Mata), tamién conocíu como Antonio Garrido Correas, ye un escritor, poeta y traductor en llingua altoestremeña.

Biografía

Antòniu Garríu fixo la traducción del llibru El Principín de'Antoine de Saint-Exupéry al estremeñu en 1999, sol títulu El Prencipinu. Foi coordinador de la traducción y edición de la mesma obra en fala xalimesa, U pequenu príncipi. Unu de los sos poemes, Tengu un osinu de peluchi, figura n'Iberia Polyglotta; d'Hans-Ingo Radatz y Aina Torrent-Lenzen, como amuesa testual del estremeñu. Garríu participó en dellos congresos faciendo les sos ponencies siempre n'estremeñu.

En 2016 participó traduciendo na Edición Políglota de Don Quixote de la Mancha lleváu a cabu mientres los actos conmemorativos del IV Centenariu, y en 2017 de la versión en fala, una de les trés variedaes llingüístiques de la rexón estremeña que s'inclúin n'El Quijote universal. Siglo XXI, un proyectu qu'axunta 150 traducciones d'esta obra de Miguel de Cervantes.

Por cuenta de la poca actividá de la lliteratura n'estremeñu, con faltes tocantes a autores y publicistes dende los sos oríxenes, a finales del sieglu XIX, esta variedá dialeutal consideróse minoritaria, quitando a poetes de gran reconocencia como José María Gabriel y Galán, del que munchos escritores siguiéron-y el so pasos asonsañando la so terminoloxía, materia y métodu y creándose d'esta manera una serie de baremos particulares de los que Gabriel y Galán foi precursor. Tuvieron que pasar delles décadas hasta qu'escritores como Antòniu Garríu enfocaren una nueva forma d'escritura del estremeñu n'estillu y forma, considerándose unu de los pioneros de la prosa n'estremeñu.

Consideraos espertos na materia, Antòniu Garríu, xunto a Xosé Henrique Costas, en 2014 denunciaron les consecuencies de la desapaición de la fala xalimesa, nel informe preliminar del Gobiernu d'España escontra el Comité d'Espertos de la Xunión Europea.

Ta consideráu defensor del castellán estremeñu, con una propuesta consistente n'utilizar los poderes del Estáu, cola ellaboración d'estudios de los dialeutos nos apartaos de Filoloxía románica, con reconocenci de la llingüística de los enclaves fronterizos con Portugal, clases y ellaboración de llibros en tolos los dialeutos rexonales d'Estremadura.

Bibliografía

• Carmona García, Ismael (2011). La nueva literatura en estremeñu. Órgano de Seguimiento y Coordinación del Extremeño y su Cultura.

Enllaces esternos

• EL PRINCIPINU» : Entrevista a Antonio Garrido Correas (enllaz rotu disponible n'Internet Archive; ver l'historial y la última versión).
• Eloy García (13.2.2022). «El peraleo Antonio Garrido publica una colección de cuentos en tres idiomas» (castellanu). Hoy. Consultáu'l 23.5.2026.

• Datos: Q8201239