Antídotu

Antídotu
droga y protective agent (en)

Un antídotu ye una sustancia capaz de contrarrestar una forma d'envelenamientu. El términu deriva del griegu φάρμακον ἀντίδοτον (pharmakon antidoton), «medicina dada como remediu». N’inglés, un términu más vieyu y güei en desusu ye atterlothe, deriváu d’atter («venenu, fluyíu mórbidu»). Los antídotos pa los anticoagulantes suelen denomase tamién axentes de reversión.

Los antídotos pa ciertes toxines fabríquense al inyectar la toxina en pequeñes dosis nun animal y depués estrayer los anticuerpos xeneraos nel sangre. Asina fórmase un antivenenu que pue usase pa neutralizar los venenos producíos por dalgunes especies de culiebres, arañes y otros animales velenosos. Dalgunos velenos animales, especialmente los producíos por artrópodos (como ciertes arañes, escorpiones o abeyes), namás son potencialmente mortales cuando provoquen reacciones alérxiques severes y desencadenen un shock anafilácticu. Nesti casu nun esiste un «antídotu» propiu, magar el shock anafilácticu pue tratase con, por exemplu, epinefrina.

Otres toxines nun tienen antídotu conocíu. Por exemplu, la batracotoxina —un alcaloide esteroidal altamente velenosu presente en diverses especies de ranines de dardos, ciertos escarabayos y páxaros— nun tien antídotu, polo que puede resultar fatal si entra nel cuerpu humanu en cantidaes abondes.