Anselmo González del Valle

Anselmo González del Valle
Vida
Nacimientu	L'Habana, 26 d'ochobre de 1852
Nacionalidá	España
Muerte	Uviéu, 15 de setiembre de 1911 (58 años)
Familia
Padre	Anselmo González del Valle y Fernández Roces
Estudios
Estudios	Universidá d'Uviéu
Llingües falaes	castellanu
Oficiu	compositor, pianista, coleicionista, mecenes
Instrumentu musical	pianu

Anselmo González del Valle y Carvajal (26 d'ochobre de 1852, L'Habana – 15 de setiembre de 1911, Uviéu) foi un compositor, pianista y recopilador de cantares y música popular asturianes. Foi hermanu del poeta Emilio Martín González del Valle y Carvajal, I Marqués de la Vega de Anzo.

Biografía[editar | editar la fonte]

Yera fíu d'Anselmo González del Valle y Fernández Roces, empresariu uvieín emigráu a Cuba onde s'arriqueció, lo que-y dexó dedicar se por entero a la so gran afición, la música, anque estudiara Lleis na Universidá d'Uviéu.

En 1883 l'Academia de les Belles Artes de San Salvador d'Uviéu creó la Escuela Provincial de Música debíu la so iniciativa y mecenalgu. En 1892 él mesmu foi nomáu presidente de l'academia, onde amás fundó y caltuvo una cátedra de violín.

Nel so palaciu d'Uviéu dábense cita aficionaos y músicos locales, como Saturnino del Fresno, Víctor Sáenz y Baldomero Fernández, y aldericábase, estudiábase y executábense pieces de música. Guardaba una bona coleición de preseos y una biblioteca musical de más de 20.000 volumes.

Estes xuntes son l'orixe de la Sociedá Filarmónica d'Uviéu, fundada en 1907, de la que foi sociu fundador y nomáu Presidente Honorariu.

Finó n'Uviéu'l 15 de setiembre de 1911

Bibliografía[editar | editar la fonte]

Casaprima Collera, Adolfo (1995). Una vida pa la música. Historia de la Sociedá Filarmónica d'Uviéu, 1907-1994 (en castellanu). Casaprima, Editor. ISBN 84-605-2458-2.

Referencies[editar | editar la fonte]

↑ ^1,0 ^1,1 Afirmao en: Proyecto Biblioteca Internacional de Partituras Musicales. Identificador IMSLP: Category:González_del_Valle,_Anselmo. Apaez como: Anselmo González del Valle. Data de consulta: 9 ochobre 2017.

Enllaces esternos[editar | editar la fonte]

valle-1852-1911.html Una biografía de Anselmo González del Valle (1852 – 1911)

[b2c30e0abd0a8db674ce5528ef1db330b2f35872-1] 1,0 ^1,1 Afirmao en: Proyecto Biblioteca Internacional de Partituras Musicales. Identificador IMSLP: Category:González_del_Valle,_Anselmo. Apaez como: Anselmo González del Valle. Data de consulta: 9 ochobre 2017.

[1]