Anhinojo Folk

De Wikipedia
Saltar a navegación Saltar a la gueta
Anhinojo Folk
Anhinojo Folk.jpg
[editar datos en Wikidata]

Anhinojo Folk ye un grupu de música popular estremeña fundáu en 1977.[1]

El nome del grupu provien de la población de Hinojal, u s'anició'l grupu y d'onde son la mayoría de los sos miembros.[1]

Actividá[editar | editar la fonte]

Los miembros del grupu dedicáronse primeramente a arrexuntar la música popular d'Hinojal, grabándola en cassettes y reinterpretándola. Darréu ampliaron el so campu xeográfico d'actuación, siguiendo col mesmu métodu. Tamién incorporaron cantares propios, como ¿Qué te han hecho Tajo? de José María Díaz. Preséntense como conservadores de los cantares populares que se vinieron tresmitiendo de forma oral y que ven en riesgu de perdese de nun quedar rexistraos. Recueyen amueses de música tradicional d'Estremadura: cantares d'oficios, romances, de matanza, de bodes, de ronda, de  quintos, calteniendo la instrumentación popular y con escasos adornos.[2] Dacuando modifiquen la instrumentación, por casu cuando intervienen xuntos la gaita y el tambor.[1]

Instrumentos[editar | editar la fonte]

Los instrumentos qu'utilicen son diversos caciplos de la cocina -almirez, botella d'anís, calderu, morteru-, guitarra, llaúd, el batiero (ferramienta utilizada orixinalmente pa llavar), la sonaja de los quintos, gaita y tambor estremeñu.[1]

Miembros[editar | editar la fonte]

Los miembros foron variando a lo llargo de la esistencia del grupu, calteniéndose Jose Maria Diaz Moreno. En 2014 acompañábenlu Francisco Sanchez Fernal, Benitu Lancho Monxu, Felisi Macarrilla Macarrilla y Reme Pantrigo Lotez.[2]

Obra[editar | editar la fonte]

  • Cantaris de Trasantiel
  • Remansos del Tajo

Referencies[editar | editar la fonte]

  1. 1,0 1,1 1,2 1,3 Miguel Ángel Espigares (22-10-2014). «Diariofolk» (castellano). Consultáu'l 14-2-2016.
  2. 2,0 2,1 Benito Lancho (6-7-2012). «Histéricas Grabaciones» (castellano). Consultáu'l 14-2-2016.