Anguirus

De Wikipedia
Saltar a navegación Saltar a la gueta
Personaxe de Tōhō
Anguirus
Anguirus 1955 2.jpg
Especie Anquilosauriu
Altor Serie Showa
60 metros (de pies)
Millenium
40 metros (a cuatro pates)
90 metros (de pies)[1]
Singular Point
8~20 metros (a cuatro pates)[2]
Llargor Serie Showa
200 metros
Millenium
160 metros[1]
Singular Point
Desconocíu
Pesu Serie Showa
30.000 tonelaes
Millenium
60.000 tonelaes[1]
Singular Point
Desconocíu

Anguirus ye un kaiju recurrente nes películes de Godzilla, el primeru n'enfrentase al míticu monstruu (yá na segunda película d'esti, Gojira no Gyakushū). Ta basáu nun anquilosauriu y, magar que ye una creyencia común, nunca nun se diz que tenga un tamañu escomanáu pola mor de la radiación.

Habilidaes[editar | editar la fonte]

En combate, Anguirus ye ún de los kaiju que menos superpoderes gasta, enfotándose nos pinchos, los dientes y el rau prensil p'atacar y nel cascu pa protexese. Sicasí, a lo llargo de les apaiciones demuestra otros poderes. Por casu, ye a facese bola y llanzase escontra l'enemigu, y na primer apaición tamién ye a causar estrozos nel castiellu d'Osaka con namás que'l ruxíu. N'otros medios pue echar rayos pela boca, talamente como Godzilla (na novelización de la película y el manga Ōabare Gojira), aventar pinchos d'enexía colorao (nel videoxuegu Godzilla: Destroy All Monsters Melee), una versión cargada d'enerxía del ataque nel que se fai bola (nel videoxuegu Godzilla: Save the Earth), xirar tan rápido que se convierte nun discu afiláu que vuela (nel manga Kaijū Ō Gojira) o envelenar colos pinchos.[3]
Nel anime Godzilla: Singular Point, el monstruu tien un orixe estradimensional, un aspeutu bultablemente diferente y la capacidá de percibir el futuru cercano.

Filmografía[editar | editar la fonte]

Gojira no Gyakushū (1955)
Kaijū Sōshingeki (1968)
Gojira Minira Gabara Ōru Kaijū Daishingeki (1969, namás material d'archivu)
Chikyū Kōgeki Meirei Gojira tai Gaigan (1972)
Gojira tai Megaro (1973)
Gojira tai Mekagojira (1974)
Gojira: FINAL WARS (2004)
Sal un esqueletu que paez ser el d'Anguirus en Godzilla: Planet of the Monsters (2017) y Godzilla, King of the Monsters (2019).

Otres apaiciones[editar | editar la fonte]

Anguirus ye un personaxe regular na serie y les películes animaes Bōken! Gojirando (1992-96) y les feches con moñecos Gojira Airando (1997-98) y Gojiban (2019-2021), asina como nel anime Godzilla: Singular Point.

Apaez tamién más de venti videoxuegos de Godzilla, noveles, manga y cómics de Dark Horse y IDW.

Referencies[editar | editar la fonte]

  1. 1,0 1,1 1,2 https://wikizilla.org/wiki/Anguirus
  2. https://wikizilla.org/wiki/Anguirus
  3. All Kaiju Photo Encyclopedia 4 (オール怪獣写真図鑑 4), Kurosaki Shuppan