Angeline Stickney

De Wikipedia
Saltar a navegación Saltar a la gueta
02-12-2019 20:52
Angeline StickneyPicto infobox character.png
Angeline Stickney.jpg
Vida
Nome completu Chloe Angeline Stickney
Nacimientu 1  de payares de 1830
Nacionalidá Bandera de Estaos Xuníos d'América Estaos Xuníos
Fallecimientu

North Andover Traducir3  de xunetu de 1892

(61 años)
Familia
Casáu/ada con Asaph Hall  (31 marzu 1856 -
Fíos/es
Estudios
Estudios New-York Central College, McGrawville Traducir
Oficiu
Oficiu matemática, suffragettesufraxista
Cambiar los datos en Wikidata

Chloe Angeline Stickney Hall (1  de payares de 1830 - 3  de xunetu de 1892North Andover Traducir) foi una sufraxista, abolicionista y matemática estauxunidense. Tuvo casada col astrónomu Asaph Hall. Nun usó'l so primer nome y foi conocida como Angeline Stickney Hall. Yera fía de Theophilus Stickney y Electa Cook.

Anque yera probe, pudo dir al Central College de McGraw (Nueva York) con ayuda de la so hermana Ruth. Estudió ciencies y matemátiques, faciendo trabayos en cálculu y matemática astronómica. El Central College yera una universidá progresista onde los estudiantes con recursos modestos, incluyendo muyeres y afroamericanos llibres, podíen llograr un grau universitariu. Foi entós cuando s'entusiasmó poles causes del sufraxu femenín y l'abolición de la esclavitú.

Angeline Stickney y Asaph Hall conociéronse nel Central College. Stickney yera dos años mayor que Hall.[1] Foi la so profesora de xeometría y alemán.[2] Mientres los sos díes xuntos como profesora y estudiante, Hall y el so compañeru de clase plantegáben-y cuestiones y problemes, convencíos de que Stickney nun podría solucionar, pero nunca fracasó nesta xera.[3]

Stickney y Hall casáronse n'Elkhorn (Wisconsin) el 31 de marzu de 1856. Darréu dempués de la boda, la pareya treslladóse a Ann Arbor por que Hall pudiera siguir cola so formación. Tres meses más tarde treslladáronse a Shalersville (Ohio).[2]

La residencia Stickney nel barriu de Georgetown de Washington, D.C.

Stickney animó a Hall a siguir na so busca de satélites de Marte cuando esti tuvo a puntu de cesar na so xera, afayando finalmente Fobos y Deimos.[4] El cráter más grande de Fobos, el cráter Stickney, foi nomáu nel so honor.[4]

Los cuatro fíos del matrimoniu foron educaos nel so llar y toos ellos terminaron estudiando na Universidá de Harvard. El so tercer fíu, Angelo Hall, foi ministru unitariu y escribió la so biografía. El so fíu mayor, Asaph Hall Jr., nació'l 6 d'ochobre de 1859 y foi direutor del Observatoriu Detroit ente 1892 y 1905. Los sos otros fíos foron Samuel (segundu fíu) y Percival (cuartu fíu); Percival Hall (1872–1953) foi'l segundu presidente de la Universidá Gallaudet, ente 1910 y 1946 (Percival sicasí nun yera sordu).

Llibros[editar | editar la fonte]

Referencies[editar | editar la fonte]

  1. Dick, Steven J. (2003). Sky and Ocean Joined: The US Naval Observatory 1830-2000 (n'inglés). Cambridge University Press. ISBN 9780521815994. Consultáu'l 9 de febreru de 2017.
  2. 2,0 2,1 Whitesell, Patricia S.. «Detroit Observatory: nineteenth-century training ground for astronomers». Journal of Astronomical History and Heritage 6 (2):  pp. 69-106. http://www.detroitobservatory.umich.edu/JAHH2003/DetroitObservatoryArticle.pdf. Consultáu 'l 9 de febreru de 2017. 
  3. «Famous wife Hall». Consultáu'l 9 de febreru de 2017.
  4. 4,0 4,1 Rothery, David A. (2015). Moons: A Very Short Introduction (n'inglés). Oxford University Press. ISBN 9780191054211. Consultáu'l 9 de febreru de 2017.

Enllaces esternos[editar | editar la fonte]