Andrew Mountbatten-Windsor
.jpg)
Andrew Albert Christian Edward Mountbatten-Windsor (19 de febreru de 1960, Palaciu de Buckingham), conocíu como'l príncipe Andrés, duque de York hasta 2025, ye'l tercer fíu de la reina Sabela II del Reinu Xuníu y el príncipe Felipe. Na actualidá ye l'octavu na llinia de socesión al tronu británicu, pero hasta la nacencia del so sobrín el príncipe Guillermo en 1982 yera númberu dos, dempués del so hermanu'l príncipe Carlos.
Infancia y mocedá
[editar | editar la fonte]Andrew Mountbatten Windsor nació nel Palaciu de Buckingham, y dende la so nacencia, como fíu daquella de la reina, recibió'l títulu de príncipe col tratamientu d'Alteza Real.
La so madre foi la reina Sabela II, fía mayor del rei Xurde VI y Isabel, la Reina Madre. El so padre foi'l príncipe Felipe, duque d'Edimburgu, quien de la mesma ye l'únicu fíu del príncipe Andrés de Grecia y Dinamarca, fíu del rei Xurde I y de la princesa Alicia de Battenberg, siendo descendiente direutu de la reina Victoria.
Foi bautizáu nel Palaciu de Buckingham el 8 d'abril de 1960. Los sos padrinos fueron el príncipe Enrique, duque de Gloucester (tíu de la so madre); la princesa Alexandra de Kent; John Elphinstone (primu de la so madre); Hugh Fitzroy, duque de Grafton y Georgina Kennard.
Recibió nos sos primeros años educación en casa, pa darréu ingresar na Heatherdown Preparatory School y en Gordonstoun (la mesma escuela que'l so padre y hermanu mayor).
Serviciu na Marina Real
[editar | editar la fonte]En 1978 apuntóse na Marina Real Británica. Mientres la Guerra de les Malvines sirvió nel barcu HMS Invincible, onde se desempeñó en misiones de combate como pilotu d'helicópteros. Xubió al grau de capitán de fragata comandante hasta la so baxa en 2001.
Matrimoniu y fíos
[editar | editar la fonte]El 23 de xunetu de 1986, el daquella príncipe casó con Sarah Ferguson na Abadía de Westminster. Como ye'l costume monárquica, el día de la boda la reina concedió-y a Andrés los títulos de duque de York, conde d'Inverness y barón Killyleagh. De la mesma manera la so esposa recibió'l títulu de duquesa de York, siendo tratada como La so Alteza Real (S. A. R.). D'esta rellación nacieron les sos fíes:
- La princesa Beatriz de York.
- La princesa Eugenia de York.
En 1992 la pareya dixebróse ello ye que pa divorciase en 1996. Sarah perdió'l rangu de "la So Alteza Real", pero retuvo'l de duquesa de York. Vive na casona de Sunninghill Park y dambos comparten la custodia de les sos fíes.
Obligaciones reales
[editar | editar la fonte]Andrés ye representante especial de Comerciu ya Inversión del Reinu Xuníu. Tamién ayuda a la Familia Real nes sos obligaciones.
Títulos
[editar | editar la fonte]Como fíu daquella del monarca reinante, Andrew Mountbatten-Windsor foi tratáu al nacer como "la So Alteza Real el Príncipe Andrés". El 23 de xunetu de 1986, el día de la so boda, foi nomáu Duque de York, Conde d'Inverness y Barón Killyleagh, y asumió'l tratamientu de "la So Alteza Real el Duque de York". Foi dacuando conocíu como Conde d'Inverness n'Escocia y Barón Killyleagh n'Irlanda del Norte.
En 2019, al conocese l'amistá d'Andrew Mountbatten Windsor col delincuente sexual condergáu Epstein, los residentes d'Inverness entamaron una campaña pa quita-y el so títulu de conde, diciendo que "nun ye apropiao que'l príncipe Andrés tea rellacionáu cola nuesa bella ciudá". En 2022, hubo una petición anovada n'Inverness, y los residentes de Killyleagh sentíen qu'había tener la so baronía desaniciada. Rachael Maskell, el diputáu del Labour Co-op por York Central, declaró que buscaría formes de facer qu'Andrew Mountbatten Windsor arrenunciara al so ducáu si él nun lu abandonara voluntariamente; el Conseyu de la Ciudá de York votó por unanimidá pa desaniciar la so llibertá honoraria de la ciudá, y dellos conceyales de York pidieron a Andrew Mountbatten Winsor que perdiera'l títulu de duque de York.
En xineru de 2022, Andrew Mountbatten Windsor dexó d'utilizar el tratamientu de "la So Alteza Real" públicamente, pero entá se-y dexó usalu pa cuestiones privaes.
El 17 d'ochobre de 2025, trés conversaciones con Carlos III, Andrew Mountbatten Windsor aceptó dexar d'utilizar los sos pares y honores, incluyendo'l so títulu de duque y el de caballeru de la Orde de la Garter y el de Caballeru de la Orde Real Victoriana. El so estandarte d'armes, que colgaba na Capiella de San Xurde, nel Castiellu de Windsor dende 2006 pa significar la so pertenencia a la Orde de la Garter, foi quitada. L'efectu d'esto foi facer que los honores y títulos d'Andrew Mountbatten Windsor queden "durmiendo"; sicasí, siguió poseyéndolos y el derechu al tratamientu de "la So Alteza Real".
Siguió usando'l títulu de "príncipe" hasta'l 30 d'ochobre, cuando'l Palaciu de Buckingham anunció que Carlos III empezaba'l "procesu formal" pa desaniciar los tratamientos, títulos y honores del so hermanu. El so nome foi retiráu del Roll of the Peerage. Mientres qu'esto nun revoca'l so estatus de noble, queda escluyíu de los ordes de precedencia derivao d'ello, y dexó de ser nomáu o tratáuu por cualesquier títulu deriváu del so estatus de noble en documentos oficiales. Faise entóncenes conocíu como Andrew Mountbatten-Windsor. Como resultáu, convirtióse en plebeyu.
A partir de 2025, Mountbatten-Windsor ye l'octavu na llinia de socesión al tronu británicu.
Cine
[editar | editar la fonte]| 1982 | The royal romance of Charles and Diana | John Hadden |
| 1993 | Diana: Her true story | Jeffrey Harmer |
Ancestros
[editar | editar la fonte]| Predecesor: Xurde VI |
Duque de York 1986 – 2025 |
Socesor: vacante |
| Predecesor: princesa Lilibet de Sussex |
Llinia de Socesión al Tronu Británicu 8 |
Socesor: SAR la princesa Beatriz de York |
Referencies
[editar | editar la fonte]- ↑ URL de la referencia: http://www.telegraph.co.uk/news/uknews/queen-elizabeth-II/9689145/Queens-Blue-Sapphire-wedding-anniversary-65-years-of-landmarks.html.
- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Companies House. Companies House officer ID: pQMwMmRIzRjCH2szaABxdJNXu9g. Data de consulta: 13 abril 2022.
- 1 2 3 4 5 Afirmao en: Kindred Britain.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
- ↑ URL de la referencia: https://www.kongehuset.no/tildelinger.html?tid=28028&sek=27995&q=&type=27117&aarstall=1988.
- ↑ «Andrew allowed to keep Falklands medal despite losing royal and military titles» (inglés británicu) (5 payares 2025). Consultáu'l 5 payares 2025.
- ↑ URL de la referencia: https://web.archive.org/web/20140425000218/https://royalsociety.org/about-us/fellowship/new-fellows-2013/. Data de consulta: 30 abril 2022.
- 1 2 Afirmao en: Encyclopædia Britannica Online. Identificador Encyclopædia Britannica Online: biography/Andrew-duke-of-York. Llingua de la obra o nome: inglés.
- ↑ «Prince Andrew loses military titles and use of HRH». BBC World News (13 xineru 2022). «he will retain his service rank of Vice-Admiral»
Enllaces esternos
[editar | editar la fonte]
Wikimedia Commons acueye conteníu multimedia sobre Andrew Mountbatten-Windsor.
- Andrew Mountbatten-Windsor na Internet Movie Database (n'inglés)
- Andrew Mountbatten-Windsor en Facebook
- Andrew Mountbatten-Windsor n'Instagram
Datos: Q153330- Multimedia: Andrew Mountbatten Windsor