Andrés Avelino Cáceres

De Wikipedia
Saltar a navegación Saltar a la gueta
Artículu revisáu
Andrés Avelino Cáceres
Andres Caceres.jpg
Vicepresidente del Perú

23 abril 1883 - 27 ochobre 1883
José Francisco Canevaro Valega - Aurelio Denegri
Vida
Nome completu Andrés Avelino Cáceres Dorregaray
Nacimientu Ayacucho10  de payares de 1836
Nacionalidá Bandera del Perú Perú
Fallecimientu

Lima10  d'ochobre de 1923

(86 años)
Sepultura Cementerio Presbítero Matías Maestro Traducir
Familia
Casáu/ada con Antonia Moreno Leyva
Fíos/es
Estudios
Llingües castellanu
Oficiu
Oficiu políticu y militar
Graduación Mariscal
Creencies
Partíu políticu Partido Constitucional Traducir
Cambiar los datos en Wikidata

Andrés Avelino Cáceres Dorregaray (Ayacucho, 4 d'agostu de 1833 - Lima, 10 d'ochobre de 1923) foi un políticu, militar y Mariscal peruanu. Foi'l presidente de Perú en 2 ocasiones (del 3 de xunu de 1886 al 10 d'agostu de 1890, y del 10 d'agostu de 1894 al 20 de marzu de 1895).

Biografía[editar | editar la fonte]

Fíu del matrimoniu formáu por Domingo Cáceres y Oré y Justa Dorregaray Cueva, casóse con Antonia Moreno Leyva y tuvo 3 fíes: Zoila Aurora Cáceres Moreno, Rosa Amelia Cáceres y Lucila Hortensia Cáceres.

Nel Perú ta consideráu un héroe nacional, por lluchar en toles batalles importantes de la guerra del Pacíficu (San Francisco, Tarapacá, Tacna, San Juan y Miraflores) y por lliderar la resistencia na sierra central escontra la ocupación chilena, la llamada Campaña de la Breña (1881-1883). Falaba'l quechua, polo que tuvo gran influyencia sobro la población indíxena del so país, a base de la cual formó un exércitu regular, sofitáu por guerrilles o «montoneras». Foi conocíu polos sos soldaos como Taita Cáceres, ente que los chilenos moteyáronlu El Bruxu de los Andes, por cuenta de que siempres burlló les maniobres envolventes entamaes con muncho celu polos xenerales chilenos, y porque actuaba con tanta fluidez que paecía tar presente perdayuri. En tala campaña llogró'l triple trunfu de Pucará, Marcavalle y Concepción, y anque foi ganáu en Huamachuco, nun se rindió y siguió entamando la resistencia, hasta que tuvo qu'aceptar los fechos peracabaos tres la firma del tratáu de Rancón.

Dempués de la guerra con Chile, incursionó viviegamente na política, fundando'l so propiu partíu, el Constitucional. Enfrentóse al presidente Miguel Iglesias, que roblara'l tratáu de paz con Chile con cesión territorial, desamarrándose una guerra civil. Una vegada más, Cáceres amosó la so estratexa militar al poner fuera de xuegu al exércitu principal d'Iglesias na llocalidá de Huaripampa (sierra central peruana), aición que se conoz como la “huaripampeada” (1884). De siguío atacó Lima, au les sos fuerces abarganaron nel Palaciu de Gobiernu a Iglesias. Ésti arrenunció a la presidencia en 1885, siendo asocedíu por un gobiernu provisional, el mesmu que convocó eleiciones nes que ganó abrumadoramente Cáceres. Nesti primer gobiernu constitucional, de 1886 a 1890, Cáceres tuvo que llevar alantre la Reconstrucción Nacional, especialmente nel campu de la recuperación económica. Punxo fuera de cursu'l billete fiscal o papel moneda, bien devaluáu entós; creó impuestos nuevos; intentó la descentralización tributaria; y para solucionar el problema de la enorme delda esterna robló'l Contratu Grace pol cual apurrió los ferrocarriles a el acreedores. Volvió a la presidencia en 1894, nunes cuestionaes eleiciones, que provocaron na so escontra la formación de la Coalición Nacional, integrada polos demócrates y civilistes, encabezaos por Nicolás de Piérola; desamarróse una sangrina guerra civil que remató col asaltu de los asociaos a Lima, énte lo que Cáceres arrenunció y partió al esiliu, en 1895. Volvió al Perú en 1899 y siguió participando na política. Sofitó al presidente Augusto B. Leguía nel so ascensu al poder en 1919, el mesmu añu en que'l Congresu xubiólu a Mariscal.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]

Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.


Predecesor:
Justiniano Borgoño
Presidente de Perú
10 d'agostu de 1894 - 20 de marzu de 1895
Socesor:
Manuel Candamo
Predecesor:
Antonio Arenas
Presidente de Perú
3 de xunu de 1866 - 10 d'agostu de 1890
Socesor:
Remigio Morales Bermúdez