Ancient Records of Egypt

De Wikipedia
Ancient Records of Egypt
obra escrita
Datos
Autor James Henry Breasted
Cambiar los datos en Wikidata

Ancient Records of Egypt (Rexistros Antiguos d'Exiptu Documentos históricos dende los primeros tiempos hasta la conquista persa) ye una escoyeta de documentos históricos en cinco volúmenes realizáu pol historiador y arqueólogu estauxunidense James Henry Breasted (1865-1935) ente los años 1905 y 1906. La obra contién tantu traducciones de testos n'escritura xeroglífica como reproducciones d'imáxenes del Antiguu Exiptu que fueren afayaos hasta esi entós. La escoyeta toma'l periodu entendíu polos orixe de la civilización exipcia hasta la conquista de la mesma per parte del imperiu persa.

Historia[editar | editar la fonte]

Publicada por The University of Chicago Press, Rexistros Antiguos d'Exiptu foi la segunda parte de trés series de trescripciones y traducciones de testos orixinales de l'Antigüedá propuestes por William Rainey Harper (1856-1906). L'oxetivu d'estes publicaciones yera espublizar documentos consideraos ferramientes pervalibles pa la enseñanza de les cultures que dieron orixe a la civilización Occidental. Taba inspirada na compilación realizada por A. H. Sayce llamada Records of the Past publicada ente 1888 y 1890.[1]

La primer parte de la serie concebida por Harper foi publicada en 1901. La mesma contién rexistros d'Asiria y Babilonia en dos volúmenes; la segunda (Rexistros Antiguos d'Exiptu), foi publicada en cinco volúmenes en 1906 y la tercer serie (que fuera editada pol mesmu Harper) tuvo pensada p'arrexuntar documentos sobre Palestina, Fenicia y Siria pero nunca llegó a publicar.[2]

Conteníu[editar | editar la fonte]

La obra ta estremada en cinco volúmenes:

  1. Volume I: contién trescripciones y traducciones de documentos históricos exipcios dende la Dinastía I hasta la Dinastía XVII inclusive.[3]
  2. Volume II: Dinastía XVIII.[4]
  3. Volume III: Dinastía XIX.[5]
  4. Volume IV: de la Dinastía XX a la XXVI.[6]
  5. Volume V: contién los índices alfabéticos correspondientes a los nomes (de dioses, templos, reis, persones, etc.) qu'apaecen nos cuatro volumes anteriores.[7]

Ver tamién[editar | editar la fonte]

Referencies[editar | editar la fonte]

  1. Breasted, James Henry (1906). «Preface», Ancient Records of Egypt. Historical documents from the earliest times to the Persian conquest. Volume I (n'inglés). The University of Chicago Press, páx. vii. Consultáu'l 1 de xunu de 2014. «"... A most laudable beginning in this direction, and one that has done great service, was the Records of the Past..."»
  2. http://oi.uchicago.edu/research/history/early_history.html#Records
  3. Breasted, James Henry (1906). William Rainey Harper (ed.): «Volume I. The First to the Seventeenth dynasties» (inglés). Ancient Records of Egypt. Historical documents from the earliest times to the Persian conquest. The University of Chicago Press. Consultáu'l 1 de xunu de 2014.
  4. Breasted, James Henry (1906). William Rainey Harper (ed.): «Volume II. The Eigteenth dynasty» (inglés). Ancient Records of Egypt. Historical documents from the earliest times to the Persian conquest. The University of Chicago Press. Consultáu'l 1 de xunu de 2014.
  5. Breasted, James Henry (1906). William Rainey Harper (ed.): «Volume III. The Nineteenth dynasty» (inglés). Ancient Records of Egypt. Historical documents from the earliest times to the Persian conquest. The University of Chicago Press. Consultáu'l 1 de xunu de 2014.
  6. Breasted, James Henry (1906). William Rainey Harper (ed.): «Volume IV. The Twentieth to the Twentieth Sixth dynasties» (inglés). Ancient Records of Egypt. Historical documents from the earliest times to the Persian conquest. The University of Chicago Press. Consultáu'l 1 de xunu de 2014.
  7. Breasted, James Henry (1906). William Rainey Harper (ed.): «Volume V. Indices» (inglés). Ancient Records of Egypt. Historical documents from the earliest times to the Persian conquest. The University of Chicago Press. Consultáu'l 1 de xunu de 2014.

Enllaces esternos[editar | editar la fonte]