Aníbal Corujo Menéndez

Aníbal Corujo Menéndez
Vida
Nacimientu	La Felguera, 24 d'ochobre de 1924 (100 años)
Nacionalidá	España
Estudios
Llingües falaes	castellanu
Oficiu	cantante
Instrumentu musical	voz

Aníbal Menéndez Corujo (24 d'ochobre de 1924, La Felguera) foi un cantante asturianu de tonada, anguaño retiráu del mundu de la música.

Entamó a cantar de bien mozu baxo la influyencia de so padre y so güelu participando nel coru escolar. La so primera participación nun concursu foi nel añu 1949 nos de Radio Falange y el del diariu Región, aunque nesti casu fuera de concursu, yá qu'existía una incompatibilidá ente les dos competiciones. Sería dos años más sero, nel añu 1951, cuando algamaría'l primer premiu del concursu entamáu pol diariu Región interpretando les tonaes Viva la xente minera, Soi pastor y La mio neña. Nel añu 1966 nel teatru Filarmónica d'Uviéu foi nomáu Campeón de campeones y retiróse de los escenarios.

Xunto con Silvino Argüelles, Diamantina Rodríguez, Josefina Fernández y José Ramón Alonso formaría'l grupu Así Canta Asturias.

A lo llargo de la so carrera grabó un discu de llarga duración y dellos cenciellos, dexando rexistraos una ventena de cantares. Igualmente, en 1970 dexó rexistrada el cantar Soi pastor nun discu coleutivu cola compañía Regal, del grupu EMI, xunto con otros cantantes como Juanín de Mieres, José Noriega, Silvino Argüelles, El Tordín, L'Abogáu o Margarita Blanco. ente más otros.

Nel añu 2010 recibió un homenaxe de parte del Concursu de Canción Asturiana qu'entama en Xixón el diariu El Comercio.

Referencies

Enllaces esternos