Amaia Romero

De Wikipedia
Saltar a navegación Saltar a la gueta
Amaia RomeroPicto infobox music.png
Amaia Romero 2019.jpg
Vida
Nome completu Amaia Romero
Nacimientu

Pamplona3  de xineru de 1999

(21 años)
Nacionalidá Bandera d'España España
Estudios
Llingües castellanu
Oficiu
Oficiu cantante
Mena de voz mezzosopranu
Instrumentu musical Pianu
guitarra
ukelele Traducir
Mandolina
voz
Discográfica Universal Music Group
IMDb nm4977202
amaiaromeroarbizu.com/
Cambiar los datos en Wikidata

Amaia Romero Arbizu (3  de xineru de 1999Pamplona), más conocida como Amaia, ye una cantante, músicu y compositora española. Dióse a conocer en participando n'Operación Triunfo 2017 (OT), onde aportó fasta la final y foi proclamada ganadora. Amás, foi escoyida al pie d'Alfred García, tamién concursante d'Operación Triunfo 2017, pa representar a España nel Festival del Cantar d'Eurovisión 2018 con «Tu canción», compuesta por Raúl Gómez y Sylvia Santoro.

Biografía[editar | editar la fonte]

Amaia Romero ñació'l 3 de xineru de 1999 na ciudá de Pamplona, Navarra. Fía d'Ángel y Javiera, Amaia pertenez a una familia de músicos, na que destaca'l so tíu Joaquín, que foi xerente del Orfeón Pamplonés dende 2008 fasta 2016, amás de la Orquesta Pablo Sarasate mientres dos años. Él foi quien descubrió cuando Amaia yera pequeña que tenía oyíu absolutu.[1] Tien un hermanu, Javier (1990) y una hermana, Ángela (1994).[2]Na actualidá, el so hermanu Javier ye'l so representante musical.

Per parte madre, Amaia ye sobrina de Carmen Arbizu, catedrática de Cantar del Conservatorio Cimeru de Música de Navarra dende l'añu 1990.[1] Amaia cursa los estudios cimeros de pianu, unu de los varios instrumentos que toca.

La moza, anque fincada nel barriu de Mendillorri, Pamplona, pasó bona parte de la so infancia en Sorauren, onde allegaba cada sábadu pa xintar na casa que teníen los sos bisagüelos.[1] Tamién solía dir a Lodosa, onde cantó en delles ocasiones cuando yera guaḥa.

Carrera musical[editar | editar la fonte]

2010-2016: Entamos[editar | editar la fonte]

En 2010, con 11 años, participó nel talent show infantil Cántame una canción de Telecinco, onde cantó al pie de David Civera y Sergio Rivero, ganador d'Operación Triunfo 2005. En 2011, foi una de los dos ganadores de la beca de Rock Camp 2011, participando nel campamentu durante'l 2011 y 2012.En 2012 participó na primera edición de El número uno, algamando entrar nel concursu en interpretando'l cantar «Here Comes the Sun» col so ukelele. Tres seis semanes nel concursu, Amaia foi espulsada dempués d'enfrentase col concursante más veteranu, Alberto Pestaña. El xuráu taba formáu por importantes cantantes españoles como David Bustamante, Ana Torroja, Miguel Bosé, Natalia Jiménez y Mónica Naranjo, que dedicó unas tienrres pallabres a la xoven:

«Pola esperiencia que yo tuvi, por tou lo que vi, si les persones adultes nun tamos aviaes pal ésitu, imaxinái una cría. Amaia, xúrote que toi faciéndoti'l favor de la to vida. Agora que yes xoven, si faes una posa y lu retomes dientro dellos años, entóncenes esnalarás, pero si quedes equí, colo piquiñina que yes, van taramiate. ¿Perdónesme? Yo sé que ye bonu pa ti. Sé que va ser lo meyor. Verémonos dientro dellos años y yá verás que diráte bien.»[3]

Curiosamente, Mónica Naranjo formó parte del xuráu d'Operación Triunfo 2017, edición na que participaría Amaia.

Tres dellos años de formación, Amaia collaboró cola banda navarra Lemon y Tal nel cantar «Cicatrices de mi realidad».[4]

2017-2018: Operación Triunfo y Eurovisión[editar | editar la fonte]

Amaia Romero y Alfred García na Eurovision Spain Pre-Party en Madrid n'abril de 2018

El 5 de xunetu de 2017, Amaia Romero presentóse al casting d'Operación Triunfo, en Bilbao, el concursu musical volvía tres dellos años ensin emisión. La cantante foi escoyida, pasando la primera fase col númberu "1115" consiguiendo pasar les distintes fases fasta aportar a la gala 0, cuando actuó per primer vegada nel plató d'Operación Triunfo'l 23 d'ochobre de 2017, col cantar «Starman» de David Bowie.[5] A pesar de ser propuesta pol xuráu pa nun entrar nel concursu, foi salvada polos profesores de l'academia. A lo llargo del so pasu pol programa, foi propuesta como favorita del públicu demientres delles selmanes, llogrando selo en trés ocasiones, y nun llegando a tar nunca nomada pol xuráu (ensin cuntar la gala 0).

El 15 de xineru de 2018, Amaia convirtióse en finalista del concursu gracies a los 40 puntos (máxima puntuación na hestoria del programa) otorgaos polos miembros del xuráu del programa. Más tarde, el 5 de febreru del mesmu añu, foi proclamada como ganadora de la edición con un 46% de los votos.

Los cantantes españoles Alfred García y Amaia Romero en Lisboa demientres el Festival del Cantar d'Eurovisión 2018

Per otru llau, teniendo tao ente los cinco finalistes d'Operación Triunfo, foi candidata a representar a España nel Festival d'Eurovisión de 2018. Asina, fuéron-y asignaos los cantares «Al cantar», compuesta por Rozalén, que defendió en solitariu, y «Tu canción», compuesta por Raúl Gómez y Sylvia Santoro, que cantó al pie del so compañeru y pareya Alfred García. Esta postrera foi finalmente la escoyida col 43% de los votos para representar al so país nel mes de mayu en Lisboa, que, en marzu de 2018, consiguió ser discu d'oru con vientes cimeres a 20.000 copies vendíes.

En marzu de 2018, Amaia acudió a los Premios Dial celebraos nel Centru Internacional de Feries y Congresos de Tenerife, xunto a dalgunos de los sos compañeros d'OT 2017.

N'abril de 2018, participó nun conciertu homenaxe, al pie d'Alfred García, llamáu Amaia, Alfred y amigos, realizáu por RTVE enantes la so partida pa Lisboa y Eurovisión. Nesti conciertu, cantaron dalgunos de los sos cantares favoritos con artistes como Zahara y Love of Lesbian. Amás, Amaia y Alfred estrenaron la versión n'inglés de «Tu canción», nomada «Your song». Esti conciertu foi emitíu per internet el 26 d'abril, pero'l 9 de mayu foi reemitíu a traviés La 2 de Televisión Española.

El martes 8 de mayu tuvo llugar la primera semifinal na qu'España tuvo drechu a votu (hai que recordar que, como miembru del Big Five, España pasa direutamente a la final). Como representantes d'España, Amaia y Alfred tuvieron presentes na primera semifinal y amosóse un minutu de la so actuación del ensayu xeneral del día anterior. Xusto un día dempués la primera semifinal, fíxose oficial que «Tu canción» yera discu de platino.[6]

El sábadu 12 de mayu celebróse en Lisboa la Gran Final del Festival, na qu'actuaron en segundu llugar, Amaia traxo un vistíu diseñáu por Teresa Helbig y Alfred, un traxe de Paco Varela. Tres les votaciones, quedaron en ventésimu tercera posición, de ventiséis países, con 61 puntos (43 del xuráu profesional y 18 del televotu).[7]

2018-presente: Carrera en solitariu[editar | editar la fonte]

El 31 de mayu actuó na decimoctava edición del festival Primavera Sound al pie de la banda catalana The Free Fall Band.

Dende'l so pasu pol programa, dellos artistes quixeron cuntar cola so collaboración. Mientres el conciertu en Pamplona el 19 de mayu de la cantautora albaceteña Rozalén, Amaia foi convidada a xubise al escenariu onde interpretó la canción «Al cantar», que Rozalén compunxera pa ella mientres la so estancia n'academia d'OT. Tamién, el grupu catalán Love of Lesbian convido-y a participar n'unu de los sos conciertos del 20 aniversariu del grupu celebráu nel Teatru Circo Price de Madrid.

El 28 de xunetu actuó en solitariu énte más de 1700 persones nel Teatru Real de Madrid, dientro'l Universal Music Festival.

El 23 de payares espublizóse una nueva versión de «Al cantar», esta postrera a dúu con Rozalén.

El 14 d'avientu publicóse la so collaboración col artista Alfred García, una tema de Jazz en catalán tituláu «Et vull veure» nel primer discu del cantautor, llamáu «1016». Ese mesmu día, Amaia anunció al traviés de les sos redes sociales qu'un curtiu cantar llamáu «Un nuevo lugar», la introducción al so nuevu discu, sería publicáu'l día 18 del mesmu mes.

El 2 de febreru de 2019 actuó na 33ª edición de los Premios Goya, interpretando al pie de Rozalén y Judit Neddermann una mestura de los cuatro cantares nomaos na categoría de "Meyor cantar orixinal", premiu qu'amás apurrió.

El 3 de mayu de 2019 llanzó'l so primer cenciellu, tituláu «El Relámpago», coincidiendo asina col so primer conciertu en Murcia de la so xira de festivales, el Warm Up. Naquel conciertu pudo escuchase nuevos cantares de lo que sería'l so álbum debú, producíu por Santiago Motorizado. Pola xira triyó escenarios como'l Primavera Sound o'l Mallorca Live Festival.[8] El 21 de xunu (Día de la Música) del mesmu añu, publicó'l so segundu cenciellu tituláu «Nadie podría hacerlo», una cantar na que namás siéntese la so voz y el pianu. De fechu, ye al pianu a quien va dirixíu esti cantar, pudiendo observase nel vidiuclip varios vidios de l'artista tocándolo cuando yera rapaza.[9]

Amaia participó na tercera temporada de Paquita Salas cantando a la fin del quintu episodiu «Tan pequeñica y sincera», una xota aragonesa de Marisol.[10][11]

El 2 d'agostu de 2019, publicó'l so tercer cenciellu "Quedará en nuestra mente", como adelantu del so discu, "Pero no pasa nada", que fue publicáu'l 20 de setiembre de 2019[12], producíu pol artista Santiago Motorizado.

Influencies y estilu[editar | editar la fonte]

Ye aficionada a escuchar cualesquier xéneru de música. Los sos cantantes favoritos son The Beatles y Marisol. Amás, ye aficionada al flamencu. Participó nel Festival Flamenco On Fire' 2018 celebráu en Pamplona del 21 al 26 d'agostu. Ufiertó un recital acompañada polos guitarristes Pepe Habichuela, Marta Robles, Josemi Carmona y Nico Muñoz. Interpretó los cantares "Mi ruiseñor" de Juanito Valderrama, "Dos cruces" d'Antonio Molina, "Ay pena, penita, pena" de Lola Flores y "Tango de la repompa" de Las migas.[13]

Demientres la so estancia n'academia, nel so tiempu llibre, Amaia demostró la so versatilidad nel pianu al interpretar diversos cantares de distintos estilos.

Discografía[editar | editar la fonte]

Álbumes d'estudiu[editar | editar la fonte]

  • 2019: Pero no pasa nada

Cenciellos[editar | editar la fonte]

  • 2018: "Un nuevo lugar"
  • 2019: "El relámpago"
  • 2019: "Nadie podría hacerlo"
  • 2019: "Quedará en nuestra mente"
  • 2019: "Tan pequeñica y sincera"
  • 2019: "Quiero que vengas"

Cenciellos promocionales[editar | editar la fonte]

  • 2019: "Luz y sombra" (con La estrella de David) (BSO Legado en los huesos)

Collaboraciones[editar | editar la fonte]

  • 2018: "Tu canción" (con Alfred García)
  • 2018: "Perdona (Ahora sí que sí)" (con Carolina Durante)
  • 2018: "Al cantar" (con Rozalén)
  • 2018: "Et vull veure" (con Alfred García)

Xires[editar | editar la fonte]

Conxuntes[editar | editar la fonte]

  • 2018: Operación Triunfo 2017 en conciertu

En solitariu[editar | editar la fonte]

  • 2019/20: Pero no pasa nada - Xira del so primer álbum en solitariu

Véase tamién[editar | editar la fonte]

  • Legado en los huesos (película).

Referencies[editar | editar la fonte]

  1. 1,0 1,1 1,2 Fernández, Eva. «La familia de Amaia Romero nos acerca a su lado más desconocido» (es). diariodenavarra.es. Consultáu'l 30 de xineru de 2018.
  2. Méndez, Jesús. «Operación Triunfo: conocer el cerebro de Alfred a través del jazz». heraldo.es. Consultáu'l 31 de xineru de 2018.
  3. (n'es) El debut de Amaia Romero ('Operación Triunfo') fue en 'El Número Uno'. http://www.antena3.com/objetivotv/actualidad/espana/debut-amaia-romero-operacion-triunfo-fue-numero-uno_201711155a0c18f90cf2ebaa167ca802.html. Consultáu 'l 30 de xineru de 2018. 
  4. Cicatrices de mi realidad - Lemon y Tal ft. Amaia Romero (En Clave y Amigos) (Ahora Lemon y Tal), 29 de setiembre de 2016, https://www.youtube.com/watch?v=P90Vgsy2J5U, consultáu 'l 30 de xineru de 2018 
  5. «ASTING COMPLETO de AMAIA | OT 2017».
  6. https://www.rtve.es/television/20180509/eurovision-tu-cancion-amaia-alfred-ya-disco-platino-espana/1730312.shtml
  7. «España queda en el puesto 23 de Eurovisión 2018 con los 61 puntos otorgados a 'Tu canción' de Amaia y Alfred» (es). www.bekia.es. Consultáu'l 25 de xunu de 2019.
  8. Peñalver, Víctor. «Amaia pone el "relámpago" en la jornada inaugural del Warm Up 2019» (es). eldiario.es. Consultáu'l 30 de xunu de 2019.
  9. LOS40 (21 de xunu de 2019). «Amaia - Nadie podría hacerlo [2019(es). LOS40. Consultáu'l 30 de xunu de 2019.
  10. Gallego, Adrià (28 de xunu de 2019). «Las redes reaccionan al estreno de la tercera temporada de 'Paquita Salas'» (es). elperiodico. Consultáu'l 30 de xunu de 2019.
  11. «Amaia lanza su versión de 'Tan pequeñica y sincera', una jota aragonesa que cantó Marisol» (es). jenesaispop.com (18 de setiembre de 2019). Consultáu'l 29 d'ochobre de 2019.
  12. «Amaia Romero lanza "Pero no pasa nada", su primer disco, el 20 de setiembre».
  13. MACÍAS @fmacias_, FERNANDO (21 d'agostu de 2018). «Amaia, ganadora de OT, inaugura el Festival 'Flamenco on Fire' de Pamplona» (es). RTVE.es. Consultáu'l 3 de setiembre de 2019.

Enllaces esternos[editar | editar la fonte]


Predecesor:
Nahuel Sachak
Ganadores d'Operación Triunfo
2017 - 2018
Socesor:
Famous Oberogo
Predecesor:
Manel Navarro
con «Do it for your lover»
EuroEspaña.svg España nel Festival d'Eurovisión
2018 (con Alfred García)
Socesor:
Miki Núñez
con «La venda»