Amagüestu

De Wikipedia
Saltar a navegación Saltar a la gueta

L'amaguestu ye una cellebración na que tómase sidre dulce con castañes. Tien llugar nel mes de payares ya cellébrase práuticamente'n toa Asturies.

L'amagüestu ye una fiesta pagana. El so orixe piérdese na nueche de los tiempos, si bien sábese que ye una fiesta celta. Les fiestes agraries yeren parte de les cellebraciones de l'home prehestóricu.

La castaña ya'l dí de los difuntos vincúlense dende cuantayá a la fiesta de l'amagüestu, que suel cellebrase na primeira quincena de payares, enantes de que llegue l'iviernu que supon la muerte de la lluz, ye dicir, el fin d'un ciclu que s'ha repetir ca añu.

Sigun les vieyes creyencies, la castaña yera'l símbolu de l'ánima de los difuntos. Ca castaña que se xintaba lliberaba un ánima del purgatoriu. N'outros munchos llugares cellébrase'l dí 1 de payares, al mesmu tiempu que la fiesta celta Samhain, na que ríndese cultu al fueu ya al so efeutu purificador sobre dellos malos espíritus.

El dí 1 de payares, los celtes acallentaben los poderes del outru mundiu, ya propiciaben qu'hubiere abonda collecha cellebrando'l Samhain, la cual yera, pa unos, l'entamu de l'iviernu, ya pa outros, la fin del branu. En tou casu, yera l'entamu d'un nueu ciclu ya un periodu de fondera comunicación ente esti ya l'outru mundiu. Reuníase muncha xente porque yera una fiesta obligatoria. Dicíase que quien nun diba podía enlloquecer.

N'eses mesmes feches, los romanos cellebraban les saturnales.

La costume de xintar castañes asaes con motivu de la fiesta d'ánimas faese'n toa la zona norte de la península ibérica.