Amada García Rodríguez

Amada García Rodríguez
Vida
Nacimientu	Mugardos, 7 d'ochobre de 1911
Nacionalidá	España
Muerte	Castillo de San Felipe (es) , 27 de xineru de 1938 (26 años)
Causa de la muerte	mancada por arma de fueu
Estudios
Llingües falaes	castellanu
Oficiu
Oficiu	política

Amada García Rodríguez (7 d'ochobre de 1911, Mugardos – 27 de xineru de 1938, Castillo de San Felipe ^(es) ) foi una militante comunista gallega.^[1] Detenida mientres la guerra civil española cuando taba embarazada, dempués de tener al so fíu foi fusilada por militares sublevaos nel castiellu de San Felipe al pie d'otres siete persones.

Muyer, nueva, y militante comunista

Yera una moza militante del Partíu Comunista en Mugardos, Ría de Ferrol, Galicia. Activa na so militancia, protagonizaba acciones raramente asumíes por muyeres, lo que provocaba escándalu nos sectores reaccionarios de la sociedá.^[2]

Golpe d'Estáu y represión

L'accesu al poder per parte de los falanxistes y militares, protagonistes del golpe d'Estáu lideráu pol xeneral Franco en 1936, dio pasu a un plan de represión en Galicia, como asocedió de manera dura y estensa na contorna de Ferrol. Centenares de persones morrieran ensin xuiciu nin procedimientos llegales, por razones polítiques.^[3]

Detención y muerte

Vista parcial del actu d'homenaxe, n'agostu de 2006, a les víctimes del franquismu fusilaes nos murios del castiellu de San Felipe , na ría de Ferrol.

Amada García foi detenida cuando taba embarazada, lo que fixo que más tarde el conseyu de guerra aplazara l'aplicación de la sentencia de muerte, a la que foi condergada, hasta la nacencia del so fíu Gabriel. Tuvo confinada na Cárcel de Muyeres de Ferrol hasta que dio a lluz, despés el 31 d'ochobre de 1937 foi treslladada al "Hospital de Caridá de Ferrol", onde parió. Ochenta y ocho díes dempués, el 27 de xineru de 1938, foi conducida al Castiellu de San Felipe, una prisión militar nes marxes de la ría de Ferrol. Ellí foi executada por un pelotón de fusilamiento, el 27 de xineru de 1938; el mesmu día tamién fueron executaos, nesi llugar, otros siete persones de la mesma contorna: Juan José Teixeiro Leira, José María Montero Martínez, Ángel Roldos Gelpi, Antonio Eitor Caniça, de Mugardos, Ramón Rodrigues Lopes, Jaime Gonçales Peres, de Llabres y Germán Lopes García, de Cabanas.^[4]

El conseyu de guerra al que foi sometida tenía irregularidaes, como declaraciones falses roblaes por testigos analfabetos; y amenaces y multes a los testigos de la defensa. Fontes orales dixeron qu'hubo un movimientu de solidaridá ente los presos pa evitar el so fusilamiento.^[4]

Bibliografía

xosé manuel Suárez Martínez. 2002. Guerra Civil e represión en Ferrol e Comarca Archiváu 2020-02-18 en Wayback Machine. Concello de Ferrol-Ed. Galaxia
enrique Barrera Beitia. 2005. Ferrol, 1931-1952. De la república a la posguerra'. Edicións Embora, Ferrol, Galicia
carlos Velasco Souto. 2006. Represión e alzamento militar en Galiza'. A Nosa Terra, Vigo, Galicia

Referencies

↑ (2017) Legacies of Violence in Contemporary Spain: Exhuming the Past, Understanding the Present (n'Inglés). Routledge.
↑ Montserrat Villarino Pérez, Ofelia Rey Castelao, Rocío Sánchez Ameijeiras (eds.) 2008. En Femenino Voces, Miradas, Territorios. Ed. Universidad de Santiago de Compostela, 459 pp. en línea
↑ El alzamiento de 1936 en Galicia: datos para una historia de la Guerra Civil, Documentos para a historia contemporánea de Galicia., 3ª (n'español), Castro. ISBN 8474921295.
↑ ^4,0 ^4,1 El País (12 de julio de 2009). «El bebé republicano». Consultáu'l 18 de junio de 2011.

Enllaces esternos

[1] (2017) Legacies of Violence in Contemporary Spain: Exhuming the Past, Understanding the Present (n'Inglés). Routledge.

[2] Montserrat Villarino Pérez, Ofelia Rey Castelao, Rocío Sánchez Ameijeiras (eds.) 2008. En Femenino Voces, Miradas, Territorios. Ed. Universidad de Santiago de Compostela, 459 pp. en línea

[3] El alzamiento de 1936 en Galicia: datos para una historia de la Guerra Civil, Documentos para a historia contemporánea de Galicia., 3ª (n'español), Castro. ISBN 8474921295.

[:0-4] 4,0 ^4,1 El País (12 de julio de 2009). «El bebé republicano». Consultáu'l 18 de junio de 2011.

[1]

[2]

[3]

[4]