Alimerka

Alimerka
	negociu y Supermercáu
Direición	España
Historia
Fundación	28 avientu 1986
	Web oficial

Alimerka ye una compañía asturiana de distribución con sede en Llugo, na zona central d'Asturies.

Historia[editar | editar la fonte]

La empresa foi fundada pol empresariu ayerán, Luis Noé Fernández. Trés meses dempués de la so fundación, Alimerka abría'l so primer supermercáu na cai Sargento Provisional d'Uviéu, cuntando con tan solo 14 trabayadores. Tres trenta años en furrulamientu'l grupu tien 173 supermercaos distribuyíos ente les comunidaes autónomes d'Asturies, Castiella y Llión, Galicia y Cantabria y da emplegu a unes 5.900 persones, siendo asina, la empresa privada que más emplegu crea n'Asturies y la séptima con mayor facturación^[1]. La empresa cunta amás con dos filiales propies pa impulsar el trabayu na zona y asegurar la calidá de los sos productos. Una ye Codefrut S.A. fundada en 1993 y encargada del sector hortofrutícola, la otra, Masas Congeladas S.A., fundada en 1997 pa llevar el sector de la panadería y la bollería. De la mesma tien una flota de camiones propios ente los cualos 20 camiones tán propulsados por Gas natural llicuáu (GNL) lo qu'ayuda a amenorgar la emisión de gases contaminantes nun 30%.

Alimerka, S.A. atópase na posición 18° del ranking del sector Comerciu al por menor n'establecimientos ensin especializar, con predominiu en productos alimenticios, bebíes y tabacu, con una facturación de 580.387.000 € nel añu 2015. En cuanto al ranking d'empreses epañoles asítiase nel puestu 271^[2].