Alice Roberts

De Wikipedia
Saltar a navegación Saltar a la gueta
Alice RobertsPicto infobox character.png
Alice Roberts -West Hanney, Oxfordshire, England -archaeology rally-11Sept2010-2.jpg
Vida
Nacimientu

Bristol19  de mayu de 1973

[2] (47 años)
Nacionalidá Bandera del Reinu Xuníu Reinu Xuníu
Estudios
Estudios Universidá de Cardiff
Universidá de Bristol Philosophiæ doctor
The Red Maids' School (en) Traducir
Nivel d'estudios Philosophiæ doctor
Llingües inglés
Oficiu
Oficiu antropóloga, escritora, paleoantropóloga, médica, arqueóloga, presentadora de televisión, bióloga, paleontólogaanatomista
Emplegadores Universidá de Bristol
Universidá de Birmingham
Premios
Creencies
Relixón ateísmu
IMDb nm1653596
alice-roberts.co.uk
Cambiar los datos en Wikidata


Alice Roberts en 2016

Alice May Roberts (19 de mayu de 1973) ye una destacada médica, anatomista, antropóloga física, paleopatóloga, presentadora de televisión y escritora inglesa.

Biografía[editar | editar la fonte]

Fía d'una antigua profesora d'inglés y artes y un inxenieru aeronáuticu, Alice se crio nuna casa na que daben muncha importancia al aforrar dineru y saber usalo, y reconoz qu'eso, ente otres coses son les que-y fixeron ser la persona que ye.

A los once años, llogró trabayó per primer vegada, como repartidora de periódicos. Cuando se fixo daqué más mayor, a los quince años, trabayó como camarera p'aforrar dineru, yá que quería dir a la universidá.

Estudió medicina na Universidá de Gales (actual universidá de Cardiff) y foi en 1997 cuando se graduó en medicina, amás d'un célebre títulu n'anatomía pola mesma universidá. En llogrando la titulación, trabayó como médica pal serviciu nacional de salú.

Dempués, foi a la universidá de Bristol, onde se fixo profesora d'anatomía polo xeneral, non solo la humana, y tando ellí, sintió un gran interés y fascinación sobre la evolución humana, lo que lu llevó en 2008, tres siete años d'investigación, a recibir un doctoráu en paleopatoloxía.

Enantes yera profesora d'anatomía clínica y de embrioloxía na universidá de Bristol, pero anguaño trabaya na Universidá de Birmingham, enseñando anatomía clínica y anatomía evolutiva humana. Amás, forma a ciruxanos y antropólogos físicos.

Tamién xuega un papel bien importante na universidá, pos ye profesora de compromisu públicu nel ámbitu científicu.

Programes y series de TV[editar | editar la fonte]

Presentó dellos programes de televisión pa la BBC y la BBC2 como Coast, Time Team, The Celts, The Incredible Human Journey, Ice Age Giants, Origins of Us, Wild Swimming, Don't Die Young, Digging for Britain y Prehistoric Autopsy.

Dacuando, tamién presentó dalgún documental de "Horizon" rellacionaos cola so especialidá, (la bioloxía humana, concretamente sobre medicina y antropoloxía biolóxica), como "Are We Still Evolving", "What Makes Us Humans", "Sex: a horizon guide" y "Is your Brain Male or Female?".

N'abril de 2016 copresentó "Food Detectives", un programa sobre nutrición, cocina y datos alimenticios, na qu'ella se centraba na nutrición humana y temes rellacionaes cola salú.

De cutiu presenta programes sobre arqueoloxía, yá que ye osteoarqueóloga (caña de l'antropoloxía biolóxica qu'estudia los restos humanos dende una perspeutiva biolóxica provenientes de xacimientos arqueolóxicos)

Alice Roberts apaez en dos de los videos musicales que componen la obra Symphony of Science de John Boswell: «Children of Africa»[4] y «The World of the Dinosaurs»[5]

Na actualidá tien un proyectu sobre osteoloxía col biólogu evolutivu Ben Garrod.

Premios[editar | editar la fonte]

Recibió 4 doctoraos honoris causa y otros premios. Dalgunos d'ellos:

  • En 2014 presentó los Morgan-Botti lecture.
  • Doctoráu honoris causa recibíu pola Royal Holloway University of London.
  • Doctoráu honoris causa en medicina pola Universidá de Sussex.
  • Premiu como Humanista Británica del añu 2015, pa promover los estudios d'evolución nos colexos.
  • Candidata al premiu "Wellcome Trust Book Prize" 2015 - pal so llibru "The Incredible Unlikeliness of Being"

Vida personal[editar | editar la fonte]

Vive cerca de Bristol, col so home, un arqueólogu que conoció mientres estudiaba medicina en 1997, la so fía Phoebe, nacida en 2010 y el so fíu.

A los dieciocho años decidió volvese vexetariana estricta por cuestiones étiques, pero nel so primer embaranzu, a los 36 años d'edá, empezó a comer pexe por problemes de salú, y dende entós ye pescatariana.

Ye humanista, y patrona de l'Asociación Humanística Británica y del Twycross Zoo, un zoolóxicu que destacar por tener munchos grandes simios.

Alice ye amás, una de los organizadores del Cheltenham Science Festival.

Publicaciones[editar | editar la fonte]

Sábese qu'anguaño ta escribiendo un llibru porque lu esclarió nel so perfil de twitter. Ente los sos llibros atópense * (2015) The Celts (editorial Heron Books)

Amás, Alice frecuentemente publica artículos sobre medicina o evolución nel periódicu The Guardian

Referencies[editar | editar la fonte]

  1. Afirmao en: SNAC. Identificador SNAC Ark: w6zf0htz. Apaez como: Alice Roberts. Data de consulta: 9 ochobre 2017. Llingua de la obra o nome: inglés.
  2. Afirmao en: Babelio. Identificador Babelio de autor: 251530. Apaez como: Alice Roberts. Llingua de la obra o nome: francés.
  3. URL de la referencia: https://royalsociety.org/news/2020/08/Medals-and-awards-winners-2020/.
  4. «Children of Africa (The Story of Us)» (inglés - subtítulos n'español). Symphony of Science. melodysheep (6 de xunetu de 2011). Consultáu'l 2 de xineru de 2018.
  5. «The World of the Dinosaurs» (inglés - subtítulos n'español). Symphony of Science. melodysheep (20 de marzu de 2012). Consultáu'l 2 de xineru de 2018.

Enllaces esternos[editar | editar la fonte]

Plantía:The Guardian




Alice Roberts