Alfoz de Bricia

De Wikipedia
Saltar a navegación Saltar a la gueta
Alfoz de Bricia
Presillas 001.JPG
Alministración
País Bandera d'España España
Autonomía Flag of Castile and León.svg Castiella y Llión
Provincies Flag Burgos Province.svg Provincia de Burgos
Tipu entidá conceyu d'España
Alcalde/esa Francisco Javier Fernández Gutiérrez
Códigu postal 09572
Xeografía
Coordenaes 42°53′48″N 3°52′45″O / 42.896666666667, -3.8791666666667Coordenaes: 42°53′48″N 3°52′45″O / 42.896666666667, -3.8791666666667
Alfoz de Bricia is located in España
Alfoz de Bricia
Alfoz de Bricia
Alfoz de Bricia (España)
Superficie 52 km²
Altitú 1040 m
Llenda con Valle de Valdebezana, Valle de Manzanedo, Valle de Zamanzas, Valle de Sedano, Valderredible y Alfoz de Santa Gadea
Demografía
Población 77 hab. (2017)
Porcentaxe 0.02% de Provincia de Burgos
Densidá 1,48 hab/km²
Más información
Prefixu telefónicu 947
Estaya horaria UTC+01:00
Cambiar los datos en Wikidata

Alfoz de Bricia ye un conceyu (códigu INE-011), nel partíu xudicial de Villarcayo, contorna de Les Merindades, provincia de Burgos, comunidá autónoma de Castiella y Llión (España).

El so alcalde (2007-2011) ye Francisco Javier Fernández Gutiérrez, que se presentó na llista del Partíu Popular, única qu'allegó a les eleiciones locales de mayu de 2007.

Demografía[editar | editar la fonte]

Alfoz de Bricia (Burgos)
Localización de l'Alfoz de Bricia
Barriu de Bricia 
Barriu de Bricia

La so población en 2005 yera de 115 habitantes, menguando a 104 en 2006, de los cualos 55 yeren varones y 49 muyeres, conforme al siguiente detalle:

Entidá 2005 2006
01 Barriu de Bricia 24 23
02 Bricia 4 4
03 Campino 7 6
04 Cilleruelo de Bricia 6 6
05 Llinares de Bricia 3 1
06 Llombes de Villamediana 15 15
07 Montejo de Bricia 43 37
08 Presillas 2 2
09 Valderías 4 4
10 Villamediana de Llombes 7 6
11 Villanueva de Carrales 0 0

Población y vivienda[editar | editar la fonte]

El conceyu cuntaba con una población estacional máxima de 1.590 habitantes qu'oldea colos 143 vecinos empadronaos, 109 habitantes (INE 2007). El númberu de viviendes[1] censaes nel añu 2000 yera de 350, siendo 60 principales, 254 secundaries y 36 vacíes.

Viviendes, añu 2000
Principales Secundaries Sacupaes Otres Agospiamientos TOTAL
60 254 36 0 0 350
17.14 % 72.57 % 10.29 % 0 % 0 % 100 %

División alministrativa[editar | editar la fonte]

La so capital ye Barriu de Bricia y el conceyu atópase estremáu en ocho Entidaes Locales Menores,[2] a saber:

Llocalidaes[editar | editar la fonte]

El conceyu ta formáu polos siguiente núcleu de población que nun constitúin pedanía:

Historia[editar | editar la fonte]

Fai dos milenios foi parte de l'antigua Cantabria. En primer llugar hai que comentar qu'un alfoz yera un vocablu medieval que significaba un conxuntu de dellos términos o llocalidaes que formaben una sola xurisdicción. Como nel restu de la contorna, ye la Edá Media la dómina histórica más importante. Nella empieza la repoblación de Castiella. Na alta Edá Media, l'home qu'habitaba na zona construyó los famosos eremitorios rupestres, llugares de cultu escavaos na fráxil roca arenisca; yeren los eremitas. Yá nel sieglu XX, nos años de la Guerra Civil, nel conceyu esistieron numberosos conflictos ente republicanos y nacionales, sofitaos los postreros por voluntarios italianos.

Alfoz, formáu por once llugares; mientres el Antiguu Réxime y hasta finales del sieglu XVIII, perteneció al Correximientu de les Cuatro Villes de la Mariña; conocíu nos últimos tiempos como Partíu o Cayáu de Laredo,[3] xurisdicción de señoríu exercida pol Marqués d'Aguilar, quien nomaba'l so rexidor pedáneo.

Esta pertenencia a tal distritu fixo qu'en 1822, cuando se configura'l nuevu mapa municipal y provincial español, Alfoz de Bricia pasara a formar parte de la Provincia de Cantabria. Y asina yera'l nome que presentó la Diputación montañesa, pero les reticencies de la ciudá de Santander entá sobre Laredo fixeron que'l nome final fuera Provincia de Santander. En 1833 la nueva configuración fixo que Cantabria perdiera esti conceyu y pasara a manos de Burgos. Tres esta nueva remodelación provincial, non yá Cantabria perdió Alfoz de Bricia, sinón tamién Alfoz de Santa Gadea, Valle de Valdebezana, Focete de Arreba, el Valle de Zamanzas, y el Valle de Mena y Santiago de Tudela. Toos estos llugares fueron del Corregimiento de los Cuatro Villes de la Mariña.

A la cayida del Antiguu Réxime queda amestáu al conceyu constitucional d'Alfoz de Bricia, nel partíu de Sedano perteneciente a la rexón de Castiella la Vieya. La so capital ye Villamediana de Llombes, pasando darréu a Barriu.

Hestoria Contemporanea[editar | editar la fonte]

Segunda República[editar | editar la fonte]

Asesinaos por del bandu subleváu en Alfoz de Bricia mientres La Guerra (1936-1939)
C Llugar Fecha Apellíos y nome Edá Natural Domiciliado Oficiu Estáu civil
D Campino 21/10/1938 Sedano Diez, Secundino 68 Barriu de Bricia Barriu de Bricia Ambulante V
P Campu de concentración de San Pedro de Cardeña 12/04/1938 Fernández Sedano, Julián 78 Barriu de Bricia Barriu de Bricia
F Ciriego 14/10/1937 Rodríguez Argüeso, Isaac 24 Madrid Paradores de Bricia Chofer
D Les Pradillas 29/10/1936 Fernández Zamanillo, Arsenio 31 Bricia Bricia Llabrador C
P 29/10/1937 Gutiérrez Gutiérrez, Antonio 66 Resconorio Barriu de Bricia Médicu
12/04/1937 Montejo Alonso, Juan Bricia Bricia
12/04/1937 Vallejo Alonso, Saturnino Bricia Bricia
P Cillerulo de Bricia 09/10/1937 Sedano Sedano, Claudio 33 Cilleruelo de Bricia Cilleruelo de Bricia
P Cilleruelo de Bricia 07/10/1936 Vallina Parte, Isidro 58 Cilleruelo de Bricia Cilleruelo de Bricia Nun consta N/c
P Prisión Central de Burgos 04/11/1943 Gómez López, Luciano 32 Cejancas Llombes de Villamediana Xornaleru N/c
P Bricia 10/09/1936 Fernández Martínez, José Montejo de Bricia Montejo de Bricia C
C Lanestosa 02/12/1936 Montes Yerbosa, Julio Montejo Montejo
F Ciriego 15/10/1937 Montes Montejo, Xacintu 52 Montejo de Bricia Montejo de Bricia Xornaleru C
G Vega de Pas 02/06/1950 Peña Martínez, Federico 33 Montejo de Bricia Montejo de Bricia S
P Prisión Central de Burgos 20/05/1939 Saiz Saiz, Manuel 62 Presillas de Bricia Presillas de Bricia Xornaleru C
C Ochandiano 31/03/1937 Gómez Alonso, Crescencio 22 Presillas de Bricia Presillas de Bricia
P Valdenoceda Díez Guinea, David Orduña Villanueva de Carrales
P Villanueva de Carrales 23/10/1936 Vallejo López, Ángel 64 Villanueva de Carrales Villanueva de Carrales Nun consta N/c
P Nun consta 23/10/1936 Vallejo Martínez, Rafaela 66 Villanueva de Carrales Villanueva de Carrales S/L N/c
F Prisión Central de Burgos 02/03/1938 Cuesta Cuesta, Valentín 53 Villamediana Villamediana Llabrador N/c

[4][5]

Xeografía[editar | editar la fonte]

Esti conceyu burgalés, con forma de península, ta arrodiáu pola provincia de Cantabria. El so relieve ye bien irregular, con bayura de montes y elevaciones. Podemos estremar claramente dos zones, con distintos característiques. La primera, la más oriental, ye llana ya inclúyese dientro de la unidá xeográfica del pandu castellanu; la vexetación, bien escasa ta basada n'especies como la encina y el carbayu; tien toles característiques físiques del Pandorial de Masa, y el terrén nun ye aprovecháu económicamente pola agricultura, ganadería o esplotación forestal. La zona más occidental, ta formada por un complexu de vallines de fuertes pindiu, ónde predomina la encina, el carbayu y la faya. El terrén ta aprovecháu pola esplotación ganadera y agrícola. Nesta área hai pequenos regueros, qu'entemecíos colos montes autóctonos, y l'escasa incidencia que l'acción del home tuvo nel terrén, dan al paisaxe un calter selvaxe. El Monte Hijedo ye'l fayedal más estensu del norte de la provincia de Burgos. Parte d'esti monte atópase na provincia de Cantabria. La característica principal del Monte Hijedo ye la escasa presencia humana que se reflexa nel so bon estáu de caltenimientu. Nel fayedal atopamos tamién carbayos, pinos, y otres especies más escases como xardones. Los Montes de Carrales tán asitiaos na llende cola depresión de Arija-Valdebezana (al norte) y el pandorial (al sur). La especie vexetal predominante ye la faya. Les vallines occidentales tán formaos polos cursos de numberosos regueros y riegues, con un caudal bien pequenu. Nellos alternen los montes de fayes, carbayos y pinos, colos pacionales; esta zona tien dellos caminos, pero qu'anguaño s'atopen zarraos pola vexetación.

Arte[editar | editar la fonte]

Nel conceyu esiste, perbién calteníos, restu d'eremitorios rupestres, destacando nesti aspeutu'l de Presillas de Bricia. L'arquiteutura popular caltién los restos característicos de la casa popular montañesa: casa con gruesos murios de mampostería con esquines de sillar en tolos vanos, teyáu a dos o cuatro enagües, y solana o balcón corríu de madera na planta cimera, con cortafueos nos llaterales. Tamién esiste dalguna amuesa de l'arquiteutura con elementos más cultos y calter mistu: residencial, defensivu y económicu.

Mediu ambiente[editar | editar la fonte]

Coto quitáu de caza BU-10.890, qu'afecta a dos Montes d'Utilidá Pública númberos 298 y 292, con una estensión total de 400,075 hectárees.

Llugares d'interés[editar | editar la fonte]

Notes[editar | editar la fonte]

  1. Conforme al padrón del añu 2000 [1] (enllaz rotu disponible n'Internet Archive; ver el historial y la última versión).
  2. «Xunta de Castiella y Llión - Relación d'Entidaes Locales Menores». Consultáu'l 2009.
  3. perteneciente a unu de de los catorce que formaben la Intendencia de Burgos mientres el periodu entendíu ente 1785 y 1833, tal como se recueye nel Censu de Floridablanca de 1787.
  4. Alfoz de Bricia.Publicáu'l 2011/09/21. Víctimes de la Guerra y la represión que nun tuvieron sitiu na cruz.. http://lasmerindadesenlamemoria.wordpress.com/2011/09/21/alfoz-de-bricia/. 
  5. Jesús Gutiérrez Flores: Guerra civil en Cantabria y pueblos de Castiella. Santander: América Grafiprint. 2000. Páxina 391.

Enllaces esternos[editar | editar la fonte]




Alfoz de Bricia