Alfonso García Matamoros
Alfonso García Matamoros | |
|---|---|
| Vida | |
| Nacimientu | Villarrasa, 1490 (greg.)[1] |
| Nacionalidá |
 España [2] |
| Muerte | Alcalá de Henares, 25 de xunu de 1572 (81/82 años) |
| Estudios | |
| Llingües falaes |
llatín castellanu |
| Oficiu | escritor |
| Llugares de trabayu | Sevilla y Alcalá de Henares |
 | |
Alfonso García Matamoros (1490 (greg.), Villarrasa – 25 de xunu de 1572, Alcalá de Henares) foi un retóricu y humanista español.
Biografía
[editar | editar la fonte]Anque él mesmu llamóse hispalense, lo más probable ye que-y lo llamara por naturalizase en Sevilla y non por nacer ellí; más no cierto paecen tar quien creen que nació en Villarasa, nel condáu de Borrina, provincia d'Huelva y diócesis de Sevilla, anque s'ignora l'añu ciertu del so natalicio.
Estudió les primeres lletres en Sevilla y la enseñanza cimera en Valencia. Pasó a dirixir l'estudiu de gramática de Xàtiva dende 1531 hasta 1540; nesti últimu añu foi a doctorase a Valencia, pero coló a Alcalá de Henares pa ocupar una cátedra de Retórica que-y ufiertaron en 1542 y ellí permaneció ventidós años enseñando. Ente los sos discípulos tuvo a Benito Arias Montano. Ye induldable que foi sacerdote; Nicolás Antonio y otros bibliógrafos escribieron que foi canónigu de la Catedral de Sevilla, pero nun s'atoparon los documentos que lu demuestren, anque esistió a fines del sieglu XV un canónigu del so nome, demasiao mayor como pa podese tratar d'él. En 1558 publicó'l discursu que pronunció na invistidura de Diego Sobaños como doctor y en 1559 empezaron los sos ataques de reúma crónicu, de los que se llamentaba inda nel prólogu al so De tribus dicendi generibus (1569). Morrió'l 25 de xunu de 1572.
Obra
[editar | editar la fonte]Escribió un famosu laus Hispaniae o apoloxía de la nación española, el De adserenda Hispanorum eruditione, sive De viris Hispaniae doctis narratio apologetica (1553), col patrióticu fin d'acabar col despreciu que teníen delles naciones d'Europa a los humanistes españoles. Pa él tou ye frutu de llixereces ya inxusticies.
Esti opúsculo entemez lleendes, fábules, anécdotes y lliteratura culta y popular pa dar amenidad a la esposición de lo que supunxeron les lletres españoles a lo llargo de la Historia. L'autor demuestra una bon conocencia de Cicerón, Virxiliu, Plauto y Tácito ente los escritores romanos, y ente los griegos cita tamién a Homero, Aristóteles y Platón, y a los Padres de la Ilesia.
Foi un fervosu siguidor d'Erasmu de Rotterdam y caltuvo estreches rellaciones colos humanistes del so sieglu. Ente les sos amistaes figuró Juan Téllez Girón, Conde de Ureña, a quien ta dedicada l'apoloxía.
En Opera Omnia foi axuntada y editada tola so obra (Madrid, 1769).
Bibliografía del autor
[editar | editar la fonte]- In Aelii Antonii Nebrissensis Grammaticae IV librum scholia, Valencia, 1539.
- De ratione dicendi libri duo, (Alcalá de Henares: Juan Brocar, 1548) una retórica reimpresa nel mimso llugar por Andrés de Angulo en 1561.
- Methodus constructionis; sive, Scholia in quartum librum Antonii Nebrissensis, mendis omnibus, quibus scatebant diligenter expurgata et in maiorem brevitatem contracta. Alcalá de Henares: Juan Brocar, 1553.
- De asserenda Hispanorum eruditione, sive De viris Hispaniae doctis narratio Apologetica. Alcalá de Henares, Juan de Brocar, 1553. La edición moderna más recién ye billingüe y lleva un importante estudiu preliminar de José López de Toro (Madrid: CSIC, 1943).
- De tribus dicendi generibus, sive de recti styli ratione commentarius; cui accésit de Methodo concionnandi liber unus Alcalá de Henares: Andrés de Angulo, 1570.
Referencies
[editar | editar la fonte]- ↑ URL de la referencia: http://www.mcnbiografias.com/app-bio/do/show?key=garcia-matamoros-alonso.
- ↑ Identificador GND: 143107712. Afirmao en: Gemeinsame Normdatei. Data de consulta: 15 marzu 2024. Llingua de la obra o nome: alemán. Autor: Biblioteca Nacional d'Alemaña.
Enllaces esternos
[editar | editar la fonte]
Datos: Q630589