Alfirk

De Wikipedia
Saltar a navegación Saltar a la gueta
Ficha d'oxetu celesteAlfirk
Datos d'observación
Ascensión reuta (α) 322,165 °[1]
Declinación (δ) 70,56056 °[1]
Distancia a la Tierra 690 ly
Constelación Cepheus (es) Traducir
Radiu 5,6 Radius solars
Otros nomes
Cambiar los datos en Wikidata

Coordenaes: Sky map 21h 28m 39.6s, 70° 33 38.016

Alfirk o Alphirk (β Cep / Beta Cephei / 8 Cephei)[2] ye la segunda estrella más brillosa na constelación de Cepheus. El so nome provién del árabe الفرقة (Al-Firq) y significa «el fatáu».[3] Alcuéntrase aproximao a 599 años lluz del Sistema Solar.

Alfirk ye una estrella caliente con una temperatura superficial de 26.700 K y tipu espectral B2IIIv. Relluma con una lluminosidá 14.600 vegaes mayor que la del Sol y tien una masa 12 vegaes mayor que la masa solar. Ye una estrella Be qu'espulsa materia dende la so superficie y tien un campu magnéticu unes 100 vegaes superior al de la Tierra.[4] El so caliente corona emite unes 2000 vegaes más radiación X que'l Sol.[5]

Alfirk ye primero de too conocida por ser el prototipu de les variables Beta Cephei, que lleven el so nome. Éstes son estrelles de tipu espectral B0 - B3 qu'amuesen variaciones de rellumu por cuenta de pulsaciones na so superficie. Conocíes estrelles como Shaula A (λ Scorpii), Murzim (β Canis Majoris) o α Lupi son miembros d'esta clase. Presenten pequeñes oscilaciones de rellumu; asina, el rellumu de Alfirk varia ente magnitú aparente +3,16 y +3,27 nun periodu de 0,1905 díes (4,57 hores). Amás d'esti periodu principal, esisten dellos periodos simultáneos de 4,72, 4,46, 4,43, 4,88 y 4,30 hores.[4]

Esisten dos estrelles blanques tenues que formen xunto a Alfirk un sistema estelar. La más cercana alcuéntrase a unes 45 UA y emplega unos 90 años en completar la so órbita. Más alloñada, y observable con un pequeñu telescopiu, una tercer estrella completa'l sistema a una distancia mínima de 2400 UA; emplega siquier 30.000 años en dar una vuelta alredor de la estrella principal.[6]

Futura Estrella Polar[editar | editar la fonte]

Nel añu 6000 EC el polu norte celeste va tar ente Alfirk y la vecina ι Cephei.

Ver tamién[editar | editar la fonte]

Referencies[editar | editar la fonte]

  1. 1,0 1,1 «MSC - a catalogue of physical multiple stars» (n'inglés). Astronomy and Astrophysics (1):  páxs. 75-84. xunetu 1997. doi:10.1051/AAS:1997181. 
  2. Beta Cephei - Variable Star of beta Cep type (SIMBAD)
  3. Richard Hinchley Allen (1889). Star Names: Their Lore and Meaning. Dover Publications. ISBN 0-486-21079-0.
  4. 4,0 4,1 Alfirk (Stars, Jim Kaler)
  5. Alfirk (Beta Cephei). The Internet Encyclopedia of Science
  6. Beta Cephei (Alfirk), Jumk.de/astronomie

Coordenaes: Sky map 21h 28m 39.6s, 70° 33 38.016