Alfa Octantis

De Wikipedia
Saltar a navegación Saltar a la gueta
Ficha d'oxetu celesteAlfa Octantis
Datos d'observación
Ascensión reuta (α) 316,17943110909 °[1]
Declinación (δ) −77,023770414738 °[1]
Distancia a la Tierra 44,402 pc
Magnitú aparente (V) 5,15 (banda V)
Constelación Octans[3]
Velocidá radial 47,06 km/s[1]
Parallax 22,5215 mas[1]
Radiu 3,18 Radius solars
Tipu espectral F4III[4]
Otros nomes
Cambiar los datos en Wikidata

Coordenaes: Sky map 21h 4m 43.063s, -77° 1 25.573

Alfa Octantis (α Oct / HD 199532 / HR 8021) ye una estrella de la constelación d'Octans que, con magnitú aparente +5,15, ye namái la séptima más brillosa de la mesma, magar llevar la denominación «Alfa». Alcuéntrase a 148 años lluz de distancia del Sistema Solar.

Alfa Octantis ye una estrella binaria espectroscópica[5] que les sos componentes, bien próximes, tienen un periodu orbital de 9,073 díes.[6] Pueden ser dos xigantes cuasi idéntiques de tipos espectrales F4 y F5[7] anque tamién fueron clasificaes como A7III y G2III,[6] ya inclusive pueden ser estrelles entá na secuencia principal con una edá de 1900 millones d'años.[7] La so lluminosidá conxunta ye 13,9 vegaes mayor que la del Sol.

La rápida rotación de les estrelles —en redol a 71 km/s— favorez l'actividá magnética, qu'esplicaría la elevada emisión de rayos X per parte d'una de les componentes. Una o les dos estrelles son estrelles con llinies metáliques: nel espectru, les llinies de dalgunos elementos, como'l estronciu, son especialmente fuertes. Una pequeña variación de rellumu de 0,04 magnitúes puede tar rellacionada cola rotación de les estrelles. Considerando una masa pa caúna de les componentes el doble de la masa solar, la separación media ente dambes ye de namái 0,12 UA; una elevada escentricidá fai que la separación varie ente 0,17 UA y 0,08 UA.[7]

Referencies[editar | editar la fonte]

  1. 1,0 1,1 1,2 1,3 1,4 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: SIMBAD.
  3. Afirmao en: VizieR. Llingua de la obra o nome: inglés.
  4. «Study of the F-type stars. I. MK spectral types» (n'inglés). The Astronomical Journal:  páxs. 637–641. agostu 1975. doi:10.1086/111786. 
  5. Alpha Octantis (SIMBAD)
  6. 6,0 6,1 Alpha Octantis (Alcyone)
  7. 7,0 7,1 7,2 Alpha Octantis (Stars, Jim Kaler)

Coordenaes: Sky map 21h 4m 43.063s, -77° 1 25.573