Alfa Doradus

De Wikipedia
Saltar a: navegación, buscar
Alfa Doradus
Alfa Doradus A/B
Constelación Doráu
Ascensión reuta α 04h 33min 59,77s
Declinación δ -55º 02’ 42’’
Distancia 175 años lluz
Magnitú visual +3,64 / +4,55
Magnitú absoluta -0,36
Lluminosidá 157 / 68 soles
Masa 3,0 / 2,7 soles
Radiu 2,8 / 1,9 soles
Tipu espectral A0IIIs / B9IV
Velocidá radial +25,6 km/s

Alfa Doradus (α Dor / HD 29305 / HR 1465) ye la estrella más brillosa de la constelación austral de Doráu, siendo la so magnitú aparente +3,30. Alcuéntrase a 175 años lluz de distancia del Sistema Solar.

Alfa Doradus ye una estrella binaria que les sos componentes tán visualmente dixebraes namái unes décimes d'segundos d'arcu. Alfa Doradus A ye una xigante blanca de tipu espectral A0IIIs[1] con una lluminosidá equivalente a 157 soles. Tien un radiu 2,8 vegaes más grande qu'el del Sol y una masa 3 vegaes mayor que la masa solar. Alfa Doradus B ye una estrella subxigante de tipu espectral B9 que'l so radio ye un 90% más grande qu'el radiu solar. Tien una masa de 2,7 mases solares y una lluminosidá 68 vegaes superior a la lluminosidá solar. La distancia que dixebra dambes estrelles bazcuya ente 1,9 UA y 17,5 UA por cuenta de la acusada escentricidá de la órbita. El periodu orbital d'esta binaria ye de 12,1 años.[2]

Alfa Doradus A amuesa un espectru peculiar especialmente ricu en siliciu. Dichu elementu paez tar concentráu nun llurdiu magnéticu de la superficie estelar, lo cual dexa conocer el periodu de rotación de la estrella (2,95 díes).[2] Arriendes d'ello, ye una variable, del tipu Alfa2 Canum Venaticorum, que'l so rellumu bazcuya ente magnitú +3,26 y +3,30.[3]

Referencies[editar | editar la fonte]