Alfa Caeli
| Constelación | Caelum |
| Ascensión reuta α | 04h 40min 33,7s |
| Declinación δ | -41º 51’ 50’’ |
| Distancia | 65,7 ± 0,7 años lluz |
| Magnitú visual | +4,44 / +12,5 |
| Magnitú absoluta | +2,92 / ? |
| Lluminosidá | 5,2 / 0,01 soles |
| Temperatura | 7100 / 3800 K |
| Masa | 1,5 / 0,3 soles |
| Radiu | 1,5 / ? soles |
| Tipu espectral | F2V / M0.5V |
| Velocidá radial | -0,6 km/s |
Alfa Caeli (α Cai / HD 29875 / HR 1502)[1] ye la estrella más brillosa de la constelación Caelum, el cincel, con magnitú aparente +4,44. Alcuéntrase a 66 años lluz de distancia del Sistema Solar.
Alfa Caeli ye una estrella binaria que les sos componentes, separaes visualmente 6 segundos d'arcu, son una estrella mariella de la secuencia principal y tipu espectral F2V, y una tenue nana colorada de magnitú +12,5 y tipu M0.5V. La estrella mariella principal, Alfa Caeli A, tien una temperatura efectivo de 7100 K y ye 5,2 vegaes más lluminosa qu'el Sol. Con un radiu un 50% mayor qu'el radiu solar, los sos parámetros son similares a η Corvi, anque a diferencia d'ésta última, Alfa Caeli ye una estrella que foi pocu estudiada. El periodu de rotación de dambes estrelles ye tamién paecíu y muncho más corto qu'el del Sol, yá qu'Alfa Caeli completa un xiru cada 1,4 díes —a lo más—, ente que'l Sol emplega 27 díes en faelo.[2]
Alfa Caeli B, con una temperatura de 3800 K, tien una masa de 0,3 mases solares, lo que trai una lluminosidá bien baxa, malapenes el 1% de la que tien el Sol. Ye una estrella acandilante como Proxima Centauri o UV Ceti, con erupciones impredicibles qu'aumenten el so rellumu nuna magnitú o más. La separación real ente Alfa Caeli A y Alfa Caeli B nun se conoz con exactitú, yá que la so separación visual malapenes camudó nos postreros 110 años.[2] El sistema tien una edá averada de 1000 millones d'años.[3]
Referencies[editar | editar la fonte]
- ↑ Alfa Caeli (SIMBAD)
- ↑ 2,0 2,1 Alfa Caeli (Stars, Jim Kaler)
- ↑ Holmberg, J.; Nordström, B.; Andersen, J.. «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). pp. 941-947. http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.
