Alexander Graham Bell

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Alexander Graham Bell
Alexander Graham Bell.jpg
Vida
Nacimientu Edimburgu3 de marzu de 1847
Nacionalidá Bandera del Reinu Xuníu Reinu Xuníu  (1847 -  1882)
Bandera de Estaos Xuníos d'América Estaos Xuníos d'América  (1882 -  1922)
Fallecimientu

Beinn Bhreagh2 d'agostu de 1922

(75 años)
Causa de la muerte Diabetes
anemia perniciosa
Familia
Padre Alexander Melville Bell
Casáu con Mabel Gardiner Hubbard  (1877 -
Estudios
Estudios Universidad de Edimburgo
University College de Londres
Royal High School
Llingües inglés
Oficiu
Oficiu físicu
Empleadores Instituto Smithsoniano
Premios
Miembru de Academia Alemana de las Ciencias Naturales Leopoldina
Sociedad Filosófica Estadounidense
Academia Nacional de Ciencias de los Estados Unidos
Academia Estauxunidense de les Artes y les Ciencies
Phi Beta Kappa
IMDb nm1745080
Alexander Graham Bell (signature).svg
Cambiar los datos en Wikidata

Alexander Graham Bell (Edimburgu, 1847Cape Breton Island, 1922) ye recordáu como inventor del teléfonu. Desenvolvió un valoratible llabor na estaya les telecomunicaciones y l'aviación.

Biografía[editar | editar la fonte]

Alexander Graham Bell, físicu y inventor, nació'l 3 de marzu de 1847 n'Edimburgu (Escocia) y estudia nes universidaes d'Edimburgu y Londres. Emigra a Canadá nel añu 1870, y llega a Estaos Xuníos nel 1871.[1]

Nos Estaos Xuníos entamó a deprender a escolinos sordo-mudos col sistema de so llinguax visible. Esti sistema foi desendolcáu pol so pá, l'educador escocés Alexander Melville Bell. L'añu 1872, A.G.Bell funda una escuela pa sordo-mudos en Boston (Massachusetts), que col tiempu intégrase na Universidá de Boston au Bell va ser nomáu profesor de Fisioloxía Vocal.[1] L'añu 1882 algama la nacionalidá norteamericana.

Bell falando pel teléfonu (1876)

Dende los 18 años, Bell trabayará cola idea de la tresmisión de la fala. L'añu 1874, de mientres trabayaba nun telégrafu múltiple, va desenvolver les idees básiques del que sedría'l teléfonu. Los sos experimentos col so ayudante Thomas Watson va probalos con ésitu'l 10 de marzu de 1876.[1]

Una demostración nel mesmu añu pente la Exposición del Centenariu de Filadelfia (Pensilvania), va asoleyar el so inventu a tol mundu y llevaralu a entamar nel 1877 La Compañía de Teléfonos Bell. L'añu 1880, Francia concede-y a Bell el premiu Volta de l'Academia Francesa de Ciencies, dotáu con 50.000 francos, pol so inventu.

Desendolca dellos inventos más, como'l fotófonu (precursos de la fibra óptica), l'audiómetru y la balanza d'inducción y va afitar les bases del gramófonu modernu.

Bell foi amás ún de los cofundadores de la National Geographic Society que preside ente 1896 y 1904. Tamién va fundar la revista Science.

Muerre'l 2 d'agostu de 1922 en Cape Breton Island (Canadá) au pasaba los branos. El gobiernu canadianu caltién un muséu con bien dellos de los sos inventos orixinales.

Ente otres distinciones, Bell algamó la Lexón d'Honor francesa, la medaya Albert de la Royal Society of Arts, la medaya Edison, y un doctoráu pola Universidá de Würtzburg. Recibió 18 patentes individuales, y dolce más colos sos colaboradores, ente elles 14 pol teléfonu y telégrafu, cuatro pol fotófono, una pol fonógrafo, nueve por vehículos aéreos (incluyendo cuatro d'hidroplanos) y dos por celdes de seleniu. Tamién se-y atribúi a Bell la invención del deteutor de metales, en 1881.

Notes[editar | editar la fonte]

  1. 1,0 1,1 1,2 «Alexander Graham Bell Laboratory Notebook, 1875-1876» (1875-1876). Consultáu'l 2013-07-23.

Enllaces esternos[editar | editar la fonte]