Alderique:Zea mays

De Wikipedia
Saltar a: navegación, buscar

El maíz n'Asturies? Quién yera'l que tanto criticaba los rexonalismos que pasa que la hestoria d'esta planta ye diferente pa col restu de la Cornisa Cantábrica? --Henrique (Alderique) 16:45:48, 2005-08-25 (UTC)

Sí, escribí l'artículo sobre'l maíz n'Asturies porque hai una especificidá bien clara:

  • la construcción de los horros pa almacenalu (anque tamién hai horros en parte de Llión y Galicia; estos últimos dalgo diferentes)
  • la importancia d'esta planta con respecto a otres : creyo qu'en Llión plántase más trigu que n'Asturies, onde esti cereal ye casi inesistente. que nada debe ser una cuestión de clima, porque ye una planta que pide muncha humedá. Corríxime si m'enquivoco, dígolo ensin segundes.
  • El datu de que dobló la población nel sieglu XVII como consecuencia de la so introducción. Nun me paez que seya'l casu en munchos sitios (igual en Galicia, habría que ver).
  • La importancia cultural de les esfoyaces pa cortexar y tresmitir cantares y cosadielles. Nun sé si son frecuentes en Llión, tengo entendío qu'ellí ye más bien los filandones (pero tamién los había n'Asturies). Por exemplu n'otros sitios, como delles fasteres occitanes esi papel cumplíenlu les reuniones pa cascar nueces (de les que nun tengo noticies n'Asturies).

Polo que sé (que tampoco ye tantu) igual nel casu concretu del maíz hai más afinidaes ente Asturies y Galicia qu'ente Asturies y Llión. Igual el títulu podía ser "el maíz n'Asturies y Galicia" o "El maíz na cornisa cantábrica", pero habría que buscar l'equivalente de les esfoyaces en gallegu, castellanu y vascu y precisar too eso. Si t'animes ... Pero si te paez que lo qu'escribí s'aplica a la to tierra nun me da mas n'absoluto que pongas "El maíz n'Asturies y Llión".

Pero otra parte, paezme que nun me llimité a falar d'Asturies: señalé maneres de preparalo y aplicaciones (biocarburante, industria farmacéutica...) que nun tienen nada que ver con Asturies: que yo sepa nun hai nenguana industria asturiana que se dedique a ello. Motán 17:13, 25 agostu 2005 (UTC)

por favor, nun mos vayamos a engriescar agora por caxigalines. paezme que nesti artículu ye de xacíu falar so'l maíz n'Asturies por mor la importancia na historia. Sedría como un artículu so'l estilu góticu que nun falare de la catedral de Llión, por exemplu. tien de dixebrase lo que ye un emplegu nacionaliegu los artículos y lo que ye camientar l'enllaz d'una tema coles nuestres tierres. --Fruela(parpayuela) 18:27, 25 agostu 2005 (UTC)

Sí ye verdá fou inxustu como tú foisti inxustu enantias, de todas maneras los horreos llioneses son estremaos de los asturianos, nun séi por quéi, pero nun pol cereal dao que nos únicos llugares que se caltienen son de maíz. Ye verdá que na vega'l trigu ye principal, lóxicamente ye de mayor calidá; pero el maíz nun chegóu ta la edá moderna; la diferencia de tamañu y d'aguas quiciabes seya pola temperie. De todas maneras quedan menos pol "desarrollismo" (perdón pol préstamu) por que, horreos hebio en toda Castiella. Quiciabe el maíz foi p'Asturies lu que la pataca pa Irlanda, nun séi en Llión quiciabes seya pola mentalidá ou la costume, meyor emigrar qu'esfamiar. Nun séi. --Henrique (Alderique) 10:03:46, 2005-08-26 (UTC)

n'esti casu paezme que el castellanismu ye de xacíu por ser una dómina hestórica pa toa España, non? "desenrrollismu"... nun sé yo... --Fruela(parpayuela) 10:10, 26 agostu 2005 (UTC)