Alderique:Xuegu de cartes

De Wikipedia
Saltar a navegación Saltar a la gueta

La palabra "naipe" nun apaez nel DALLA. L'únicu términu que s'emplega n'asturianu ye "carta", y pa comprobalo nun hai mas qu'escuchar a la xente que ta echando la partida nun chigre. Nun sé xugar al "julepe", pero nel mesmu diccionariu apaez la forma "xulepe". Nun toi seguru, pero creo que n'asturianu el nome d'otru xuegu ye "gocha" y non "pocha" . En cambiu puedo asegurar, yá xugué munches veces a ello, que'l nome correctu ye "cinquín" y non "cinquillo."

Los cambios pues facelos tu mismo, cuando veas algo que nun te bien da-y al botón de editar y p'alante. El xulepe ye muy guapu, deberíes aprender xD Lo de la pocha nun sé y lo del cinquillo yo llamelu así siempre, pero si tú lo dices faerete casu. Lo del nome ye verdad, ta meyor en "Xuegu de cartes". --Omarete (mensaxes) 18:48, 8 May 2005 (UTC) P.D.: Pues rexistrate equí y así podras firmar les discusiones poniendo ~~~~.

Sí, a ver si un día me pongo con gracia a y deprendo a xugar al xulepe y al mus. Nun cambié l'artículu por respetu pa col autor, pero yá sé que'n wikipedia lo importante ye de trabayar en comuña y non facer una obra d'autor. Cuestame un pocu avezame a esta forma de trabayar (ye'l pesu de 25 sieglos d'individualismu), pero poco a poco va entrandome. Yá taba rexistráu, lo que pasa ye que delles veces dame galbana meter el nome y la contraseña. Amás nun sabía cómo se firmaba ( les famoses cuatro ~ ), gracies por esplicámelo. D'equí p'arriba voi tratar de firmar siempre. Motán 19:17, 8 May 2005 (UTC)