Alderique:Xa
Sobre la forma plural d'esta pallabra[editar la fonte]
¡Hola! Dizse nel artículu que la forma plural d'esta pallabra d'orixe persa ye «xes», como asina apaez referenciao dende'l portal Oslin-Ast. Lóxicamente nun voi duldar de la fiabilidá d'esti portal y proyectu; sicasí, nun tien nengún sentíu, yá que la pallabra «xa», al ser monosílaba, fai que seya una pallabra terminada en vocal tónica, y nestos casos, el so plural ye añadiendo simplemente «-s», como pasa con «pá», «ma», «sofá» o «coñá», que los sos plurales respectivos son «pas», «mas», «sofás», «coñás» y non *«pes», *«mes», *«sofés» o *«coñés» (sacantes los sustantivos femeninos terminaos polos sufixos «-dá», «-tá» y «-tú», qu'añaden «-es»). Creyo qu'ha ser un descuidu, yá qu'amás diz que esta pallabra flexona como "lloba", que termina en vocal átona y por eso'l cambiu vocálicu na forma plural nesti tipu de pallabres pero non pa esti casu. Poro, suxero suprimir esa referencia y usar la forma plural «xas», que ye la que considero ye la única forma posible. Limotecariu (alderique) 18:51 16 och 2022 (UTC)