Alderique:Uviéu

De Wikipedia
Saltar a navegación Saltar a la gueta

¿Ye necesariu separar Uviéu conceyu de Uviéu ciudá? Si lo ye, entós tamién habría que tener Uviéu Parroquia, ya puestos... --rsg (mensaxes) 20:27, 26 xunetu 2005 (UTC)

En cuantes a lo de Uviéu como parroquia, nun fai falta, porque esa parroquia comprende na más que la ciudá con tolos sos barrios, y nesti casu diba ser redundante. D'otramiente, aproveché que la parroquia de La Perera ye compartida con Ribera d'Arriba, que yera'l conceyu que taba faciendo, p'actualizar los datos de población de toes les parroquies del conceyu colos datos del INE del 2005.--Xuan Cardoso 16:16, 11 xineru 2006 (UTC)

Oviedo, Florida[editar la fonte]

Quité la información del entamu onde dicía que "Uvieínos emprendedores bautizaron con esti nome a dos ciudaes: na República Dominicana y na Florida nos Estaos Xuníos d'América". La ciudá d'Oviedo de los Estaos Xuníos foi nomada asina en 1879, y darréu qu'España cedió definitivamente la colonia de La Florida a los EXA en 1821, cuido que nengún uvieín emprendedor bautizó esta localidá americana. Amás, el nome púnxo-ylu un suecu, según diz la páxina web d'esta ciudá [1]; nesa mesma páxina diz que l'actual ciudá naz en 1865, ye dicir, posterior tamién a la posesión española.

En cuantes a la ciudá dominicana, ésta nomóse asina non n'honor de la ciudá asturiana, sinón n'honor de Gonzalo Fernández de Oviedo y Valdés; amás, foi camudando de nome hasta'l que tien agora, asina que cuando se fundó, nun se llamó primeramente como Oviedo. Sobre esta localidá dominicana nun consulté más que l'artículu correspondiente na wikipedia n'español, yá que nun alcontré más información [2]. --Etienfr 06:06, 16 mayu 2010 (UTC)

El desarme[editar la fonte]

¿podeís dicime si la fecha del 19 d'ochobre que fai referencia al desarme, ye de la Revolución d'Ochobre o de la Guerra Civil? ¿qué fechos son los que se cellebren? Gracies

Parroquies y Conceyu pa Xuan Cardoso[editar la fonte]

Dientro la ciudá d'Uviéu hai delles parroquies. Nun hai nenguna que se llame "Parroquia de Oviedo". Aparte que la parroquia nun ye una división alministrativa, solo eclesiástica.Poro, se ha de dixebrar ente ciudá d'Uviéu y conceyu d'Uviéu con tolos sos pueblos y la so capital, Uviéu.

Solicitú de desbloquéu[editar la fonte]

Solicito el desbloquéu d'esta páxina, bloquiada pa usuarios anónimos dende'l 30 de xunetu. Nun entendí entóncenes por qué se bloquió y nun entiendo por qué sigue asina.--etienfr (¡Vamos parolar!) 15:51, 23 marzu 2014 (UTC)