Alderique:Renacuayu

Non, los guxarapos nun son rencuayos, como se pue ver nesti diccionariu http://mas.lne.es/diccionario/index.php?palabra=guxarapu&buscarter=on y nel de l'Academia. Otru nome pa esos bichinos según los mesmos diccionarios ye "ragüeta", asina en femenín, anque yo siempre tengo sentío "ragüetu" o "ranagüetu". (Motán)

Guxarapos

Hola!Yo soy ayerán y nel conceyu de Aller,en vez de dicir rencuayu dicimos guxarapu.

Comprobáu l'asuntu: el nome oficial ye "renacuayu", y tamién esiste l'acepción "rancuayu", que'l DALLA redirixe a "renacuayu". El diccionariu dialeutolóxicu d'Arias define "guxarapu" como guxan, si bien ye cierto que nesti casu, nel conceyu d'Ayer ta recoyío como (testualmente) "Animalito que vive en el agua", anque nun especifica que seya la cría de la xaronca, camiento que ye un términu más xenéricu. Por tanto, voi treslladar el conteníu a "renacuayu", dexo la redireición de "guxarapu" y añado la redireición de "rancuayu". Un saludu --Esbardu 19:48, 1 xineru 2007 (UTC)

Copio una cita del artículu "gusano" na wiki n'español: La palabra gusarapo o gusarapa [se aplica] a algunos animales acuáticos, sobre todo larvas de insectos como los tricópteros (Trichoptera) y los mosquitos, o a los renacuajos.

D'esta definición paez desprendese que tolos rancuayos son guxarapos, pero tamién la de que tolos guxarapos nun son rancueyos. Dicho d'otra manera, hai varies pallabres pa designar específicamente a la cría de les xaronques : ragüeta, rancuayu, ranuecu, renacuayu ... Otres como "guxarapu" , "cuyarapu", "cuyarina" o "cuyarata" puen refirise tanto a les llarves de les xaronques como a les de dellos insectos y hasta a otros animales asemeyaos.

Sicasí el diccionariu de l'Academia nun paez mui claru nesti asuntu. Per una parte define "guxarapu" como guxán que cría n'agua estancao. Tamién esisten les espresiones "guxarapu de lluz" y "guxarapa" respectivamente pa los cocos que dan lluz o que se críen nes mazanes. Al mesmu tiempu, na definición de "cuyarapu" que ye visiblemente una variante de l'anterior y l'equivalente del español "gusarapo" solo vien el significáu de "cabezón, renacueyu".

En resume, yo cuido que lo meyor ye dexar pa la cría de la xaronca los términos ragüeta, rancuayu, ranuecu y renacuayu, coles redirecciones que faigan falta. Pa guxarapu pue facese una entrada nueva poniendo que ye un términu xenéricu que s'usa pa los animalinos que viven n'agua estancao, especialmente los ragüetos.

Motán 21:06, 1 xineru 2007 (UTC)

BERRO

En los años de mi vida había oído eso de Renacuayu. En mi pueblo (cerca de Llanes) siempre los llamaron Berros.