Alderique:Nazismu

Contenido de la página no disponible en otros idiomas.
De Wikipedia
(Redirixío dende Alderique:Nacionalsocialismu)

Anque me duelga tengo de dicire que nun fou dictatorial, sinon que'l pueblu alemán escoyéu y fíxolu dende la república de Weimar. Al ser un tema delicáu más val que lu tratemos na páxina de discusión. Pero dende'l puntiu de vista hestóricu el réximen nacionalsocialista alemán nun fou dictatorial fou esbilláu pol sou pueblu, eisu sí fou depraváu pero eiquí ta la mái'l cordeiru; depraváu pero col sofitu y la concomitnacia de casique tola sociedá alemana y austriaca, sacante los perdedores ou seya católicos, gais, feministas, comunistas, testigos de Jehová, xudíos, sordomudos, paralíticos, amalecíos mentales, xitanos, negros... Toos menos el 80% de la sociedá alemana. Deberíamos quitare lu de dictatorial malque nos fadie pensar qu'un pueblu puede escoyer esa dexeneración, pero fíxolu. --Henrique (Alderique) 14:01:11, 2005-08-29 (UTC)

paezme que falando del nacismu ye perimportante falar de la so hestoria y la hestoria de la república de Weimar, el so camín a modo dica el poder. porque nél tan amestaos el mou democráticu (pos bien cierto ye que fou un gobiernu esbillau pol so pueblu) y el recursu'l terror (incendiu'l reichstag, la nueche los cuchillos llargos y etc).

pero en tou casu naguo por dexar nidio lo que diz Henrique, que la ditadura vino lluéu. --Fruela(parpayuela) 14:09, 29 agostu 2005 (UTC)

Cuido qu'eiquí hai d'estremare dúas cousas, Henrique. El réximen nazi sí foi dictatorial nel sentíu qu'una dictatura ye un réximen de gobiernu onde'l pubelu nun tien capacidá de decisión ou eispresión. Outra cousa ye que chegara al poder n'unas elleiciones llibres, comu foi'l casu. Chegóu al poder d'un xeitu democráticu, sí, poru foi una dictadura. Los alemanes sofitaban el nazismu tres el desendolcu del programa nazi ente 1933-1935? Na hestotiografía alemana fálase de "Mitläufer", collaboradores que nun yeran nazis poru comu-ys daban cuartos y se beneficiaban del réximen, facían lu que dicía'l partíu nazi. Esu tamién pasóu na RDA y n'outros países. --Xariegu 14:10, 29 agostu 2005 (UTC)

Yo quitaría lo de "aberrante", porque anque toos lo pensemos, nun dexa de ser un xuiciu de valor, y hai que tratar de ser oxetivos. Hai qu'evitar los adxetivos y coses así al describir algo. --Omarete (mensaxes) 14:14, 29 agostu 2005 (UTC)

la páxina ye "nacionalsocialismu", per ende nun pues entamar llamándolu réximen ditautorial porque eso nun ye namás que una parte'l nazismu, la cabera. Mentes fou un partíu políticu como otru cualquiera, y sofitáu pol pueblu. Mitläufer, o seya, compañeru de viaxe, que-y dixeron equí a los procomunistes. (ym sí aberrante ta por demás) --Fruela(parpayuela) 14:16, 29 agostu 2005 (UTC)

Esqueiceivos d'una cousa, ye dictatorial pero como ta plantegáu l'artículu paez que los alemanes llevantórunse una mañana y atopórunse con eisu. Fou talu, el sofitu del pueblu alemán que ta que nun viorun los tanques nas grades ciudaes siguían apoyando'l sou gobiernu (de xuru qu'había deillos que non), el procesu del triunfu del nacionalsocialismu sobru la República de Weimar, d'una democracia pa una dictadura consensuada y popular, fou rápido y incruentu (pescundiando esto como un procesu ensin guerra, claru que fou sangrientu y sinon entruguen a los sordomudos ou a los homosexuales de l'Alemaña d'escomienzos de los Treinta); ye tal l'aquiescencia y participación del pueblu alemán na creyación d'un nuéu sistema políticu, qu'esta actitú ye única na hestoria d'Europa, tal puntiu qu'anguaño los hestoriadores, sicólogos y sociólogos tiene d'acudir a esplicaciones de corte sociosexual y hestóricos ensin comparanza p'atalantare un poucu la llocura popular que sofitóu esta dómina de los pueblos xermánicos (nun esqueizamos que nin Noruega nin Austria escapan a esti procesu. Ta meyor l'artículu agora pero si ponemos que fou dictatorial daremos la impresión de rellacionalu colos sistemas dictatoriales hispánicos, onde la sociedá ta dixebrada nun bandu y noutru y a la final d'una guerra civil vence la llercia. Nun séi como lu faremos pero esti artículu (como outros difíciles) deberíamos cusilu con curiáu. Perdonar el rollu, lu que pasa que por deformación nun sou pa resumire, reparar en que n'Historia la cayida de Weimar y l'ascensión nazi son temas perestensos. Saludos --Henrique (Alderique) 14:42:49, 2005-08-29 (UTC)

magar lo que dices, que ye verdá y nun lo refugo, a min si me paez que esistió una sociedá dixebrada: dixebrada ente un greyu mayoritariu y otru minoritariu, caro, pero dixebrada igual. paezme que el greyu de perdeores ye grande enforma (minoríes étniques, amalecíos, inteletuales, votantes d'izquerda, homosesuales) pa dicir que Alemaña taba partía. nes caberes elleiciones alemanes (payares 1932) anantes que nomaran a Hitler canciller (xineru 1933) el NSDAP tuvo un 33% los votos, mentes socialistes y comunistes sumaben un 36%... si nun ye eso una sociedá en dixebra... --Fruela(parpayuela) 14:55, 29 agostu 2005 (UTC)

Nun, nun lu taba por que de xuru esi 36% yera casique l'únicu que nun lu sofitóu (pero en muitos casos callóu inclusives anantias del "güelpe d'estáu"; yera l'outru tantu que queda (que votóu ou non a los nazis) el que sofitóu el gobiernu hitlerianu; y claru ta nun 70% de la población (en númberos redondos) ye muita población como pa falar d'una dixebra social. Pero, esu nun pruye yá tien la ilesia doutores que lu han de mirare, el casu ye que debemos tener curiáu con artículos d'esti pelu. Saludos --Henrique (Alderique) 15:12:30, 2005-08-29 (UTC)