Alderique:Espeleoloxía

Como l'autor d'esti artículu nun ta rexistráu, pongo estes llinies equí. Perdonái los demás. 81.33.184.212, l'artículu tocante a espeleoloxía que tas faciendo ye bonu y completu. Pero tien bastantes errores d'ortografía y sintaxis que tuvi iguando l'otru día, asina como defeutos d'enllaces y demás coses internes de la Uiquipedia, y qu'agora veo que vuelves a camudalo como orixinalmente los punxeras. Nun plantegué a discusión pública los cambeos que fixi porque nun hai posible retruque a ellos; son normes ortográfiques y sintáutiques que son como son y namás. Refiérome por exemplu a tan del verbu tar (bien tán), sigún (bien según), dafecho (bien dafechu), relacionaes (bien rellacionaes), actividá deportivo (actividá deportiva) y un bon llargu etc. Paezme que caes muncho nel hiperasturianismu y que nun consultes les normes ortográfiques nin el diccionariu normativu (y non normativo). Si te fixes, dexé'l neutru n'espeleoloxía kárstico, porque espeleoloxía nun ye cuntable, pero camudé actividá deportivo porque actividá ye cuntable y entós va en femenín, y non en neutru. Sicasí, por exemplu, nun te camudé hestoria por historia, anque la norma diz que s'aconseya l'usu d'historia. No tocante a los errores d'enllaces, tampoco nun hai discusión posible: l'artículu principal del osíxenu ye oxíxenu, que ye como la normativa lo recomienda. L'artículu del Heliu ye Heliu (elementu) porque ha diferenciase d'Heliu'l dios griegu. Y nos enllaces esternos ye vezu y norma na Uiquipedia poner la llingua na que tán les páxines enllaciaes, actualmente mediante les plantilles (castellán) o (en portugués). Asina que por favor, acata les correiciones que te faigamos, igual que toos acatamos lo que mos corrixen, porque nun lo faemos pa putear, sinón pa meyorar la calidá de la Uiquipedia. Si nun rectifiques los errores enantes de dos díes, voi volver a camudalos. Si vuelves a quitalos, bloquearé la páxina pa usuarios non rexistraos. Un saludu --Esbardu 10:53, 16 setiembre 2006 (UTC).

Disculpes

Hola, Esbardu. Disculpa los errores, pero esti ye'l primer artículu col que entame a contribuir na Uquipedia un poco aquello y nin siquier me rexistrara pa facelo. Una y bones fui viendo que salía, decidí rexistrame ya implicame nesti proyeutu tan guapu. Dafecho d'acuerdu coles faltes y errores que m'indiques. Miraré de dir meyorando y tener más procuru... Toi con que la Uiquipedia tien d'amosar calidá formal y de conteníos. Lo de camudar l'articulu a la so primer versión nun lo fice poles correiciones que tú-y ficiste (nin me di cuenta d'elles cuando lu edité), sinón por otros pequeños cambios que yo incluyí naesa segunda versión, asina que si quies puedes igualu too agora. Tengo intención de dir ampliando y meyorando poco a poco l'artículu y ampliando a otros artículos relacionaos con elli (enllaces internos). Mil disculpes si entré un poco como un elefante nuna cacharrería, nun yera la mio intención. Bueno, nin siquiera sé si esta forma de contestar a la discusión ye correcha... yá diré faciéndome a ello. Saludos y norabona pol vuesu trabayu. Una cosina sobre lo de les plantilles de los enllaces esternos: la páxina Espeleoastur (na que participo) ta dafecho n'asturianu, non castellanu, o eso -a lo menos- miramos que seya asina... ¿correspondería-y una plantilla (n'asturianu) o pónse ensin más nada?. Munches gracies por too--Xosepin 15:26, 20 setiembre 2006 (UTC)

Hola, Xosepin. Disculpes aceutaes, nin. Lo dicho, l'artículu ye mui bonu, lo que te recomiendo ye que toles ampliaciones que faigas seyan a partir de la versión que yá ta fecha, pa nun tener que volver a repasar tolos fallucos correxíos. El sitiu pa discutir coses xenerales tocante al artículu ye equí, y depués na propia páxina de discusión de cada usuariu pa cosines daqué más personales. Lo que pasa que como nun tabes rexistráu nun teníes páxina de discusión, y tuvi qu'escribilo equí porque sinón nun había forma localizate. Agora yá se pue discutir n'Usuariu discusión:Xosepin. Tocante al enllaz d'Espeleoastur tienes razón. Nun sé cómo foi qu'al calcar l'otru día pa ver en qué llingua taba hebi confundime. Cuando ta n'asturianu nun ponemos plantilla nin nada (ye la llingua por defeutu). Asina que nada, bienveníu a esti llugarín y qu'esti pequeñu follón nun t'amedrane pa siguir contribuyendo. Si tienes cualesquier dulda pues entruganos a cualesquiera de nós, o bien pues plantegar suxerencies o nueves idees nel nuesu chigre. Un saludu --Esbardu 18:11, 20 setiembre 2006 (UTC)

De traca

Tu nun balties nel hyperhasturianismu, no home no. Tu das de cabeça n fhundu. "cambeu" "plantegué" "defeutu" & "llinia" nun son hyperasturianismos, ye lo que s'ascuîtha a nivel de caleya todu l tiempu.

• "dafecho" (bien dafechu)

= Ye una locuçon adverbial, suppon-se acabada n "o", por toma' los adverbios & preposiçones la terminaçon neutra. Ah! que dizen los gurus que ha hi que lo acabar in "u" por argumentos l'Oréal (because I'm worth it...)

• "relacionaes" (bien rellacionaes)

= Vien del lhatino "relatio / relationis". Onde salîu essa "ll"? exsiste "llación"? ah, no home no, que lo diz el guru ("si lo diz, por daqué será...")

• "Si te fixes, dexé'l neutru n'espeleoloxía kárstico, porque espeleoloxía nun ye cuntable, pero camudé actividá deportivo porque actividá ye cuntable y entós va en femenín, y non en neutru"

= La moda esta de "contable- non contable " ( per outra parte, onde sal essi "cuntable"? si vien de "computare" & essa "o" ye átona? Ah, ye verdá que lo diz el guru. ) ye copia de la grammática anglesa, & esto nun ye angles. Defeitos de la expansion l angles na educaçon oblrigatoria, que fhai que todo se pinheire pel angles... nos tiempos de Conceyu Bable, todo se speyaba nel frances pol amor de lo mesmo.(ay, lo de "pola mor" ye mundial, nada nadica de nada "hyper".) Referencies scosses.

Nin contable nin caxigalines. YE NEUTRO DE MATERIA, ou nun ye, ou ye materia, ou l neutro s'herieda de la fhorma lhatina (normalmente concasen les duês couses). "Speleologïa kárstica", ye nome ABSTRACTU FEMININ & estos nunca son materia & sona, pa de tras, a hosties na oreya. Deixai los contables pal rosario.

• "Sicasí, por exemplu, nun te camudé hestoria por historia, anque la norma diz que s'aconseya l'usu d'historia." (quien ye l sabichon que lo aconseya?).

= Esto ye l problema de nun conhocer les bases mesmes del idioma, el vocalismo átono... historia vien del lhatino "historia", la "i" ye átona, a que vien scribir "hestoria"? sona mas céltico? ah, couses de los gurus.

• HELIO si ye neutro materia. Ye materia. Vien de HELIUM, que ya tien neutro n lhatino. Essi -UM siempre passa a -O, excepto nos nomes que son intrínsecamente materiales (cumo "speyu" de specŭlum).

Non obstante, segii cun lo vuösso. Segii sigiendo consignes de guru, nun vos questionar nada, & si vos dizen de tiravos al rîo, dii de cabeça cun sigo. Nun vos dá por pensar si les couses tienen xacíu ou non,stan bien ou mal, solo a tragar doutrina.

Ah! Evidentemente dal reconhocimiento d'autoridá. Pa scribir cumo n castelhano ("castellán" ye un paysanu...), travestiendo-lo cun centenes d'apóstrophos pa fhaelo mas céltico, nun fhai falta dala "ALLA"> "ALLÄ ELLA". Pa tsapuces nun fhai falta consultar biblia dala.

—El comentariu anterior ensin firmar foi realizáu por Xurugetu (alderique • contr.)