Alderique:Bable

¿Esto que ye, vandalismu, humor sinsustancia o daquién de bona fe que trata d'aportar el so granín d'arena y anda dalgo despistáu? Motán 20:31, 16 xun 2005 (UTC)

Istu ye provocación. Esborraréilu y solicitu que de repetise seya bloqueáu'l servidor. --Xariegu 22:29, 16 xun 2005 (UTC)

La primera versión nun respetaba la neutralidá (aparte de que nun taba n'asturianu), pero l'actual tovía menos/ a) hai dalgunos asturfalantes qu'empleguen el términu bable, col sentíu aprosimáu de "asturianu de los medios de comunicación" Bien ye verdá que, sin da-y una connotación peyorativa dafechu, úsenlu pa dar a entender que ye una llingua dalgo estremada de lo que se fala realmente. b) el términu nun ye siempre peyorativu. De fechu el movimientu de recuperación llingüí stica nos años 70 del sieglu pasáu entamólu un grupu que se llamaba "conceyu bable" y ún de los eslóganes mas famosos yera "bable nes escueles". c) Anque nun se tea d'alcuerdu con ellos, tolos que tán contra la normalización del asturianu nun son unos inorantes. Ente los "amigos de los bables" hai dalgún filólogu y El bable, estructura e historia de Neira ye un llibru bastante dignu, anque se contesten delles opiniones suyes.

Val, aceuto la túa argumentación. Corríxelu. --Xariegu 18:08, 19 xun 2005 (UTC)