Alcalfar

De Wikipedia
Saltar a navegación Saltar a la gueta
Cala d'Alcalfar.

Alcalfar o Alcaufar ye un pequeñu nucleu de pescadores asitiáu al sureste de la islla de Menorca, España. Alministrativamente, depende del Conceyu de San Lluis, que s'atopa a unos cinco kilómetros. Tien una población d'unos 130 habitantes y asitiase nuna cala, conocida como la cala d'Alcalfar. Esta cala, acabada en sablera, ye'l resultáu d'una entrada allargada y estrecha de mar, en forma de cuartu de círculu. Al principio de la entrada alcuéntrase la Torre de Alcalfar, y l'Illot des Torn. Ta espuesta a les foles y los vientos del sureste, con una pendiente suave, agua clara (especialmente en primavera) y fondos de sable y algues. A la parte izquierda mirando'l mar, enfrente la Cova d'en Putó, ñaz una vena d'agua frío, que se caltién nuna corriente que sale de la cala.

Foi na cala d'Alcaufar onde los franceses desembarcaron en 1756 pa conquistar, con ésitu, la islla de Menorca a los británicos. Más tarde, en 1781, desembarcaron ente la cala Mesquida y la cala d'Alcaufar unos 15.000 soldaos españoles baxo'l comandamientu del duque de Crillon, que gracies a la presa de Menorca llogró del rei Carlos IV d'España, en 1790, el títulu de duque de Maó y grande d'España.