Saltar al conteníu

Arbutus unedo

De Wikipedia
(Redirixío dende Alborniu)
Arbutus unedo
borrachinal
Clasificación científica
Reinu: Plantae
División: Magnoliophyta
Clas: Magnoliopsida
Subclas: Asteridae
Orde: Ericales
Familia: Ericaceae
Subfamilia: Arbutoideae
Xéneru: Arbutus
Especie: Arbutus unedo
L., 1753
Distribución
Consultes
Royal Botanic Gardens, Kew Royal Botanic Gardens, Kew
World Flora Online World Flora online
[editar datos en Wikidata]

El borrachinal[1] (Arbutus unedo) ye un árbol d'hasta quince metros d'alto, magar que rara vegada algama esi altor. Perennifoliu. El tueru ye arroxáu y regalláu, cola cota o groma espesa y arredondiada. Les fueyes tienen un peciolu curtiu, y son grandes, verdes, daqué más xares al aviesu, lanceolaes, d'ente 5 y 10 cm de llargo y 5 cm d'ancho, col cantu aserráu, llises, brillantes y ensin pelos.

El so frutu, l'abruéganu o borrachín, ye d'unos 4 cm de diámetru ente mariellu y coloráu intenso, dependiendo de la maduración del mesmu; la so superficie ta ensamada por graninos minúsculos aplanaos. Les semientes tán allugaes sobro'l centru del frutu, y son pequeñes y de color prieto.

D'ellos sácase'l famosu "licor de madroño" madrilano.


Referencies[editar | editar la fonte]

Enllaces esternos[editar | editar la fonte]