Alberto Natusch Busch

De Wikipedia
Saltar a navegación Saltar a la gueta
Alberto Natusch Busch
Alberto Natusch Bush.jpg
66. presidente de Bolivia

1 payares 1979 - 16 payares 1979
Walter Guevara Arze - Lidia Gueiler Tejada
Vida
Nacimientu Departamento del Beni Traducir23  de mayu de 1933
Nacionalidá Bolivianu
Fallecimientu Departamento de Santa Cruz Traducir23 de payares de 1994 (61 años)
Causa de la muerte cáncanu
Estudios
Llingües castellanu
Oficiu
Oficiu Militar
Graduación Coronel
Signature of Alberto Natusch Busch (1933-1994).svg
Cambiar los datos en Wikidata

Alberto Natusch Busch (Riberalta, 23 de mayu de 1933 - Santa Cruz de la Sierra, 23 de payares de 1994) foi un militar bolivianu, presidente de facto en 1979.

Biografía[editar | editar la fonte]

Graduóse como oficial nel colexu militar d'Exércitu n'avientu de 1951. Ente 1963 y 1964 estudió na Escuela d'Armes y d'Infantería de Monte (en Alemaña Federal).

Foi profesor del Colexu Militar y de les escueles d'inxeniería, armes y comandu y estáu mayor. En 1966 foi comandante del Reximientu Andín Murillo d'Infantería de Monte. Ente 1968 y 1969 estudió na Escuela Cimera de Guerra (en Buenos Aires). En 1972 foi subjefe del Departamentu d'Operaciones del Estáu Mayor del Exércitu. En 1978 foi comandante del Colexu Militar d'Exércitu.

Ente febreru de 1974 y xunetu de 1978 foi ministru d'Agricultura y Ganadería y d'Asuntos Llabradores y Agropecuarios nel Gobiernu del xeneral Hugo Banzer Suárez, y presidente del Bancu Agrícola. Ocupó esos cargos mientres cuatro años y cinco meses (ye unu de los ministros d'Estáu de xestión más llarga na hestoria de Bolivia).[1]

El 1 de payares de 1979 ―con 46 años y el rangu de coronel―, executó un cruentu golpe d'Estáu contra'l presidente civil Wálter Guevara Arze ―qu'asumiera interinamente la presidencia trés meses antes, el 8 d'agostu de 1979―, y asumió la presidencia. Ordenó l'usu d'armamentu militar ―incluyíos carros d'asaltu y otros armamentos pesaos― contra civiles, lo que provocó la muerte d'un centenar de persones y mediu millar de mancaos. Considerando'l pocu tiempu nel que tuvo vixente (16 díes), el de Natusch Busch foi'l réxime más cruentu de la Historia de Bolivia. A pesar del terror qu'instaló Natusch Busch nes cais, hubo masives protestes del pueblu en toa Bolivia. Alberto Natusch afirmó que «fuera engañáu por políticos ensin escupulicios», quien-y garantizaren que si derrocaba a Wálter Guevara Arze tendría'l respaldu de partíos políticos, cosa que nun asocedió.[2]


Finalmente, güérfanu de sofitu, arrenunció'l 15 de payares de 1979 ante l'Altu Militar, fuxendo del Palaciu de Gobiernu'l 16 de payares de 1979, tres solu 16 díes. Nuna negociación col Congresu lo único que llogró foi qu'esti nun reelixera como presidente a Wálter Guevara Arze, a quien Natusch Busch acusaba de deseyar entronizarse nel poder (yá que tuviera 85 díes na presidencia). El Parllamentu escoyó entós como la so socesora a Lidia Guéiler, que sería derrocada'l 17 de xunetu de 1980 por otru golpe militar, esta vegada encabezáu pol xeneral Luis García Meza (n. 1929), quien convertiría a Bolivia nun paraísu del narcotráficu.

El 4 d'agostu de 1981, Natusch Busch protagonizó xuntu con otros militares un golpe d'Estáu contra Luis García Meza, quien taba totalmente desacreditado pola sangrientu represión militar que desamarrara y la corrupción amestada al narcotráficu. Esa aición obligó a García Meza a arrenunciar a la presidencia, lo qu'abrió'l camín, un añu dempués, a la recuperación de la democracia.

En 1982, Alberto Natusch Busch tuvo que retirase de la vida pública debíu a l'alcordanza del so pésimu Gobiernu.

Tuvo casáu con Elba Rubí.[3]

El 23 de payares de 1994 morrió en Santa Cruz de la Sierra, a los 61 años, en sufriendo «una llarga y penosa enfermedá» (eufemismu por cáncer) mientres munchos años.[4]


Predecesor:
Walter Guevara Arze
Coat of arms of Bolivia.svg
55º Presidente de Bolivia

1 de payares de 1979 - 16 de payares de 1979
Socesor:
 
Predecesor:
José Gil Reyes
Coat of arms of Bolivia.svg
Ministru d'Agricultura y Ganadería

23 d'abril de 1973 - 14 de febreru de 1974
Socesor:
Cargu esaniciáu
Predecesor:
Cargu creáu
Coat of arms of Bolivia.svg
Ministru d'Asuntos Llabradores y Agropecuarios

14 de febreru de 1974 - 21 de xunetu de 1978
Socesor:
Guillermo Escóbar Uhry

Referencies[editar | editar la fonte]

  1. Presidencia de la República de Bolivia. «Biografía». Archiváu dende l'orixinal, el 20 de marzu de 2009. Consultáu'l 8 de febreru de 2009.
  2. Red Cayuela. «Biografía». Archiváu dende l'orixinal, el 6 de marzu de 2009. Consultáu'l 9 de febreru de 2009.
  3. «Presidentes de Bolivia», artículu publicáu nel sitiu Rincón del Folgazán.
  4. «Alberto Natusch Busch (1933-1994)», artículu biográficu publicáu nel sitiu web Educa (Bolivia).




Alberto Natusch Busch