Alberto Alonso Blanco

De Wikipedia
Saltar a navegación Saltar a la gueta
Alberto Alonso BlancoPicto infobox character.png
Vida
Nacimientu

Xixón29  de mayu de 1928

[1]
Nacionalidá Flag of Spain.svg España
Muerte

Cimavilla19  d'abril de 1976

[2] (47 años)
Causa de la muerte homicidiu
Oficiu
Oficiu tresformista
Alcuñu/os Rambal
Cambiar los datos en Wikidata

Alberto Alonso Blanco (29  de mayu de 1928Xixón - 19  d'abril de 1976Cimavilla), más conocíu como Rambal, foi un tresformista asturianu que morrió asesináu en Xixón.[3][4]

Rambal yera una figura perpopular y querida en Cimavilla, el tradicional barriu pescador de Xixón, Asturies. Pasaba los díes nel llavaderu del barriu onde ayudaba a les muyeres cola colada.[3][5]

Yera conocíu como Rambal en referencia al actor español Enrique Rambal, protagonista de la película El mártir del calvario.[6] Nun escondía la so homosexualidá, una condición fuertemente escorrida na época franquista, llegando a convertise nun abanderáu de los derechos del colectivu buscando la so aceptación y normalización. Peles nueches, Rambal amosaba'l so arte como tresformista.[3][4][7][8][9]

Anguaño, Rambal entá ye un símbolu n'Asturies, con presencia tantu nel imaxinariu colectivu como en publicaciones periodístiques, lliteraries, musicales y cinematográfiques.[6][10][11][12][13][14]

Asesinatu[editar | editar la fonte]

Foi asesináu la nueche del 19 d'abril de 1976 nel barriu de Cimavilla.[6][7] El crime atristayó a la ciudá de Xixón y causó un gran impautu ente los vecinos del barriu de Cimadevilla, que lo despidieron nel campu Valdés al empar qu'esixíen xusticia.

L'asesinatu de Rambal sigue ensin resolvese xudicialmente, anque la policía de Xixón considera que'l crime foi cometíu por dos vecinos de la ciudá de Xixón.[15] El so cadabre presentaba mancaes abondo por apuñalamientu. Apaeció semidesnudo, y los asesinos quemaron la so casa pa desaniciar buelgues.[7][16][17]

Publicaciones lliteraries[editar | editar la fonte]

En 1986, l'escritor Vicente García Oliva espublizó'l llibru L'aire de les castañes que trataba la vida y asesinatu de Rambal.[10] Nel añu 2000, l'escritor Pachi Poncela narró la hestoria del asesinatu de Rambal nel so llibru Gijón. Crónica negra.[18][19]

En 2016, l'escritor y periodista Miguel Barrero rellató la hestoria de Rambal y el so asesinatu nel so llibru La tinta del calamar. Tragedia y mito de Rambal pol que ganó'l premiu Rodolfo Walsh a meyor obra de non ficción de xéneru negru na Selmana Negra de Xixón.[11][20][21][22] Dos años dempués, la escritora, historiadora y documentalista Pilar Sánchez Vicente mentaba a Rambal nel so llibru Mujeres errantes.[23] En 2019, l'escritor Diego Medrano espublizó la novela El raro crimen de Rambal que fala sobre la figura d'Alberto Alonso.[6]

Música[editar | editar la fonte]

En 2019, el cantante asturianu Pablo und Destruktion mentaba a Rambal nel so cantar "Gijón": “en el puerto de Gijón ahí andaba Rambal / por las noches de hembra, por el día chaval / Bromas, sexo y delito, verdadera bondad / Mucho más que un marica, un héroe nacional”.[12][24]

En 2019, el cantante asturianu Rodrigo Cuevas incluyó nel so discu Manual de cortejo, producíu por Raül Refree, un cantar tituláu "Rambalín" qu'homenaxa la figura del tresformista y na qu'intervién el Coru Mineru de Turón. Tamién s'inclúi la voz de La Tarabica, otru personaxe del barriu de Cimavilla de Xixón, que narra la so visión de la hestoria de Rambal y que foi estrayida del Archivu de Fontes Orales pa la Hestoria Social d'Asturies.[13][24][25] N'abril de 2020, con motivu del cuarenta y cuatro aniversariu del asesinatu de Rambal, y mientres el periodu de confinamientu pola pandemia de COVID-19, Rodrigo Cuevas y los músicos Mapi Quintana, Rubén Bada, Tino Cuesta y Juanjo Díaz grabaron el vídeu “Rambalín en cuarentena” dende les sos propies cases. Les ilustraciones qu'acompañen a la música son de la pintora y cantante Leticia Baselgas.[26]

Cine[editar | editar la fonte]

En 1999 la guionista española Eva Lesmes ganó'l Premiu Pilar Miró al meyor guion pa televisión pol filme "A güeyu", afechu de la novela "L'aire de les castañes" sobre Rambal.[27][28]

En 2019 el cineasta asturianu José Fernández Riveiro rodó'l curtiumetraxe documental Si yo hablara na que se narra la hestoria y asesinatu de Rambal.[8][14]

Homenaxe[editar | editar la fonte]

La plaza del periodista Arturo Arias, en Xixón, recuerda nuna placa a Alberto Alonso Blanco, Rambal.[3][29] Mientres el pregón del antroxu xixonés de 2020, l'Antroxu, la compañía Higiénico Papel Teatro rindió un homenaxe a Rambal y a la so madre, Concha "la guapa", al amarutase como estos personaxes.[30][31] Esi mesmu añu dellos representantes del panorama cultural asturianu propunxeron que se renomara al centru cultural de La Tabacalera de Xixón col nome de Rambal. Esta iniciativa foi impulsada pol baillarín xixonés Pablo Dávila, al pie de los músicos Igor Paskual y Rodrigo Cuevas, los escritores Inaciu Galán y Pilar Sánchez Vicente y persones del ámbitu teatral como Alberto Rodríguez, Carlos Dávila o Eduardo Antuña.[32]

Referencies[editar | editar la fonte]

  1. URL de la referencia: https://books.google.es/books?id=wx7PV1JAeMYC&pg=PA164&lpg=PA164&dq=Rambal+1929+Gij%C3%B3n&source=bl&ots=jsy8Ja2ovm&sig=ACfU3U3t1nxYbdEgAHaiGTY2W7jLsyHsAQ&hl=gl&sa=X&ved=2ahUKEwihj-mE9-vmAhUNtRoKHb-cAAQQ6AEwA3oECAoQAQ#v=onepage&q&f=false.
  2. URL de la referencia: https://www.elcomercio.es/gijon/201604/17/ultimo-secreto-rambal-20160417015939-v.html.
  3. 3,0 3,1 3,2 3,3 «Un homosexual convertido en leyenda: la llave de Barrero para conseguir el Walsh» (es). La Voz de Asturias (10 de julio de 2017). Consultáu'l 25 de diciembre de 2019.
  4. 4,0 4,1 EFE. «Barrero opta al Walsh con el crimen de un homosexual convertido en leyenda» (es). eldiario.es. Consultáu'l 25 de diciembre de 2019.
  5. «La autopsia confirma que el vecino de El Cerilleru murió de forma violenta». www.rtpa.es. Consultáu'l 25 de diciembre de 2019.
  6. 6,0 6,1 6,2 6,3 Imparcial, El. «El raro crimen de Rambal, la novela “más maldita” de Diego Medrano» (es). El Imparcial. Consultáu'l 25 de diciembre de 2019.
  7. 7,0 7,1 7,2 España, La Nueva. «El "caso Rambal" no se cierra» (es). www.lne.es. Consultáu'l 25 de diciembre de 2019.
  8. 8,0 8,1 «AGENDA | Laboral Ciudad de la Cultura». www.laboralciudaddelacultura.com. Consultáu'l 25 de diciembre de 2019.
  9. «Miguel Barrero: "Gijón podrá enterrar a Rambal el día que se descubra al culpable, cosa que dudo que suceda"» (es). Zenda (9 de febrero de 2017). Consultáu'l 25 de diciembre de 2019.
  10. 10,0 10,1 Caso, Guillermina (19 de abril de 2016). «Se cumplen cuarenta años del asesinato de 'Rambal'» (es). Cadena SER. Consultáu'l 25 de diciembre de 2019.
  11. 11,0 11,1 «Así se forjó el mito de «Rambal», el asesinado que Gijón no olvida» (es). La Voz de Asturias (9 de setiembre de 2016). Consultáu'l 25 de diciembre de 2019.
  12. 12,0 12,1 «Pablo und Destruktion canta a 'Gijón' y a Rambal, 'mucho más que un marica, un héroe nacional'» (es). jenesaispop.com (22 de noviembre de 2019). Consultáu'l 25 de diciembre de 2019.
  13. 13,0 13,1 «Rodrigo Cuevas, crítica de su disco Manual de cortejo (2019)» (es). MondoSonoro (14 de diciembre de 2019). Consultáu'l 25 de diciembre de 2019.
  14. 14,0 14,1 España, La Nueva. «Riveiro filma la película del "caso Rambal"» (es). www.lne.es. Consultáu'l 25 de diciembre de 2019.
  15. ««Esto ha sido un golpe bajo»» (es-es). El Comercio (21 de abril de 2016). Consultáu'l 25 de diciembre de 2019.
  16. «El último secreto de Rambal» (es-es). El Comercio (17 de abril de 2016). Consultáu'l 25 de diciembre de 2019.
  17. «La investigación del crimen de Rambal, al descubierto» (es-es). El Comercio (20 de abril de 2016). Consultáu'l 25 de diciembre de 2019.
  18. Gijón. Crónica Negra. (n'Español).
  19. Álvarez, Alicia (13 de setiembre de 2016). «El crimen de Rambal: Asignatura pendiente para Gijón» (es). Cadena SER. Consultáu'l 14 de enero de 2020.
  20. «La tinta del calamar: tragedia y mito de "Rambal". Miguel Barrero» (es). Ayuntamiento de Gijón. Consultáu'l 25 de diciembre de 2019.
  21. «David Llorente gana el premio Hammett en la Semana Negra de Gijón» (es). ELMUNDO (14 de julio de 2017). Consultáu'l 25 de diciembre de 2019.
  22. España, La Nueva. «Rambal, premio póstumo en la "Semana negra"» (es). www.lne.es. Consultáu'l 25 de diciembre de 2019.
  23. LGTBI. «Rambal, el "homosexual declarado" que se convirtió en leyenda en los márgenes de la España de Franco» (es). eldiario.es. Consultáu'l 2 de febrero de 2020.
  24. 24,0 24,1 «'Rambalín' de Rodrigo Cuevas recuerda a un icono ultralocal que no debería ser olvidado» (es). jenesaispop.com (12 de enero de 2020). Consultáu'l 14 de enero de 2020.
  25. «Rodrigo Cuevas se alía con el productor de Rosalía en su nuevo disco» (es). La Voz de Asturias (10 de diciembre de 2019). Consultáu'l 25 de diciembre de 2019.
  26. Nortes, Redacción (20 de abril de 2020). «Rodrigo Cuevas recuerda a “Rambal” en el aniversario de su asesinato» (es). Nortes | Centradas en la periferia. Consultáu'l 13 de mayo de 2020.
  27. Aszine (13 de abril de 2017). «Eva Lesmes» (es). Aszine: ocio y cultura en Asturias. Consultáu'l 25 de diciembre de 2019.
  28. ««Gijón y Asturias son de cine»» (es-es). El Comercio (29 de mayo de 2016). Consultáu'l 25 de diciembre de 2019.
  29. EFE (10 de julio de 2017). «Barrero opta al Walsh con el crimen de un homosexual convertido en leyenda» (es). elperiodico. Consultáu'l 25 de diciembre de 2019.
  30. . www.lne.es. Consultáu'l 13 de mayo de 2020.
  31. Caso, Alicia Álvarez, Guillermina (13 de febrero de 2020). «El Antroxu de Gijón rinde homenaje a Rambal» (es). Cadena SER. Consultáu'l 13 de mayo de 2020.
  32. «Proponen llamar Rambal al centro cultural de Tabacalera» (es). El Comercio (28 de abril de 2020). Consultáu'l 13 de mayo de 2020.

 

Enllaces esternos[editar | editar la fonte]