Albariño

De Wikipedia
Albariño
Nome Albariño
Procedencia Galicia
Procedencia Galicia
Detalles
Colores blancu
Más información
[editar datos en Wikidata]

L'albariño ye una variedá d'uva orixinaria de Galicia, España, que s'emplega pa la producción de vinu blanco nesa rexón y, en menor midida, nes rexones españoles de Cantabria, Castiella y Lleón y Cataluña. Nel norte de Portugal conozse como alvarinho o cainho branco y ye abondosu en Monção y Melgaço, nel noroeste del país.[1]

Historia[editar | editar la fonte]

Hai una lleenda, defendida pol gastrónomu y  escritor Álvaro Cunqueiro, que diz que la uva albariño foi llevada a Galicia pelos monxos de la Orde del Císter nel sieglu XII.[2] La orde fuera fundada nel 1090 na abadía de Citeux, na Côte d'Or de Borgoña. Esos monxos, que proveníen de rexones vitivinícolas de Francia, llantaron viñeos nos valles del Camín de Santiago. Sicasí, les evidencies científiques paecen indicar que la variedá ye orixinaria de Galicia.[2]

Nel 2009 Australia afayó que toles hectárees que creíen tener d'albariño (ente 2000 y 3000 hai) yeren en realidá de savagnin blanc.[3] Los criterios ampelográficos y los analises del ADN han refugaron cualquier rellación.[4]

Nos años 90 el Centru Cimeru d'Investigaciones Científiques (CSIC) estudió clonar d'albariño qu'había en tola xeografía gallega, contabilizando mediu centenar con más de 200 años d'antigüedá.[5] En 1993 el CSIC llantó 11 de los meyores clones na parcela de la Misión Biolóxica de Galicia. L'estudiu demostró les diferencies en producción, calidá de la uva, calidá del mostiu y sensibilidá a les enfermedaes de la vide de cada unu. Nos 2000 los trabayos cuntaron con ayuda de la Diputación de Pontevedra y de bodegues como Terra Gauda.[6] En 2012 la Misión Biolóxica de Galicia, el CSIC y el Conseyu Regulador Ríes Baixas roblaron un alcuerdu pa comercializar los cinco primeros clones d'albariño certificaos.[5]

Viticultura[editar | editar la fonte]

Copa de vinu d'albariño.

La so dómina de desborre ye precoz y la so dómina de maduración ye tardida. Usase pa ellaborar vinos monovarietales o vinos d'amiestu. Ye una vide de puxanza media y porte ente semierguido y horizontal. La so fertilidá ye bastante elevada. Rique de terrenes frescos. La conducción de la so crecedera realízase sofitada en emparrado o en gordón. Ye pocu sensible a la botrytis, bien sensible al oídio y abondo resistente al mildiu.[7]

Vinos[editar | editar la fonte]

Los sos vinos tienen una graduación alcohólica elevada y una acidez notable. Tien un gran potencial arumosu afrutado con matices florales.[7] Los sos monovarietales son los vinos blancos más prestixosos de Galicia.[8] Ye habitual consumilos mozos, anque delles bodegues  ellaborenlo con crianza en barrica.[9]

Dellos enólogos nun considera positivu que dacuando seya demasiáu afrutado y dulzayu.[8][10] Esto puede resolvese cola crianza. Que dellos albariños caltengan esa carauterística empalagosa ye paradóxicu yá que ye de les poques uves blanques españoles que dexa una óptima crianza sobre enguedeyes.[10]

Rexones[editar | editar la fonte]

Según la Orde APA/1819/2007, de 13 de xunu (BOE del día 21), la uva albariño ye una variedá de vide destinada a la producción de vinu encamentada en Galicia y autorizada en Cantabria, Castiella y Lleón y Cataluña.

España produz albariño de forma bien abondosa nel DO Rías Baixas, sobremanera nes llocalidaes de Cambados, Condáu do Tea y Barbanza ya Iria.[11] La contorna del Salnés concentra'l 70% de la producción vitivinícola de les Ríes Baixas.[12] Nel Dos de Ribeiro y Valdeorras suel entemecese con loureiro, godello, caiño, arinto o treixadura. Estos amiestos fueron comunes en Galicia hasta 1986, cuando se creó'l DO Rías Baixas. A partir d'entós la albariño empezó a resurdir pa vinos monovarietales, tantu pa la demanda española para como pa la internacional.[13] Con esti resurdir de la albariño, estos varietales fueron "esguilando posiciones pa los paladres d'Europa, América y de tolos bebedores de vinu que deseyen sabores llimpios y ricos a fruta maduro" y llevó a la ellaboración de nuevos vinos en Portugal.[13]

Tamién ye común na rexón portuguesa de Vinho Verde, anque solo ta llegalmente establecida nes rexones de Monção y Melgaço. Tamién hai cultivos d'esta variedá en delles árees vitícolas de California, n'Estaos Xuníos.

Sinónimos[editar | editar la fonte]

La albariño tamién ye conocida colos sinónimos albarina, alvarín blancu, alvarinha, alvarinho, azal blancu, galego y galeguinho.[14]

Referencies[editar | editar la fonte]

  1. Oz Clarke Encyclopedia of Grapes pg 37 Harcourt Books 2001 ISBN 0-15-100714-4
  2. 2,0 2,1 «Historia: Albariño: un vino con leyenda».
  3. Alfonso Andrade (2 de setiembre de 2009).
  4. Alfonso Andrade (3 de setiembre de 2009).
  5. 5,0 5,1 Elisa Lois (28 de febreru de 2015).
  6. A. Aguirre de Cárcer (2 d'ochobre de 2004).
  7. 7,0 7,1 . Ministerio de Agricultura d'. Consultáu'l 23 de mayu de 2016. Error de cita: La etiqueta <ref> ye inválida; el nome «magrama» ta definíu delles vegaes con distintu conteníu
  8. 8,0 8,1 Carlos Delgado (4 d'ochobre de 2003).
  9. Carlos Delgado (1 de payares de 2008).
  10. 10,0 10,1 «Albariño de antaño».
  11. Oz Clarke Encyclopedia of Grapes pg 36 Harcourt Books 2001 ISBN 0-15-100714-4
  12. M. Alfonso (6 d'avientu de 2015).
  13. 13,0 13,1 Split Personality, avientu de 2002 Wine Spectator
  14. Alvharinho, Vitis International Variety Catalogue, consultado del 23 de payares de 2010