Al Kaphrah
Coordenaes: 
11h 46m 3.014s, 47° 46′ 45.855″
Al Kaphrah, El Kophrah o Al Kafzah son distintos nomes polos que ye conocida la estrella Ji Ursae Majoris o Chi Ursae Majoris (χ UMa / 63 Ursae Majoris).[8] Asitiada na constelación del sietestrellu —nel pie delanteru derechu de la osa—,[9] tien magnitú aparente +3,71[8] y alcuéntrase a 196 años lluz del Sistema Solar.
Ye Al Kaphrah una xigante naranxa de tipu espectral K0.5IIIb[8] con una temperatura superficial de 4415 K. Relluma con una lluminosidá 172 vegaes mayor que la lluminosidá solar y el so radiu, calculáu a partir de la midida del so diámetru angular per aciu interferometría, ye 22,2 vegaes más grande que'l del Sol. Como tantes otres xigantes, ye una estrella de lenta rotación, xirando a una velocidá de 1,15 km/s. Esta cifra tien de ser considerada como una llende inferior —el valor real depende del enclín del so exa de rotación, que nun se conoz—, implicando un periodu de rotación de cuasi 1000 díes.[10]
La masa d'Al Kaphrah ye'l doble de la masa solar y, con una edá de siquier 1000 millones d'años, empezó la so andadura na secuencia principal como una estrella caliente de tipu B. Nun se sabe con certidume'l puntu exautu nel que s'atopa a lo llargo del so evolución; sicasí, a diferencia de la mayor parte de les xigantes de tipu K —como Dubhe (α Ursae Majoris), tamién na sietestrellu—, nun ye una estrella que funda heliu nel so interior. La so baxa metalicidá —tien una bayura relativa de fierro equivalente al 37% del valor solar— según la so alta velocidá relativa respectu al Sol —44 km/s, unos trés vegaes superior al valor normal—, suxuren que ye una visitante d'otra rexón de la Vía Lláctea.[10]
Referencies[editar | editar la fonte]
- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ 4,0 4,1 Caroline Soubiran (marzu 2008). «Vertical distribution of Galactic disk stars» (n'inglés). Astronomy and Astrophysics (1): páxs. 91–101. doi:.
- ↑ David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Eva Grebel (11 febreru 2016). «SP_Ace: a new code to derive stellar parameters and elemental abundances» (n'inglés). Astronomy and Astrophysics: páxs. 2–2. doi:.
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi:.
- ↑ 8,0 8,1 8,2 NSV 5319 - Variable Star (SIMBAD)
- ↑ El Kophrah (The Fixed Stars)
- ↑ 10,0 10,1 Al Kaphrah (Stars, Jim Kaler)
Coordenaes: 11h 46m 3.014s, 47° 46′ 45.855″
Datos: Q1071577