Al Jennings

De Wikipedia
Al JenningsPicto infobox character.png
Al Jennings mugshot 1902.jpg
Vida
Nacimientu

Virxinia25 de payares de 1863

[1]
Nacionalidá Bandera de Estaos Xuníos d'América Estaos Xuníos
Muerte

Tarzana (es) Traducir26 d'avientu de 1961

[1] (98 años)
Sepultura Cementerio Oakwood Memorial Park (es) Traducir
Estudios
Llingües falaes inglés[2]
Oficiu abogáuactor de cine
IMDb nm0421104
Cambiar los datos en Wikidata

Alphonso J. "Al" Jennings (25 de payares de 186326 d'avientu de 1961) foi un abogáu con exerciciu nel Territoriu d'Oklahoma, y darréu lladrón de trenes. Col pasu del tiempu aportó a una estrella del cine mudu, trabayando como actor y como asesor téunicu.

Biografía[editar | editar la fonte]

Nacíu en Virxinia, Jennings asitióse n'El Reno (Oklahoma), trabayando como fiscal del Condáu de Canadian, Oklahoma, dende 1892 hasta 1894. En 1895, xunto a los sos hermanos Ed y John, trabayó nun bufete en Woodward (Oklahoma). N'ochobre d'esi añu Ed Jennings morrió, y John Jennings resultó mancáu, nun tirotéu con un abogáu rival, Temple Lea Houston.

Jennings dexó Woodward tres l'absolución de Houston en 1896, analayando hasta consiguir emplegu como cowboy colos Creek. Mientres trabayaba cerca de l'actual Bixby, nel Condáu de Creek, Jennings sumóse a una banda de foraxíos. Nel branu y seronda de 1897 los maleantes, de cutiu llamaos la "Banda Jennings," robaron trenes, almacenes, y una oficina postal, anque con poco ésitu monetariu. Jennings foi firíu por axentes de la llei'l 30 de payares de 1897, y prindáu una selmana más tarde en Carr Creek, cerca de Onapa, nel Condáu de McIntosh (Oklahoma). En 1899 Jennings foi sentenciáu a cadena perpetua pero, gracies a los esfuercios llegales del so hermanu John, la so sentencia conmutóse por una conderga de cinco años. Por razones téuniques lliberáronlu en 1902, y recibió'l perdón presidencial en 1907.

Jennings recreó un de los sos robos a bancos nel curtiu de 1908 The Bank Robbery. Na cinta participaba Heck Thomas que, al mandu de un pelotón, prindaba a los lladrones. El curtiu foi dirixíu por Bill Tilghman, siendo James Bennie Kent el fotógrafu, y la producción al cargu de la Oklahoma Natural Mutoscene Company. El filme rodóse en Cache (Oklahoma) y nel Wichita Mountains Wildlife Refuge, teniendo Quanah Parker un pequeñu papel.[3][4][5]

Jennings camudóse a Oklahoma City en 1911, interesándose pola política. En 1912 ganó la nominación Demócrata pa fiscal del Condáu d'Oklahoma, magar que perdió les eleiciones. En 1914 fixo un intentu infructuosu pa ser gobernador d'Oklahoma. Esfrutando de la fama que-y dio l'adautación al cine de la so biografía escrita en 1913 Beating Back, Jennings faló abiertamente del so pasáu y ganó votos gracies a la so honestidá. De seis candidatos demócrates, Jennings remató terceru nes primaries darrera de James B. A. Robertson y Robert L. Williams.

Jennings escribió otru llibru, Through the Shadows With O. Henry, que s'espublizó en 1921. Detallaba la so amistá col escritor O. Henry, col que coincidió na Penitenciaria Estatal d'Ohio, dende enantes del encarcelamientu de dambos hasta la so posterior lliberación y realcuentru en Nueva York.

Retiráu de la xusticia y de la política, Jennings foi a vivir a California, onde trabayó na industria del cine faciendo westerns. En 1951 fíxose una película sobre la so vida, Al Jennings of Oklahoma, con Dan Duryea nel papel del títulu.

Al Jennings finó en Tarzana, California, en 1961. Foi soterráu nel Campusantu Oakwood Memorial Park de Chatsworth (Los Angeles).

Referencies[editar | editar la fonte]

  • The Oklahoman (Oklahoma City, Oklahoma), 27 d'avientu de 1961 
  • Gage, Duane (Seronda de 1968), «Al Jennings, the People's Choice», The Chronicles of Oklahoma 46 
  • Patterson, Richard, Historical Atlas of the Outlaw West, Boulder, Colorado: Johnson Books 
  • Scales, James R.; and Danney Goble, Oklahoma Politics: A History, Norman, Oklahoma: University of Oklahoma Press 
  • Shirley, Glenn, West of Hell's Fringe: Crime, Criminals, and the Federal Peace Officer in Oklahoma Territory, 1889-1907, Norman, Oklahoma: University of Oklahoma Press 
  • Shirley, Glenn, Temple Houston: Lawyer with a Gun, Norman, Oklahoma: University of Oklahoma Press 
  • Shirley, Glenn, The Fourth Guardsman: James Franklin "Bud" Ledbetter, 1852-1937, Austin, Texas: Eakin Press 
  1. 1,0 1,1 Afirmao en: Find a Grave. Identificador Find a Grave: 8036563. Apaez como: Al Jennings. Data de consulta: 9 ochobre 2017. Llingua de la obra o nome: inglés.
  2. URL de la referencia: https://plus.si.cobiss.net/opac7/conor/225389923.
  3. Niver, Kemp R., Bergsten, Bebe, ed., Motion Pictures From The Library of Congress Paper Print Collection 1894-1912, University of California Press, p. 169 
  4. Wallis, Michael (2000). The Real Wild West: The 101 Ranch and the Creation of the American West. Macmillan, páx. 378–379. ISBN 978-0-312-26381-2.
  5. Wishart, David J. (2004). Encyclopedia of the Great Plains. University of Nebraska Press, páx. 257. ISBN 978-0-8032-4787-1.

Enllaces esternos[editar | editar la fonte]