Ain (estrella)
Coordenaes: 4h 28m 36.999s, 19° 10′ 49.545″
Ain (ε Tau / ε Tauri / 74 Tauri)[6] ye una estrella asitiada na constelación de Tauru que pertenez al cúmulu abiertu de les Híades. Tamién ye conocida como Oculus Borealus, que significa'l güeyu». La so magnitú aparente ye +3,53.
Asitiada a 155 años lluz del Sistema Solar, Ain pertenez al tipu espectral G9.5III y ye una de los cuatro xigantes naranxes de les Híades, siendo les otres Hyadum I (γ Tauri), Hyadum II (δ1 Tauri) y θ1 Tauri. Tien una lluminosidá de 73 soles y el so radiu ye 13 vegaes mayor que'l radiu solar. La temperatura superficial d'esta estrella algama los 4925 K. Al igual qu'otres estrelles del cúmulu, el conteníu de metales de Ain ye un 40% mayor que nel Sol. La so masa, unes 2,7 vegaes la masa solar, dexa envalorar la so edá según la del conxuntu de les Híades nunos 650 millones d'años.[7]
Sistema planetariu[editar | editar la fonte]
En 2007 afayóse un planeta estrasolar masivu orbitando en redol a Ain. El planeta completa'l so órbita —hasta ciertu puntu escéntrica— cada 1,6 años. Foi'l primer planeta descubiertu nuna estrella d'un cúmulu abiertu.[8] Xuntu a Pólux (β Geminorum) ye una de los dos xigantes visualmente brilloses onde se conoz la esistencia de planetes.[7]
Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
---|---|---|---|---|
Ain b | > 7,6 ± 0,2 | 594,9 ± 5,3 | 1,93 ± 0,03 | 0,151 ± 0,023 |
Ver tamién[editar | editar la fonte]
Referencies[editar | editar la fonte]
- ↑ 1,0 1,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ 2,0 2,1 Afirmao en: Gaia DR2. Llingua de la obra o nome: inglés. Data de publicación: 25 abril 2018.
- ↑ «Directly determined linear radii and effective temperatures of exoplanet host stars» (n'inglés). The Astrophysical Journal (2): páxs. 1085–1098. 23 marzu 2009. doi: .
- ↑ Afirmao en: VizieR. Llingua de la obra o nome: inglés.
- ↑ 5,0 5,1 «Stellar parameters and chemical abundances of 223 evolved stars with and without planets» (n'inglés). Astronomy and Astrophysics: páxs. 50–50. 26 xineru 2015. doi: .
- ↑ Epsilon Tauri (SIMBAD)
- ↑ 7,0 7,1 Ain (Stars, Jim Kaler)
- ↑ «Epsilon Tau». The Estrasolar Planets Encyclopaedia. Consultáu'l 2 de setiembre de 2007.