Agustín González Sánchez
Agustín González Sánchez | |
|---|---|
| Vida | |
| Nacimientu | 1945 |
| Nacionalidá |
 España |
| Muerte | 9 de xunu de 2014 (68/69 años) |
| Estudios | |
| Llingües falaes | castellanu |
| Oficiu | políticu |
| Creencies | |
| Partíu políticu | Partido Popular |
 | |
Agustín González Sánchez (1945 – 9 de xunu de 2014), foi un políticu asturianu, alcalde d'Avilés depués de que'l Partíu Popular venciese por primer vez nes eleiciones a conceyu celebraes en 1995.
El so gobiernu en minoría enfrentóse a numberosos pilancos como la falta de presupuestos demientres cuatro años y la crisis del Partíu Popular n'Asturies que-y torgó l'apoyu que-y brindó'l gobiernu de Sergio Marqués.
Demientres el so mandatu, llogró la rehabilitación del estadiu Román Suárez Puerta, la reurbanización de los barrios de La Carriona y Versalles o la construcción d'un centru comercial n'El Vallín, amás d'entamar les obres d'urbanización del Parque Empresarial Principáu d'Asturies, ente otros llogros.
El deterioru del so grupu municipal, la crisis rexonal y la perda del mercáu selmanal de ganaos provocaron que perdiere les eleiciones a conceyu de 1999. Dempués de cuatro años na oposición, abandonó la política activa.
| Predecesor: Santiago Rodríguez Vega |
 Alcalde d'Avilés 1995- 1999 |
Socesor: Santiago Rodríguez Vega |