Agrupación Serrana Independiente

Agrupación Serrana Independiente
Agrupación Serrana Independiente
Sede	Santibáñez de la Sierra
Estáu	España

Agrupación Serrana Independiente (ASI) ye un grupu de persones que constituyeron una candidatura a les eleiciones municipales celebraes n'España el 22 de mayu de 2011, pal municipiu salmantín de Santibáñez de la Sierra, inscrita nel rexistru de la Xunta Eleutoral de Zona de Béjar.

Formada por Francisco Aguadero Fernández, José Carlos Martín Sánchez, Francisco Javier Martín Maíllo y Eloy Nieto Panchuelo, la Agrupación Serrana Independiente (ASI) obtuvo la mayoría absoluta nel Conceyu de Santibáñez de la Sierra, con 95 votos ya'l 52,78 % de los sufraxos, frente a los 51 votos ya'l 28,33 % pal PP y los 31 votos ya'l 17,22 % de sofitu eleutoral pal PSOE.

Estos resultaos traduxéronse, pol sistema eleutoral de llistes abiertes vixente nos conceyos de menos de 250 habitantes (grupu nel que Santibáñez de la Sierra alcuéntrase actualmente, al cuntar con 233 habitantes en 2010), na eleición de 4 conceyales integrantes de l'Agrupación Serrana Independiente por 1 conceyal de los que se presentaben baxo les sigles del Partíu Popular y que, curiosamente, nun yera'l cabezaleru de llista. El Partíu Socialista Obreru Español nun tuvo representación nel conceyu serranu.

La nueche del 11 de xunu de 2011, constituyóse'l Conceyu de Santibáñez de la Sierra pa la llexislatura 2011-2015, siendo nomáu Francisco Aguadero Fernández, de l'Agrupación Serrana Independiente, nuevu alcalde de Santibáñez de la Sierra.

Referencies[editar | editar la fonte]

Enllaces esternos[editar | editar la fonte]