Aeropuertu de la Islla de Man
| Aeropuertu de la Islla de Man | |
|---|---|
| aeropuertu y aeródromu de tráficu comercial | |
 | |
| Llocalización | |
| Asentamientu humanu | Ronaldsway (en)  |
| Coordenaes | 54°05′00″N 4°37′26″W / 54.0833°N 4.6239°O |
  Aeropuertu de la Islla de Man Aeropuertu de la Islla de Man (Islla de Man) | |
| Altitú | 15,8 m |
| Historia y usu | |
| Xestión |
Department of Infrastructure (en) |
| Orixe del nome |
Islla de Man Ronaldsway (en) |
| Aeropuertu | |
| Ciudá a la que sirve |
Islla de Man y Asociación de fútbol de Isla de Man (es) |
| Web oficial | |
 | |
L'Aeropuertu de la Islla de Man (IATA: IOM, OACI: EGNS) (tamién conocíu como Ronaldsway Airport) ye'l principal aeropuertu civil de la Islla de Man. Ta alcontráu al sur de la islla, en Ronaldsway cerca de Castletown, 6 milles al suroeste de Douglas, capital de la Islla de Man. L'aeropuertu tien vuelos regulares al Reinu Xuníu, Irlanda, Suiza y les Islles de la Canal.
Historia[editar | editar la fonte]
Ronaldsway foi utilizáu per primer vegada como aeródromu en 1929 con un serviciu de pasaxeros col Reinu Xuníu; empezando en 1933, a ser operáu por Blackpool y West Coast Air Services (dempués West Coast Air Services). Más tarde, Aer Lingus y Railway Air Services (RAS) punxeron nuevos vuelos en 1934. Dende 1937 les operaciones de RAS a la islla más grande del Reinu Xuníu fueron tresferíes a Isle of Man Air Services. Nuna ampliación del aeropuertu Ronaldsway executada en 1936, los obreros afayaron una gran tumba que creíen podía contener los restos de los soldaos muertos na Batalla de Ronaldsway en 1275.
Segunda Guerra Mundial[editar | editar la fonte]
RAF Ronaldsway[editar | editar la fonte]
L'aeródromu taba baxu control de la Royal Air Force al empiezu de la Segunda Guerra Mundial. Conocíu como RAF Ronaldsway, foi unu de los pocos aeródromos que siguió funcionando pa vuelos civiles mientres el periodu bélicu.
L'aeródromu tamién foi utilizáu pol escuadrón nº 1 de GDGS (Escuela de Defensa Terrestre y Tiru) dirixendo aviones Westland Wallace, que les sos defenses disparar dende los campos de tiru de la Islla St. Michael (Fort Island) y de Santon Head.
Les operaciones de la RAF siguieron hasta 1943 cuando l'aeropuertu foi apurríu al Almirantazgo por que fuera desenvueltu como una estación d'entrenamientu de la seición de la Fuercia Aérea de la Flota.
HMS Urley[editar | editar la fonte]
La plataforma naval aérea, RNAS Ronaldsway, foi retirada del aeropuertu pola comisión en 1943 mientres siquier doce meses pa un desarrollu importante. Nel branu de 1944 l'aeródromu evolucionara dende una área d'aterrizaxe de yerba con dellos hangares hasta un aeropuertu de cuatro pistes cola infraestructura p'agospiar y operar tres escuadrones d'entrenamientu usando los bombarderos y anti-submarinos Barracuda.
Renombráu como HMS Urley (Manx de Águila) retomó les operaciones del almirantazgo nel branu de 1944, el principal papel del aeropuertu yera ser una activa plataforma d'aviones torpederos. El destacamentu 1 de la OTU consistente nos escuadrones 710, 713 y 747, compartió operaciones cola Fuercia Aérea de la Flota hasta'l cese de les hostilidaes en 1945.
Post-guerra[editar | editar la fonte]
L'aeropuertu volvió funcionar pa vuelos civiles darréu dempués del conflictu, pero l'aeropuertu permaneció en posesión del almirantazgo hasta que foi vendíu al gobiernu de la Islla de Man por 200.000 llibres esterlines en 1948, bien lloñe del millón de llibres esterlines que'l Gobiernu del Reinu Xuníu gastara nes edificaciones y pistes del aeropuertu, más les 105.000 llibres esterlines que pagó'l almirantazgo en 1943 p'adquirir el llugar.
El Muséu Militar y de l'Aviación de Man ta asitiáu xunto al aeropuertu y ufierta exhibiciones ya información sobre la historia de l'aviación na isla.
Ampliación[editar | editar la fonte]
Un proyeutu diseñáu por Ellis Brown Architects empezó en payares de 1998 p'ampliar l'aeropuertu y ameyorar les instalaciones empobinaes a los pasaxeros. En marzu de 2000 inauguróse l'ampliación, apurriendo una nueva área de restoranes, otra de llegaes, una sala de recoyida d'equipaxes y una sala d'embarque. Les partes yá esistentes del aeropuertos fueron reestructuraes p'apurrir una meyora de les instalaciones de facturación y oficines, xuníu a una nueva entrada al aeropuertu. Mientres el periodu d'ampliación y renovación, tamién se remocicó la escultura carauterística qu'afataba la fachada del aeropuertu, los trés piernes de Man.
En marzu de 2006 Tynwald garantizó la estensión p'amontar el númberu de puertes d'embarque, trabayando na so conclusión hasta branu de 2007.
N'abril de 2008 Tynwald garantizó una mayor estensión de pista y un proyeutu de reasfaltado del aeropuertu. La pista sería estendida en 245 metros dientro del mar d'Irlanda cola construcción d'un puexu predresu. Esto ye parte del plan de 44 millones de llibres esterlines que tamién incluyía'l reasfaltado de la pista mientres el branu de 2008 y el programa d'espansión empezaría en primavera de 2008 y espérase que tea concluyíu n'avientu de 2009. Los directivos del aeropuertu negaron que la espansión tea enfocada al usu de la pista per parte d'aviones pesaos nel futuru. El reasfaltado y l'espansión va empuesta a cumplir colos últimos estándares de seguridá internacional.[1]
Aereollinies y destinos[editar | editar la fonte]
| Aereollinies | Destinos
|
|---|---|
| Aer Lingus Rexonal operáu por Stobart Air |
Dublín |
| British Airways operáu por BA CityFlyer |
Temporal: Londres-City |
| British Airways operáu por Eastern Airways para BA CityFlyer |
Londres-City |
| Citywing operáu por Van Air Europe |
Belfast-City, Glasgow, Gloucestershire, Newcastle Temporal: Xerséi |
| easyJet | Bristol, Liverpool, Londres-Gatwick |
| Flybe | Temporal: Xinebra |
| Flybe operáu por Stobart Air |
Birmingham, Liverpool, Mánchester |
Estadístiques[editar | editar la fonte]
En 2007 pasaron pol aeropuertu 753,894 pasaxeros, un 4.0% menos qu'en 2006, añu en que foi de 785,042.[2] La carga aérea nel aeropuertu algamó'l so récor a finales de los 90 hasta algamar les 4,000 tonelaes al añu, sicasí la quiebra d'Emerald Airways supunxo una significativa reducción de carga y en 2007 namái 533 tonelaes pasaron pol aeropuertu.[3]
Tresporte terrestre[editar | editar la fonte]
Esisten servicios de bus proporcionaos por Tresporte de la Islla de Man y les rutes 1 y 2 lleguen a Douglas, Castletown, Port Erin y otros destinos que coneuta l'aeropuertu con estos destinos cada hora, y cada media hora n'hora punta.[4] El Isle of Man Railway tamién para na estación de Ronaldsway, faciendo posible la oportunidá única de viaxar a un aeropuertu de les Islles Britániques con una llocomotora de vapor.
Ver tamién[editar | editar la fonte]
- Aeródromu de Andreas, na Islla de Man
Referencies[editar | editar la fonte]
- ↑ Tynwald aprueba'l proyeutu de la pista
- ↑ =88&sglid=3&fld=2007 Anuariu d'estadístiques de los aeropuertos de UK - anuariu
- ↑ CAA Estadístiques d'Aeropuertu - Carga aérea de 1997 a 2007 Archiváu el 17 de marzu de 2009 na Wayback Machine.
- ↑ Programación de buses y trenes de la Islla de Man - iombusandrail.info
Enllaces esternos[editar | editar la fonte]
| Control d'autoridaes |
|
|---|
Datos: Q9001
Multimedia: Isle of Man Airport