Saltar al conteníu

Aeródromu de Llamorgal

Coordenaes: 43°25′50″N 5°49′37″W / 43.4306°N 5.8269°O / 43.4306; -5.8269
De Wikipedia
Aeródromu de Llamorgal
aeropuertu
OACI: LEMR
Llocalización
País España
Autonomía Principáu d'Asturies
Provincia provincia d'Asturies
Conceyu Llanera
Coordenaes 43°25′50″N 5°49′37″W / 43.4306°N 5.8269°O / 43.4306; -5.8269
Aeródromu de Llamorgal alcuéntrase n'Asturies
Aeródromu de Llamorgal
Aeródromu de Llamorgal
Aeródromu de Llamorgal (Asturies)
Historia y usu
Apertura1942
Ciudá a la que sirve Principáu d'Asturies
Web oficial
Cambiar los datos en Wikidata

L'Aeródromu de Llamorgal (OACI: LEMR) ta allugáu na parroquia de Llugo, conceyu de Llanera, Asturies.

Cuenta con una pista d'aterrizaxe de 1000m (con una desplazada de 70m na testera 28) y una pista-helipuertu con 5 puestos. Ta dedicáu a l'aviación comercial (aerotaxi y de formación) y deportiva. Ye la base dellos helicópteros del serviciu d'Emerxencies 112 Asturies.

Historia[editar | editar la fonte]

Dempués de dellos intentos de construir un aeropuertu nel Principáu, nel añu 1934 se decidió l'instalación d'esti en Llanera, si bien la guerra civil que principió 2 años dempués, foi la causa de qu'esi aeródromu nun s'acabara hasta 1942, anque demientres la guerra yá s'usara como aeródromu eventual. Nel 1942 entamó la so actividá, contando per aquel entoncies con dos pistes cruciaes en tresversal (la pista 10/28 actual y la 01/19) amás del actual hangar.

Nel añu 1952 ficiéronse diverses obres col envís d'adautar l'aeródromu a les operaciones civiles, s’amplio la pista 10/28 y construyóse una plataforma y una cai de xunión (ambes de formigón) cola pista al sur d'esta. (aínda puen vese, formando parte del actual aparcamientu del campu de golf. Los primeros vuelos comerciales fizolos la compañía AVIACO con aviones Bristol 170 (llueu tamién usaríen otros aviones como'l venerable DC-3), siendo los destinos Madrid, Barcelona, Bilbao y Vigo.

En 1963, debíu a que pol allugamientu del aeródromu de vezu había borrines, decidióse zarralu al tráficu comercial, dexando Asturies ensin vuelos comerciales fasta'l 18 de xunu de 1968 cola inauguración del actual Aeropuertu d'Asturies.

Dende 1963 hasta mediaos de los años 80, tuvo usu militar pol Exércitu del Aire y d'aviación civil, siendo cedíu al Principáu d'Asturies, por nun ser d'interés nacional, pasando a ser competencia del gobiernu autonómicu.

Nos años 90 fízose un cambiu radical nel aeródromu, desaniciando la pista 01/19, ampliando la pista 10/28 al tamañu actual, y construyendo un puestu pa helicópteros na xunión de la pista suprimida cola plataforma. El restu de la superficie ocupada pol aeródromu dedicóse a distintos usos, tanto deportivos como pa instalaciones del serviciu d'Emerxencies 112.

Nel 2006, debíu al incrementu de l'actividá del 112, s’entamó l'ampliación de la zona usada polos helicópteros, pasando les puestos de 1 a 5, y una pista de yerba (04/22) con un puestu nel centru).

Güei l'aeródromu ta dedicáu a l'aviación deportiva y a la formación (llixera y ultrallixera), aerotaxi, Guardia Civil, DGT (en branu) y Bomberos d'Asturies.


Polémicu futuru[editar | editar la fonte]

El gobiernu autonómicu, amosó en munches ocasiones la so intención de desaniciar l'aviación de los terrenos (a esceición del 112, G.C. y emerxencies). A mediaos de los años 90, llegóse a recortar la pista a sólo 500 m, anque finalmente pudo ampliase al tamañu actual. Tamién el trazáu de l'AS-II a unos 250 m. de la testera 28 y la posible instalación d'un circuitu a menos de 200m de la testera 10, asina como la situación de la cai de rodaxe ente la pista y la plataforma, na testera 10, amuesen el desinterés pol aeródromu, inda incumpliendo la normativa OACI. Nel añu 2010 espublizóse l'Estudiu de desarrollu del Área Central del Principáu d'Asturies, nel que se propón el desaniciu del Aeródromu col envís d'aumentar el tamañu de los polígonos industriales de la redolada.[1]

Curiosidaes[editar | editar la fonte]

Ye l'aeródromu cola segunda pista d'asfaltu con mayor anchor d'España (35m), por detrás del Aeródromu de Rozas (LERO).

Resume[editar | editar la fonte]

Ficha del aeródromu de Llamorgal
Nome: Aeródromu de Llamorgal
ICAO: LEMR
Tipu: Públicu
Dueñu: Gobiernu del Principáu d'Asturies
Operador: Dengún
Ciudá: Posada de LLanera
Llugar: Llanera
Inauguráu: 1942
Elevación: 540 ft (pies)
164.66 m
Pistes:
Direición Llonxitú Superficie
10/28 930/1000 m
3051 ft
Asfaltu
04H/22H Helipuertu Yerba
4 puestos formigón
1 puestu Asfaltu
Web tematico.asturias.es/juvedep/deportes/instalaciones/morgal/aero.htm

Referencies[editar | editar la fonte]

Enllaces esternos[editar | editar la fonte]