Adamus Scotus

De Wikipedia
Saltar a navegación Saltar a la gueta
Adamus Scotus
Adamus Scotus
abá

Vida
Nacimientu 1140
Nacionalidá Reinu d'Inglaterra
Fallecimientu

20  de marzu de 1212

(71/72 años)
Estudios
Llingües Llatín
Oficiu
Oficiu escritor y teólogu
Creencies
Relixón Ilesia Católica
Orde relixosa Orden de los Cartujos Traducir
Cambiar los datos en Wikidata

Adam Scott, tamién llamáu Adamus Anglicus, Adamus Premostratensis, Adam de Dryburgh y Adam el Cartuxu (1127 o 1140, - 1212) foi un relixosu angloescocés, monxu premostratense de la abadía de Dryburgh y depués cartuxu, predicador, teólogu y escritor relixosu.

Nació na área fronteriza d'Escocia (Northumberland y Scottish Borders) y probablemente foi alumnu de Hugo de San Víctor. Tuvo na abadía de Dryburgh como monxu premonstratense y coaxutor de los sos dos primeros abás Roger y Gerard y ente 1184 y 1188 foi abá él mesmu; d'ende pasó a Francia, a la comuña de Prémontré, na Picardía, ya impresionáu pola visita que fixo al conventu cartuxu de Val Saint-Pierre de Vervins, arrenunció a la so abadía en Dryburgh y, siguiendo los pasos del abá Roger, primer abá de Dryburgh, qu'ingresara na abadía de Val Saint-Pierre en 1177, resolvió camudar d'orde monástica faciéndose cartuxu; Adam volvió a Gran Bretaña y visitó a Hugo de Lincoln, obispu de Lincoln, ya ingresó na cartuxa de Whitam (Somerset). Los premonstratenses trataron de faelo volver, pero foi en devanéu.

De calter allegre, elocuente y posesor d'una portentosa memoria, foi un predicador famoso y refecho, del que queda un centenar de sermones y numberosos trataos ascéticos y místicos, en que ye sensible l'influxu de San Bernardo. Ente los sos trabayos más conocíos tán De tripartitu tabernaculo, escritu en Dryburgh en 1180, y Liber de quadripartito exercitio cellae, escritu en Witham. Les sos obres fueron publicaes pro vez primer por Egídio Gourmont en París, 1518.

Obres[editar | editar la fonte]

  • De tripertito tabernaculo, 1180.
  • De quadripertito exercitio cellae