Acrocephalus scirpaceus

De Wikipedia
Saltar a navegación Saltar a la gueta
18-11-2007 00:00
Map marker icon – Nicolas Mollet – Birds – Nature – white.png Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Carricera
Carricerocomun.jpg
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Sylviidae
Xéneru: Acrocephalus
Especie: A. scirpaceus
Herman, 1804
[editar datos en Wikidata]

La carriceraCOA (Acrocephalus scirpaceus) ye un ave de la familia Sylvidae, de 13 cm de llargor y unos 12 g de pesu, con mantu de tonos marrones monótonos, ceya y partes inferiores de color crema y nala apuntiada. A güeyu ye bien mala d'estremar de A. palustris y de A. dumetorum. Sicasí, na mano o escuchando'l so cantar son fácilmente estremables naquellos llugares onde les sos árees de distribución asolápense.

Añera preferentemente en xuncleres a veres de llagos, ríos y canales anque tamién pueden faelo na vexetación axacente, como'n salgueres, blimales, etc. Aliméntase d'inseutos y les sos canesbes, arañes y dacuando de granes, frutos y flores. Cría de mayu a agostu n'Europa y d'abril a xunetu n'África. Monógames, añeren formando amestaos por cuenta de la distribución de los carrizales. Los ñeros, construyíos cuasi puramente poles femes con fueyes ya inflorescencies cortaes de carrizu y otres yerbes, consisten nuna copa fonda d'unos 6 cm de diámetru que se topen suspendíos por dellos tarmu de carrizu sobre agües pocu fondes. La fema pon 4 güevos que guaren dambos proxenitores mientres pocu más de 10 díes. Los pollos independícense 15 díes dempués d'abandonar el nial.

Nial de carricera.

Ye un ave migradora que tien los sos cuarteles d'iviernu nel África subsaḥariana. Los adultos empiecen a abandonar les árees de cría a finales de xunetu, primero que los xuveniles. La mayor parte de les poblaciones migren a finales d'agostu, estendiéndose'l pasu hasta principios d'ochobre.

Nun s'atopa globalmente amenazada, siendo común en tola so área de distribución. La población europea envalórase nunos 4 millones de pareyes, con más de mediu millón de pareyes en Suecia, país onde más abonda. N'España les poblaciones menguaron nos últimos años por cuenta de la perda d'hábitat.

Carricero común.

Subespecies[editar | editar la fonte]

  • Acrocephalus scirpaceus scirpaceus ocupa la zona más occidental de la distribución de la especie: Europa hasta Crimea y norte d'África.
  • Acrocephalus scirpaceus fuscus ocupa la zona más oriental de la distribución: Xipre, Asia Menor hasta'l noroeste de China.

Bibliografía[editar | editar la fonte]

  • Bruun, Bertel (1979). The Hamlyn guide to birds of Britain and Europe, Traducíu por José Fortes Fortes, Omega. ISBN 84-282-0242-7.
  • {{{autor}}} (2006). «Family Sylviidae (Old World warblers)», Handbook of the birds of the world (n'inglés). Lynx Edicions. ISBN 84-96553-06-X.
  • Harrison, Colin (1977). A field guide to the nests, eggs and nestlings of European birds with North Africa and the Middle East, Traducíu por Jaume Xampeny, Omega. ISBN 84-282-0473-X.
  • Heinzel, Hermann (1981). The birds of Britain and Europe with North Africa and the Middle East, Traducíu por Jaime Xampeny, Omega. ISBN 84-282-0424-1.

Enllaces esternos[editar | editar la fonte]