Acrocephalus paludicola

De Wikipedia
Acrocephalus paludicola
carricín ceyudu
Estáu de caltenimientu
Vulnerable (VU)
Vulnerable (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Sylviidae
Xéneru: Acrocephalus
Especie: A. paludicola
(Vieillot, 1817)
Distribución
Sinonimia
  • Acrocephalus aquaticus[2]
Consultes
[editar datos en Wikidata]

Les especies d'aves con nome común en llingua asturiana márquense como NOA. En casu contrariu, conséñase'l nome científicu. El carricín ceyudu[3] (Acrocephalus paludicola) ye una ave de la familia Sylviidae qu'habita n'Eurasia y África.

Descripción[editar | editar la fonte]

Ye un páxaru de pequeñu tamañu, con un llargor mediu de 12,5 cm.[4] Los machos y femes presenten un aspeutu asemeyáu, con una coloración de tonos pardos nel llombu con llistes irregulares escures, ente que'l banduyu ye ablancazáu llixeramente motudu. Recibe'l so nome común pol patrón de color de la so tiesta, que presenta dos franxes anches y escures nos llaterales del pileu, paraleles a les sos llistes oculares. El so picu ye estrechu y apuntiáu. Los xuveniles amuesen un color xeneral ocre, llistáu nes partes cimeres y ensin marques nes inferiores.

Puede tracamundiase colos xuveniles de la Carricera les xunqueresNOA, que tamién presenten franxes asemeyaes na tiesta, pero les manches son más escuros nos carricinos ceyudos y la so coloración xeneral ye más pálida, y en vuelu la so cola paez más apuntada.

Distribución y hábitat[editar | editar la fonte]

Cría na zona templada d'Europa oriental y Asia occidental y central, onde s'envalora qu'esiste una población d'unes 15.000 pareyes. El so bastión principal alcuéntrase en Bielorrusia au s'atopa'l 70% de la población total. Ye una ave migratoria que pasa l'iviernu n'África occidental.Tres munchos años d'incertidume atoparon los cuarteles d'ivernada de la mayoría de la población europea de carricerín ceyudu nel parque nacional de les aves de Djoudj, Senegal, onde moren ente 5-10.000 carricinos nun solu llugar.[5] Na so ruta migratoria sudoccidentаl pasa por península Ibérica.

Na dómina de cría'l so hábitat son los banzaos con vexetación curtia, como les blimales, y otros yerbazales húmedos.[4] Mientres la migración apaez en toa clase de medios húmedos.[4]

Comportamientu[editar | editar la fonte]

Acrocephalus paludicola

Ye principalmente insectívoru pero va completar la so dieta con alimentos vexetales como les bagues.

Ye una especie promiscua y tantu los machos como les femes apáriense con más d'una pareya.[6] Ponen de 3 a 5 güevos nun nial escondíu ente la vexetación baxa.

Amenaces[editar | editar la fonte]

La desecación de les zones húmedes con fines agrícoles ye la principal razón pal cayente d'esta especie, que'l so estáu de caltenimientu na Llista Colorada de la UICN considérase como vulnerable.

Referencies[editar | editar la fonte]

  1. ↑ BirdLife International (2008). Acrocephalus paludicola. 2006 Llista Roxa d'Especies Amenazaes IUCN. IUCN 2006. Consultáu'l 6 d'ochobre de 2010.
  2. ↑ Acrocephalus paludicola en Biolib
  3. ↑ URL de la referencia: http://www.sabencia.net/nomenclator.php.
  4. ↑ 4,0 4,1 4,2 Beaman, M. y Madge, S. (1998) Guía d'identificación de les aves d'Europa, norte d'África y próximu oriente. P. 655-656. Ed. Omega ISBN 84-282-0946-4
  5. ↑ Una espedición resuelve'l misteriu del carricerín ceyudu en BirdLife International (n'inglés)
  6. ↑ Leisler & Wink 2000

Bibliografía[editar | editar la fonte]

  • Gorman, Gerard (1996): The Birds of Hungary. Helm (A&C Black) London. ISBN 0-7136-4235-1.
  • Leisler, B. y Wink, Michael (2000): Frequencies of multiple paternity in three Acrocephalus species (Aves: Sylviidae) with different mating systems (A. palustris, A. arundinaceus, A. paludicola). Ethology, Ecology & Evolution 12: 237-249. PDF con testu completu

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Acrocephalus_paludicola&oldid=4110796»