Acanthorhynchus tenuirostris

De Wikipedia
18-11-2005 00:00

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Acanthorhynchus tenuirostris
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Meliphagidae
Xéneru: Acanthorhynchus
Especie: A. tenuirostris
(Latham, 1802)
Subespecies[1]
  • Acanthorhynchus tenuirostris cairnsensis (Mathews), 1912
  • Acanthorhynchus tenuirostris dubius (Gould), 1837
  • Acanthorhynchus tenuirostris halmaturinus (Campbell), 1906
  • Acanthorhynchus tenuirostris tenuirostris (Latham, 1802)
Consultes
[editar datos en Wikidata]

Acanthorhynchus tenuirostris ye una ave de la familia de los melífagos autóctonu del este d'Australia.

Taxonomía[editar | editar la fonte]

Orixinalmente describióse como Certhia tenuirotris pol ornitólogu John Latham en 1802,[2] Dempués inscribióse-y nel pequeñu xéneru Acanthorhynchus (Gould, 1837)

El nome xenéricu deriva de la traducción al griegu del so nome común n'inglés (Eastern Spinebill): acantho-/ακανθο- "spine" "escayu" y rhynchos/ρυνχος "bill" "picu".[3] El so nome específicu vien del llatín: tenuis "estrechu" and rostrum "picu".

Apocayá los analises d'ADN demostraron que ta rellacionáu a los pardalótidos, y a los Petroicidae dientro de la superfamilia Corvida; dellos investigadores consideren toes estes families dientro de la de los córvidos.

Descripción[editar | editar la fonte]

Ye una ave pequeña, mide de 13 a 16 cm de llargu. El machu tien un picu llargu, finu, y curvaú escontra baxo. La cabeza ye de color negru, con gargüelu blancu, colloráu alredor del güeyu, y iris coloráu tamién. El so cogote ye de color marrón acoloratáu, el so envés ye gris y marrón, y el banduyu ye d'un pálidu color anaranxáu. La so cola ye negra con franxes llaterales blanques.

Les femes y los xuveniles son más pequeños y de plumaxe más apagáu.

El so reclamu ye un rápidu pip-pip.[4]

Distribución y hábitat[editar | editar la fonte]

Alcuéntrase, como yá se dixo, nel este d'Australia, sobremanera na franxa costera; dende la zona de Cooktown en Queensland Norte, escontra'l sur al traviés de Nueva Gales del Sur al este de la Gran Cordal Divisoriu; y llegando pel sur a los estaos de Victoria y d'Australia Meridional. Tamién se-y pue atopar na islla de Tasmania.[5]

El so hábitat son les viesques d'esclerófilos y zones de carba xerófito. Ye abondo adautable y habita xardinos y parques n'árees urbanes con abonda vexetación p'actuar como abellu y fonte d'alimentu.

Los sos númberu globales de población son desconocíos pero envalórase que ye una especie numberosa y ensin problemes nin amenaces que faigan peligrar la so población.[6]

Reproducción[editar | editar la fonte]

La temporada de cría ye d'agostu a avientu, pudiendo tener una o dos niaraes.

El nial tien una estructura de copa fonda; y ta fechu de yerba y corteza rellenáu con plumón. Suel asitiase en dalguna forqueta d'un arbustu o un pequeñu árbol.

Ponen de 2 a 3 güevos. Éstos son de color rosaceu con manches y puntos d'un marrón acoloratao. Miden aproximao 17 x 13 mm.[7]

Alimentación[editar | editar la fonte]

Aliméntase del néctar de munches plantes, incluyendo les flores de los ocalitos, d'especies del xéneru Amyema, de Epacris longiflora,[8] Epacris impressa, Correa reflexa; y dellos miembros de les proteacees como Banksia ericifolia,[9] Banksia integrifolia, Lambertia formosa y Grevillea speciosa, lo mesmo que de munchos pequeños inseutos y otros invertebraos.

En 1982 un estudiu nel Parque Nacional Nueva Inglaterra atopó qu'había un gran aumentu de l'arribación d'estes aves al parque coincidiendo col empiezu del floriamientu de Banksia spinulosa.[8]

Tamién s'atopó que s'alimenten de plantes exótiques como les Fuchsies.[5]

Referencies[editar | editar la fonte]

  1. «Nomes válidos» (inglés). Consultáu'l 19 d'ochobre de 2008. «Zoonomen»
  2. Latham, J. (1802). Supplementum Indicis Ornithologici, sive Systematis Ornithologiae. Londres: G. Leigh, J. & S. Sotheby 74 pp. [36]
  3. Liddell, Henry George y Robert Scott (1980). A Greek-English Lexicon (Abridged Edition). United Kingdom: Oxford University Press. ISBN 0-19-910207-4.
  4. Simpson K, Day N, Trusler P (1993). Field Guide to the Birds of Australia. Ringwood, Victoria: Viking O'Neil, páx. 392. ISBN 0-670-90478-3.
  5. 5,0 5,1 Australian Museum (2006). «Bird Finder - Eastern Spinebill». Birds in Backyards. Australian Museum. Consultáu'l 19 d'ochobre de 2008.
  6. «Acanthorhynchus tenuirostris». Consultáu'l 19 d'ochobre de 2008. «IUCN»
  7. Beruldsen, G. (2003). Australian Birds: Their Nests and Eggs, páx. 327. ISBN 0-646-42798-9.
  8. 8,0 8,1 Ford HAI & Pursey JF. (1982) Status and feeding of the Eastern Spinebill Acanthorhynchus tenuirostris at the New England National Park, North-eastern NSW. Emu 82(4) 203 - 211
  9. Paton, D.C.; V. Turner (1985). «Pollination of Banksia ericifolia Smith: Birds, mammals and insects as pollen vectors». Australian Journal of Botany 33 (3):  páxs. 271–286. doi:10.1071/BT9850271. 

Enllaces esternos[editar | editar la fonte]