Aber

Aber
pallabra

Un aber ye una pallabra celta que significa «estuariu» o «desaguada d'un ríu», y que describe un accidente xeomorfolóxicu asemeyáu a una ría (pallabra gallega). Designa la desaguada d'un valle d'un ríu anubiertu pel mar. La xeografía internacional usa preferentemente la pallabra «ría», anque en Francia (en bretón) y nel País de Gales (en galés) tamién s'usa'l términu «aber».

A diferencia d'un fiordu —que ye fondu y de serrapatoses fasteres llaterales porque lu tayó un glaciar (falar de profundización glaciar, porque un glaciar ye capaz d'escavar per debaxo del nivel de la mar)—, un aber designa un valle non glaciar d'un ríu costeru anubiertu pola elevación del nivel del mar.

Los nomes de llugares con «aber» son bien comunes en delles partes del Reinu Xuníu, como en Gales y na mariña este d'Escocia, y en menor midida Cornualles, y en Bretaña.

Exemplos d'abers

Les costes nes que s'usa'l términu aber son, principalmente, la mariña bretona, la irlandesa y la galesa, anque la mariña atlántica de Norteamérica, ente Nueva York y el cabu Hatteras, tamién ye una mariña d'abers o ríes.

Reinu Xuníu

Nel Reinu Xuníu, cuantimás en Gales, munches ciudaes costeres tienen nomes formáu pol prefixu «aber» y el nome d'un ríu, como:

• en Gales, Aberaeron, Aberarth, Abercarn, Aberdare, Aberffraw, Aberdaughleddau, Aberffraw, Abergavenny, Abertawe (Swansea), Abertillery o Aberystwyth;
• n' Escocia, Abercorn, Aberdeen o Aberdour, Arbroath;
• n' Inglaterra, Aberplymm (Plymouth, Devon);

Francia

• Abers en Finistère:
  • Aber-Wrac'h (Aber Ac'h);
  • Aber-Benoît (Aber Benniged);
  • Aber-Ildut (Aber Iltud);
  • La rada de Brest tien dellos abers, como los del ríu Élorn y el del ríu Aulne.

• Aber o ría en Côtes-d'Armor:
  • Estuariu del ríu Trieux (que dixebra'l Trégor de Goëlo);

• Aber o ría en Ille y Vilaine:
  • Valle del ríu Rance;

• Aber o ría en Morbihan:
  • Ria del Étel.

Ver tamién

• Ría
• Fiordu
• Estuariu

• en:Aber and Inver (placename elements), artículu de la Wikipedia n'inglés sobre la procedencia de los términos «aber» y «inver» (confluencia d'agües).

Enllaces esternos

• Esta obra remanez de la traducción de Aber de Wikipedia - francés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Datos: Q10747315