Abelardo Suárez Ibaseta

De Wikipedia
Saltar a navegación Saltar a la gueta
Abelardo Suárez IbasetaPicto infobox character.png
Abelardo Suárez Ibaseta.jpg
Vida
Nacimientu Camagüey (es) Traducir1  de xunetu de 1882
Nacionalidá Flag of Spain.svg España
Llingua materna castellanu
Muerte

Getafe13  de febreru de 1959

(76 años)
Estudios
Llingües falaes castellanu
Oficiu
Oficiu pintor
Cambiar los datos en Wikidata

Abelardo Suárez Ibaseta (1  de xunetu de 1882Camagüey (es) Traducir - 13  de febreru de 1959Getafe) foi un capitán de la marina mercante española.

Biografía[editar | editar la fonte]

Fíu de Rosalía Ibaseta Santurio y de Manuel Suárez Rodríguez, capitán d'Infantería entós destináu en Cuba, Abelardo Suárez Ibaseta nació en Puertu Príncipe (actual Camagüey) el 1 de xunetu de 1882. El 22 del mesmu mes y añu foi bautizáu na parroquia mayor d'aquella llocalidá, y na ceremonia celebrada al efeuto impunxéronse-y los nomes d'Abelardo Ignacio Secundino. En pos de los destinos del so padre, la familia retornó a la Península, y el mozu Abelardo llueu sintió la llamada del mar, cursando en Xixón estudios de Náutica tres los cualos llegaron los obligaos viaxes de práutiques, en veleros y vapores, antes de llograr los títulos de pilotu y capitán, algamando esti postreru en mayu de 1904.

Casóse con quien foi la so primer esposa Elvira Fernández, de la que nacieron los sos fíos, Manuel, Gonzalo y Aurelio Suárez. Finada aquella de forma prematura, Abelardo contrái segundes nupcias con Dolores Pico Sánchez, matrimoniu del que nacieron: Alfredo, Benignu, Mª de los Ánxeles, Rosalía, Marcelina y Luciano.

A finales de la década de 1910, treslladar a Barcelona, puertu onde la cabeza de familia faía les escales de más llarga duración, anque la estancia na ciudá condal duró poco tiempu. De vuelta a Xixón, la familia tuvo delles cases consecutives en cais del centru de la ciudá. Mientres dalgún tiempu, en que tuvo desembarcáu, impartió clases d'Inglés nel Colexu de los Xesuites de Xixón.[1]

Pasó la Guerra Civil y los primeros años de la posguerra en Valencia, onde retoma de nuevu la enseñanza como profesor d'inglés. En 1943, la familia se avecinda de Getafe, llocalidá na que finó'l 13 de febreru de 1959, a los 76 años d'edá.

Obra[editar | editar la fonte]

Pintor aficionáu y autodidacta, cultivó per una parte una pintura costumbrista afigurada n'olios y acuareles nos que se representen paisaxes de mariña ya interior, bodegones, costumes y tradiciones populares. Llegó a esponer la so obra nos escaparates del bazar “Casa Masaveu” de la cai Corrida, en 1923, y más palantre, en 1929, nel Atenéu Obreru, al pie del so fíu Aurelio, nuna esposición coleutiva empuesta a recaldar fondos pal edificiu social de la institución.

Tamién cultivó profusamente el dibuxu a llápiz, tinta y color, con una gran dedicación a les temes náutiques: vapores y veleros atracaos y fondiaos, o en plenu navegación, xeres portuaries, etc. Nesti campu del dibuxu foi tamién fiel asonsañador de la obra del so fíu Aurelio.

Notes y referencies[editar | editar la fonte]

Bibliografía[editar | editar la fonte]

  • VV.AA. (2006). Abelardo Suárez Ibaseta : marín y pintor : Gonzalo, Aurelio Suárez, Alfredo. Fundación Alvargonzález.

Referencies[editar | editar la fonte]