A Estierna

De Wikipedia
Saltar a navegación Saltar a la gueta
Blue globe icon.svgA Estierna
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
Conceyu[[Archivu:|20x20px|border|link=|]] Ibias
Partíu xudicial Cangas del Narcea
Tipu d'entidá parroquia d'Asturies
Xeografía
Coordenaes 42°57′N 6°40′O / 42.95°N 6.67°O / 42.95; -6.67Coordenaes: 42°57′N 6°40′O / 42.95°N 6.67°O / 42.95; -6.67
A Estierna alcuéntrase n'Asturies
A Estierna
A Estierna
A Estierna (Asturies)
Demografía
Más información
Estaya horaria UTC+01:00
Cambiar los datos en Wikidata

A Estierna[1][2] (Sisterna en castellanu) ye una parroquia del conceyu asturianu d'Ibias. Ye la más oriental del conceyu, y llenda al norte cola parroquia de Taladriz, al oeste cola de Tormaleo, al sur cola provincia de Lleón y al este cola parroquia de Trabáu, en conceyu Degaña. Tien una estensión de 11,68 km² y una población (INE, 2009) de 32 habitantes. Comprende namái dos nucleos de población: A Estierna y El Vau[3].

Economía[editar | editar la fonte]

Nesta parroquia y nes vecines de Trabáu y El Corralín (dambes de Degaña) tien el so orixe la conocida como "cultura tixileira" o "cultura cunqueira", y la xerga nomada "tixileiru" o "cunqueiru". Anguaño, la mayoría de la so xente ta xubilao.

Población[editar | editar la fonte]

Joseph Fernández recueye nel so llibru "El habla de Sisterna" datos de 1920 del Nomenclátor sobre'l númberu de cases y habitantes. A Estierna con 47 cases y 245 habitantes y El Vau 41 y 199 respeutivamente.

"La gran enciclopedia asturiana" amuesa los datos de la población hacia l'añu setenta. A Estierna 116 habitantes y El Vau 64. Anguaño la población ye muncho menor magar ser zona minera. El Vau con unes 40 cases tien nesti momentu seis habitantes; A Estierna mantién otres cuarenta cases.

Fiestes[editar | editar la fonte]

Les fiestes patronales son El Carmen n'El Vau, el segundu fin de selmana d'agostu, y San Bartolo'l 25 d'agostu n'A Estierna.

Turismu[editar | editar la fonte]

Estos pueblos ufierten al turista la posibilidá de visitar el so Muséu Etnográficu Tixileiru y agospiase nel so Hotel Rural Tixileiro.

Patrimoniu[editar | editar la fonte]

El so patrimoniu cultural céntrase en cuatro construcciones perimportantes que son, n'A Estierna la Ilesia de Santa María, y n'El Vau la Capiella del Carmen, Casa de Feliz (col escudu de los Sal) y la Casa de Bone.

Referencies[editar | editar la fonte]

  1. Nomes de conceyos, parroquies, pueblos y llugares del Principáu d'Asturies, Academia de la Llingua Asturiana, Uviéu, 2000, ISBN 84-8168-194-6. PDF, páx. 95
  2. Toponimia Asturiana. El porqué de los nombres de nuestros pueblos, Xosé Lluis García Arias, Editorial Prensa Asturiana S.A./La Nueva España, Uviéu, 2005, ISBN 84-87730-78-7.
  3. Nomes de conceyos, parroquies, pueblos y llugares del Principáu d'Asturies, Academia de la Llingua Asturiana, Uviéu, 2000, ISBN 84-8168-194-6. PDF, páx. 95
Flag of Asturias (indoor).svg Parroquies d' Ibias
Cecos | Os Coutos | A Estierna | Marentes | Piliceira | San Cremente | Santantolín | Sena | Seroiro | Taladriz | Tormaleo